Abu Dhabi school roads cleaned; അബുദാബി സിറ്റി മുനിസിപ്പാലിറ്റിയുടെ നേതൃത്വത്തിൽ പുതിയ അക്കാദമിക് വർഷത്തെ വരവേൽക്കാനായി നഗരത്തിലെ സ്കൂളുകൾക്കും വിദ്യാഭ്യാസ സ്ഥാപനങ്ങൾക്കും ചുറ്റുമുള്ള പ്രദേശങ്ങളിൽ വിപുലമായ ശുചീകരണവും സുരക്ഷാ പരിശോധനയും പൂർത്തിയായി. നഗരത്തിലെ 139 സ്കൂളുകൾ, 47 നഴ്സറികൾ, 5 സർവ്വകലാശാലകൾ ഉൾപ്പെടെ ആകെ 191 സ്ഥാപനങ്ങളിലാണ് പരിശോധനാ കാമ്പയിൻ നടത്തിയത്.
വിദ്യാഭ്യാസ സ്ഥാപനങ്ങളുടെ പരിസരങ്ങൾ സുരക്ഷിതവും ശുചിത്വമുള്ളതുമാക്കുക എന്ന ലക്ഷ്യത്തോടെയാണ് പ്രവർത്തനങ്ങൾ സംഘടിപ്പിച്ചത്. അബുദാബി ഐലൻഡിലെ 27 സ്ഥാപനങ്ങളും മെയിൻലാൻഡ് നഗരങ്ങളിലെ 43 സ്ഥാപനങ്ങളും ഉൾപ്പെടെ ആകെ 70 സ്കൂളുകൾക്ക് ചുറ്റുമുള്ള റോഡുകളും പൊതുസ്ഥലങ്ങളും പൂർണ്ണമായി ശുചീകരിച്ചു. സ്കൂളുകൾക്ക് ചുറ്റുമുള്ള നടപ്പാതകൾ, കാർ പാർക്കിംഗുകൾ, തെരുവുകൾ എന്നിവ വൃത്തിയാക്കിയ ഫീൽഡ് ടീം, ആകെ 254 കിലോമീറ്റർ റോഡുകളിൽ നിന്നായി 700 കിലോഗ്രാം മാലിന്യങ്ങളും അവശിഷ്ടങ്ങളും നീക്കം ചെയ്തു. ആവശ്യമായ സ്ഥലങ്ങളിൽ റോഡുകൾ കഴുകി വൃത്തിയാക്കുകയും ചെയ്തു.

• 998 മീറ്റർ നടപ്പാതകളിലെ കൽച്ചുറ്റുകൾ (kerbstones) അറ്റകുറ്റപ്പണി നടത്തി പെയിന്റ് ചെയ്തു.
• 701 ചതുരശ്ര മീറ്റർ റോഡ് മാർക്കിംഗുകളും, 77 ദിശാസൂചിക ബോർഡുകളും സ്ഥാപിച്ചു/പുതുക്കി.
• 204 ചതുരശ്ര മീറ്റർ pedestrian walkways (നടപ്പാതകൾ) നവീകരിച്ചു.
• റോഡിലെ കുഴികൾ അടയ്ക്കൽ, ഭിന്നശേഷിക്കാർക്കായുള്ള പാർക്കിംഗ് സ്ഥലങ്ങൾ പുതുക്കൽ, വഴിവിളക്കുകൾ മെച്ചപ്പെടുത്തൽ, ജങ്ഷനുകളിൽ കാഴ്ചാസൗകര്യം വർദ്ധിപ്പിക്കുന്നതിനായി മരങ്ങൾ വെട്ടി ഒതുക്കൽ എന്നിവയും നടപ്പാക്കി.

