Abu Dhabi e-scooter violations; സുരക്ഷാ മാനദണ്ഡങ്ങൾ ലംഘിച്ചതിന് 2026-ലെ ആദ്യ 10 മാസത്തിനുള്ളിൽ അബുദാബി പോലീസ് പിടിച്ചെടുത്തത് 9,237 ഇലക്ട്രിക് സ്കൂട്ടറുകൾ. പൊതുനിരത്തുകളിലും വാഹനങ്ങൾക്കിടയിലും, നിരോധിക്കപ്പെട്ട പാതകളിലും സ്കൂട്ടറുകൾ ഓടിച്ചതിനാണ് നടപടി. ഇലക്ട്രിക് സ്കൂട്ടർ ഉപയോഗം യാത്രക്കാരനും മറ്റ് റോഡ് ഉപയോക്താക്കൾക്കും ഒരുപോലെ അപകടകരമാണെന്ന് പോലീസ് മുന്നറിയിപ്പ് നൽകി. സ്കൂട്ടർ യാത്രക്കാർക്കിടയിൽ കണ്ടുവരുന്ന ഏറ്റവും അപകടകരമായ പ്രവണതകൾ ഇവയാണ്.

• ശ്രദ്ധയില്ലാതെ വാഹനം ഓടിക്കൽ: ട്രാഫിക് നിയമങ്ങൾ പാലിക്കാതെ അശ്രദ്ധമായി വാഹനം ഓടിക്കുന്നത് അപകട സാധ്യത വർദ്ധിപ്പിക്കുന്നു.
• ഹെൽമറ്റ് ധരിക്കാതിരിക്കൽ: സുരക്ഷാ മുൻകരുതലിന്റെ ഭാഗമായ ഹെൽമറ്റ് ധരിക്കാത്തത് ഗുരുതരമായ പരിക്കുകൾക്കും മരണത്തിനും കാരണമാകുന്നു.
• സുരക്ഷാ ഉപകരണങ്ങൾ ഉപയോഗിക്കാതിരിക്കൽ: മറ്റ് സുരക്ഷാ ഗിയറുകൾ ധരിക്കാത്തതും വലിയ അപകടങ്ങൾക്ക് വഴിവെക്കുന്നു.

നിർദ്ദിഷ്ട പാതകളിൽ മാത്രം സ്കൂട്ടർ ഓടിക്കാനും ഹെൽമറ്റും സുരക്ഷാ ഉപകരണങ്ങളും നിർബന്ധമായും ധരിക്കാനും അധികൃതർ ഉപയോക്താക്കളോട് അഭ്യർത്ഥിച്ചു.

ഇ-സ്‌കൂട്ടറുകൾക്ക് പ്രവേശനമില്ലാത്ത സ്ഥലങ്ങൾ

അനുമതിയില്ലാതെ നിരോധിത മേഖലകളിൽ ഇ-സ്‌കൂട്ടറുകൾ ഓടിച്ചാൽ 500 ദിർഹം പിഴ ചുമത്തും. നിരോധനമുള്ള പ്രധാന സ്ഥലങ്ങൾ താഴെ പറയുന്നവയാണ്.

• നടപ്പാതകളിലും ജോഗിംഗ് ട്രാക്കുകളിലും ഓടിക്കാൻ പാടില്ല.
• അധികൃതർ പ്രത്യേകം അടയാളപ്പെടുത്താത്ത ഫുട്പാത്തുകളിൽ ഓടിക്കാൻ പാടില്ല.
• മണിക്കൂറിൽ 60 കിലോമീറ്റർ വേഗതയുള്ള സെക്കൻഡറി, ടെർഷ്യറി റോഡുകളിൽ (അനുമതിയുള്ളവർക്കല്ലാതെ).
• സൈക്കിൾ, ഇ-ബൈക്ക്, സ്കൂട്ടർ എന്നിവയ്ക്കായി പ്രത്യേകം പാതകളില്ലാത്ത പാലങ്ങളിലും തുരങ്കങ്ങളിലും.
• താത്കാFലികമായോ സ്ഥിരമായോ നിരോധന ബോർഡുകൾ സ്ഥാപിച്ചിട്ടുള്ള സ്ഥലങ്ങളിൽ.

ഈ നിയമങ്ങൾ ലംഘിക്കുന്നവർക്കെതിരെ കർശന നടപടി തുടരുമെന്ന് അബുദാബി പോലീസ് വ്യക്തമാക്കി. യുഎഇയിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാവുക https://chat.whatsapp.com/Dbf59JLetgBECJpr5UZOuZ?mode=gi_t

‘സ്ഫോടന ശബ്ദ’മുണ്ടാക്കുന്ന വാഹനങ്ങൾക്കെതിരെ യുഎഇയിൽ കർശന നടപടി; പിഴയും 12 ബ്ലാക്ക് പോയിന്റും