കുട്ടികൾ സ്കൂളിലേക്കെത്തുന്ന റോഡുകൾ മുതൽ അവർ ഉപയോഗിക്കുന്ന എല്ലാ സംവിധാനങ്ങളും സുരക്ഷിതമാണെന്ന് ഉറപ്പുവരുത്തുക എന്നതാണ് ഈ കാമ്പയിന്റെ ലക്ഷ്യമെന്ന് അബുദാബി സിറ്റി മുനിസിപ്പാലിറ്റി ഡയറക്ടർ ജനറൽ അഹമ്മദ് ഫദൽ അൽമെഹൈർബി വ്യക്തമാക്കി.വിദ്യാഭ്യാസ സ്ഥാപനങ്ങളിലെ ജലസംവിധാനങ്ങളുടെ സുരക്ഷയും ഗുണനിലവാരവും പരിശോധിച്ചതായി മുനിസിപ്പൽ സർവീസസ് സെക്ടർ ആക്ടിങ് എക്സിക്യൂട്ടീവ് ഡയറക്ടർ ഒമർ അൽ ഷെഹി അറിയിച്ചു. ജലസംഭരണികൾ (ടാങ്കുകൾ), കുടിവെള്ള കൂളറുകൾ, നീന്തൽക്കുളങ്ങൾ എന്നിവ പ്രത്യേക ചെക്ക്‌ലിസ്റ്റ് ഉപയോഗിച്ച് പരിശോധിച്ചു. നീന്തൽക്കുളങ്ങളിൽ കെമിക്കൽ പരിശോധന, ഫിൽട്ടർ-പമ്പ് കാര്യക്ഷമത, ലൈഫ് ഗാർഡിന്റെ സേവനം എന്നിവ ഉറപ്പുവരുത്തുകയും വെള്ളത്തിന്റെ സാമ്പിളുകൾ ശേഖരിച്ച് പരിശോധിക്കുകയും ചെയ്തിട്ടുണ്ട്.
വിദ്യാഭ്യാസ സ്ഥാപനങ്ങളിലെ സുരക്ഷയും ശുചിത്വവും നിലനിർത്തുന്നതിനായി അക്കാദമിക് വർഷത്തിലുടനീളം ഇത്തരം പരിശോധനകൾ തുടരുമെന്ന് മുനിസിപ്പാലിറ്റി അറിയിച്ചു. യുഎഇയിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാവുക https://chat.whatsapp.com/Dbf59JLetgBECJpr5UZOuZ?mode=gi_t

‘സ്ഫോടന ശബ്ദ’മുണ്ടാക്കുന്ന വാഹനങ്ങൾക്കെതിരെ യുഎഇയിൽ കർശന നടപടി; പിഴയും 12 ബ്ലാക്ക് പോയിന്റും

ജനവാസ മേഖലകളിൽ അർദ്ധരാത്രിയിൽ സ്ഫോടനത്തിന് സമാനമായ ശബ്ദമുണ്ടാക്കി ജനങ്ങളിൽ പരിഭ്രാന്തി സൃഷ്ടിക്കുന്ന വിധത്തിൽ നിയമവിരുദ്ധമായി രൂപമാറ്റം വരുത്തിയ കാറുകളുടെയും മോട്ടോർ സൈക്കിളുകളുടെയും യുഎഇ പോലീസ് കർശന നടപടികൾ ആരംഭിച്ചു. മേഖലയിലെ സംഘർഷാവസ്ഥ വാർത്തകളിൽ നിറഞ്ഞുനിൽക്കുന്ന സാഹചര്യത്തിൽ ഇത്തരം വാഹനങ്ങളിൽ നിന്നുണ്ടാകുന്ന ‘ബാക്ക് ഫയർ’ ശബ്ദങ്ങൾ പലരും മിസൈൽ ആക്രമണമോ സ്ഫോടനമോ ആണെന്ന് തെറ്റിദ്ധരിച്ച് ഭീതിയിലായിരുന്നുവെന്ന് അധികൃതർ വ്യക്തമാക്കി. എഞ്ചിനുകളിൽ മാറ്റം വരുത്തി ഉദ്ദേശപൂർവ്വം ശക്തമായ ശബ്ദമുണ്ടാക്കുന്നത് പ്രധാനമായും കൗമാരക്കാരും യുവാക്കളുമാണെന്ന് അന്വേഷണത്തിൽ കണ്ടെത്തിയതായി പോലീസ് അറിയിച്ചു. റിപ്പോർട്ട് ചെയ്യപ്പെട്ട ശബ്ദങ്ങൾ വാഹനങ്ങളിൽ നിന്നുള്ളതാണെന്നും രാജ്യത്തിന്റെ സുരക്ഷയെ ബാധിക്കുന്ന യാതൊരു ഭീഷണിയും നിലവിലില്ലെന്നും അധികൃതർ ജനങ്ങളെ ആശ്വസിപ്പിച്ചു. യുഎഇ പൂർണ്ണമായും സുരക്ഷിതമാണെന്നും പോലീസ് വ്യക്തമാക്കി.

ദുബായ്, ഷാർജ തുടങ്ങിയ എമിറേറ്റുകളിലെ ജനവാസ പ്രദേശങ്ങളിൽ രാത്രികാല പോലീസ് പട്രോളിംഗ് ശക്തമാക്കിയിട്ടുണ്ട്. യുഎഇ ട്രാഫിക് നിയമപ്രകാരം അമിത ശബ്ദമുണ്ടാക്കുന്ന വാഹനങ്ങൾ ഓടിക്കുന്നവർക്ക് 2000 ദിർഹം പിഴയും 12 ബ്ലാക്ക് പോയിന്റുകളും ലഭിക്കും. കൂടാതെ വാഹനം പോലീസ് പിടിച്ചെടുക്കുകയും ചെയ്യും. അനധികൃതമായി രൂപമാറ്റം വരുത്തിയ വാഹനങ്ങൾ തിരികെ ലഭിക്കാൻ 10,000 ദിർഹം വരെ ഫീസ് നൽകേണ്ടിവരുമെന്നും അധികൃതർ അറിയിച്ചു. ഈ നടപടി കർശനമായി നടപ്പാക്കുന്നതിന് ദുബായ് പോലീസ് ഓപ്പറേഷൻസ് അസിസ്റ്റന്റ് കമാൻഡർ-ഇൻ-ചീഫ് മേജർ ജനറൽ സെയ്ഫ് മുഹൈർ അൽ മസ്‌റൂയിയും ഷാർജ പോലീസ് സെൻട്രൽ റീജിയൻ ഡയറക്ടർ ബ്രിഗേഡിയർ ഖലീഫ അൽ ഖസൂനിയും നേതൃത്വമൊരുക്കുന്നുണ്ട്. കുട്ടികൾ വാഹനങ്ങളിൽ അനധികൃത മാറ്റങ്ങൾ വരുത്തുന്നില്ലെന്ന് മാതാപിതാക്കൾ ശ്രദ്ധിക്കണമെന്നും അധികൃതർ അഭ്യർത്ഥിച്ചു. ഇത്തരം ശബ്ദശല്യം ഉണ്ടാക്കുന്ന വാഹനങ്ങളെക്കുറിച്ച് ഔദ്യോഗിക ചാനലുകൾ വഴി പോലീസിനെ അറിയിക്കണമെന്നും പൊതുജനങ്ങളോട് നിർദേശിച്ചിട്ടുണ്ട്. മേഖലയിലെ നിലവിലെ സാഹചര്യം പരിഗണിച്ച് ജനങ്ങളുടെ സമാധാനവും സുരക്ഷയും ഉറപ്പാക്കുക എന്ന ലക്ഷ്യത്തോടെയാണ് ഈ നടപടികൾ ശക്തമാക്കിയതെന്നും പോലീസ് അറിയിച്ചു. പോലീസിന്റെ ഈ ഇടപെടലിനെ പ്രവാസികളും സ്വദേശികളും സ്വാഗതം ചെയ്തിട്ടുണ്ട്. യുഎഇയിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാവുhttps://chat.whatsapp.com/Dbf59JLetgBECJpr5UZOuZ?mode=gi_t