ജനവാസ മേഖലകളിൽ അർദ്ധരാത്രിയിൽ സ്ഫോടനത്തിന് സമാനമായ ശബ്ദമുണ്ടാക്കി ജനങ്ങളിൽ പരിഭ്രാന്തി സൃഷ്ടിക്കുന്ന വിധത്തിൽ നിയമവിരുദ്ധമായി രൂപമാറ്റം വരുത്തിയ കാറുകളുടെയും മോട്ടോർ സൈക്കിളുകളുടെയും യുഎഇ പോലീസ് കർശന നടപടികൾ ആരംഭിച്ചു. മേഖലയിലെ സംഘർഷാവസ്ഥ വാർത്തകളിൽ നിറഞ്ഞുനിൽക്കുന്ന സാഹചര്യത്തിൽ ഇത്തരം വാഹനങ്ങളിൽ നിന്നുണ്ടാകുന്ന ‘ബാക്ക് ഫയർ’ ശബ്ദങ്ങൾ പലരും മിസൈൽ ആക്രമണമോ സ്ഫോടനമോ ആണെന്ന് തെറ്റിദ്ധരിച്ച് ഭീതിയിലായിരുന്നുവെന്ന് അധികൃതർ വ്യക്തമാക്കി. എഞ്ചിനുകളിൽ മാറ്റം വരുത്തി ഉദ്ദേശപൂർവ്വം ശക്തമായ ശബ്ദമുണ്ടാക്കുന്നത് പ്രധാനമായും കൗമാരക്കാരും യുവാക്കളുമാണെന്ന് അന്വേഷണത്തിൽ കണ്ടെത്തിയതായി പോലീസ് അറിയിച്ചു. റിപ്പോർട്ട് ചെയ്യപ്പെട്ട ശബ്ദങ്ങൾ വാഹനങ്ങളിൽ നിന്നുള്ളതാണെന്നും രാജ്യത്തിന്റെ സുരക്ഷയെ ബാധിക്കുന്ന യാതൊരു ഭീഷണിയും നിലവിലില്ലെന്നും അധികൃതർ ജനങ്ങളെ ആശ്വസിപ്പിച്ചു. യുഎഇ പൂർണ്ണമായും സുരക്ഷിതമാണെന്നും പോലീസ് വ്യക്തമാക്കി. ദുബായ്, ഷാർജ തുടങ്ങിയ എമിറേറ്റുകളിലെ ജനവാസ പ്രദേശങ്ങളിൽ രാത്രികാല പോലീസ് പട്രോളിംഗ് ശക്തമാക്കിയിട്ടുണ്ട്. യുഎഇ ട്രാഫിക് നിയമപ്രകാരം അമിത ശബ്ദമുണ്ടാക്കുന്ന വാഹനങ്ങൾ ഓടിക്കുന്നവർക്ക് 2000 ദിർഹം പിഴയും 12 ബ്ലാക്ക് പോയിന്റുകളും ലഭിക്കും. കൂടാതെ വാഹനം പോലീസ് പിടിച്ചെടുക്കുകയും ചെയ്യും. അനധികൃതമായി രൂപമാറ്റം വരുത്തിയ വാഹനങ്ങൾ തിരികെ ലഭിക്കാൻ 10,000 ദിർഹം വരെ ഫീസ് നൽകേണ്ടിവരുമെന്നും അധികൃതർ അറിയിച്ചു. ഈ നടപടി കർശനമായി നടപ്പാക്കുന്നതിന് ദുബായ് പോലീസ് ഓപ്പറേഷൻസ് അസിസ്റ്റന്റ് കമാൻഡർ-ഇൻ-ചീഫ് മേജർ ജനറൽ സെയ്ഫ് മുഹൈർ അൽ മസ്‌റൂയിയും ഷാർജ പോലീസ് സെൻട്രൽ റീജിയൻ ഡയറക്ടർ ബ്രിഗേഡിയർ ഖലീഫ അൽ ഖസൂനിയും നേതൃത്വമൊരുക്കുന്നുണ്ട്. കുട്ടികൾ വാഹനങ്ങളിൽ അനധികൃത മാറ്റങ്ങൾ വരുത്തുന്നില്ലെന്ന് മാതാപിതാക്കൾ ശ്രദ്ധിക്കണമെന്നും അധികൃതർ അഭ്യർത്ഥിച്ചു. ഇത്തരം ശബ്ദശല്യം ഉണ്ടാക്കുന്ന വാഹനങ്ങളെക്കുറിച്ച് ഔദ്യോഗിക ചാനലുകൾ വഴി പോലീസിനെ അറിയിക്കണമെന്നും പൊതുജനങ്ങളോട് നിർദേശിച്ചിട്ടുണ്ട്. മേഖലയിലെ നിലവിലെ സാഹചര്യം പരിഗണിച്ച് ജനങ്ങളുടെ സമാധാനവും സുരക്ഷയും ഉറപ്പാക്കുക എന്ന ലക്ഷ്യത്തോടെയാണ് ഈ നടപടികൾ ശക്തമാക്കിയതെന്നും പോലീസ് അറിയിച്ചു. പോലീസിന്റെ ഈ ഇടപെടലിനെ പ്രവാസികളും സ്വദേശികളും സ്വാഗതം ചെയ്തിട്ടുണ്ട്.യുഎഇയിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാവുhttps://chat.whatsapp.com/Dbf59JLetgBECJpr5UZOuZ?mode=gi_t