Abu Dhabi Summer Rain; കഴിഞ്ഞ ദിവസങ്ങളിൽ അബുദാബിയുടെ വിവിധ ഭാഗങ്ങളിൽ മഴ മുന്നറിയിപ്പ് ഉണ്ടായിരുന്നെങ്കിലും, നഗരവാസികൾക്ക് നിരാശയായിരുന്നു ഫലം. അൽ ഐൻ ഉൾപ്പെടെയുള്ള ഉൾനാടൻ പ്രദേശങ്ങളിൽ കനത്ത മഴ പെയ്തപ്പോൾ അബുദാബി നഗരത്തിലും കോർണിഷ് ഭാഗങ്ങളിലും കടുത്ത ചൂടും ഹ്യുമിഡിറ്റിയും മാത്രമാണ് അനുഭവപ്പെട്ടത്. എന്തുകൊണ്ടാണ് ഒരേ എമിറേറ്റിൽ തന്നെ ഇത്രയും വലിയ മാറ്റം അനുഭവപ്പെടുന്നത് എന്ന് ദേശീയ കാലാവസ്ഥാ നിരീക്ഷണ കേന്ദ്രം വ്യക്തമാക്കുന്നുണ്ട്. വേനൽക്കാലത്ത് രൂപപ്പെടുന്ന മഴമേഘങ്ങൾ വളരെ പ്രാദേശികമായാണ് മഴ പെയ്യിക്കുന്നത്. കിഴക്കൻ പർവ്വതമേഘലകളിൽ നിന്നും ഉൾനാടൻ മണൽക്കാടുകളിൽ നിന്നും രൂപപ്പെടുന്ന ഈ പ്രതിഭാസം പലപ്പോഴും നഗരപ്രദേശങ്ങളിലേക്ക് എത്താറില്ല. മുഹമ്മദ് ബിൻ സായിദ് സിറ്റി, ഷഖ്ബൂത്ത് സിറ്റി, അൽ ഷംഖ തുടങ്ങിയ സ്ഥലങ്ങളിൽ മഴ ലഭിക്കാൻ സാധ്യതയുണ്ടെങ്കിലും നഗരമധ്യത്തിൽ ഇത് കുറവായിരിക്കും. വരും ദിവസങ്ങളിലും (ബുധനാഴ്ച വരെ) രാജ്യത്തിന്റെ വിവിധ ഭാഗങ്ങളിൽ ഉച്ചയ്ക്ക് ശേഷം മഴയ്ക്ക് സാധ്യതയുണ്ടെന്നും കാലാവസ്ഥാ കേന്ദ്രം അറിയിച്ചു. മറ്റൊരു ആശ്വാസവാർത്ത, ഈ വർഷം ഇനി താപനില 50 ഡിഗ്രിയിലേക്ക് ഉയരാൻ സാധ്യതയില്ല എന്നതാണ്. സെപ്റ്റംബർ അവസാനത്തോടെ ചൂട് കുറഞ്ഞു തുടങ്ങുമെന്നും ഒക്ടോബർ, നവംബർ മാസങ്ങളിൽ കാലാവസ്ഥ കൂടുതൽ പ്രസന്നമാകുമെന്നും NCM റിപ്പോർട്ടിൽ പറയുന്നു.

വരും ദിവസങ്ങളിലും മഴ തുടരാൻ സാധ്യതയുണ്ടെന്ന് കാലാവസ്ഥാ നിരീക്ഷണ കേന്ദ്രം അറിയിച്ചു.

• ശനിയാഴ്ച മുതൽ ബുധനാഴ്ച വരെ: രാജ്യത്തിന്റെ കിഴക്കൻ, തെക്കൻ, പടിഞ്ഞാറൻ മേഖലകളിൽ ഉച്ചയ്ക്ക് ശേഷം മഴയ്ക്ക് സാധ്യതയുണ്ട്.
• കാറ്റ്: മണിക്കൂറിൽ 40 മുതൽ 50 കിലോമീറ്റർ വരെ വേഗതയിൽ കാറ്റ് വീശാനും പൊടിപടലങ്ങൾ ഉയരാനും സാധ്യതയുണ്ട്.
• കടൽ: ഒമാൻ കടലിലും പേർഷ്യൻ ഗൾഫിലും കടൽ ശാന്തമായിരിക്കും.

താപനില 50 ഡിഗ്രി കടക്കില്ല

ഈ വർഷം താപനില ഇനി 50 ഡിഗ്രി സെൽഷ്യസിലേക്ക് ഉയരാൻ സാധ്യതയില്ലെന്ന് മറിയം അൽ ഷെഹി വ്യക്തമാക്കി. ഓഗസ്റ്റ് അവസാനത്തോടെ ചൂട് 46-47 ഡിഗ്രിയിലേക്ക് കുറയും. ഒക്ടോബറോടെ താപനില 41-43 ഡിഗ്രിയിലേക്കും, നവംബറിൽ 39 ഡിഗ്രിയിലേക്കും താഴുമെന്നാണ് പ്രതീക്ഷിക്കുന്നത്. ഇതോടെ യുഎഇയിൽ ശൈത്യകാലത്തിന് തുടക്കമാകും. മഴ പെയ്തു കഴിയുമ്പോൾ അന്തരീക്ഷത്തിലെ കടുത്ത ഉഷ്ണത്തിനും ഹ്യുമിഡിറ്റിക്കും താത്കാലിക ആശ്വാസം ലഭിക്കുമെന്നും അധികൃതർ കൂട്ടിച്ചേർത്തു. യുഎഇയിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാവുക https://chat.whatsapp.com/Dbf59JLetgBECJpr5UZOuZ?mode=gi_t

‘സ്ഫോടന ശബ്ദ’മുണ്ടാക്കുന്ന വാഹനങ്ങൾക്കെതിരെ യുഎഇയിൽ കർശന നടപടി; പിഴയും 12 ബ്ലാക്ക് പോയിന്റും

ജനവാസ മേഖലകളിൽ അർദ്ധരാത്രിയിൽ സ്ഫോടനത്തിന് സമാനമായ ശബ്ദമുണ്ടാക്കി ജനങ്ങളിൽ പരിഭ്രാന്തി സൃഷ്ടിക്കുന്ന വിധത്തിൽ നിയമവിരുദ്ധമായി രൂപമാറ്റം വരുത്തിയ കാറുകളുടെയും മോട്ടോർ സൈക്കിളുകളുടെയും യുഎഇ പോലീസ് കർശന നടപടികൾ ആരംഭിച്ചു. മേഖലയിലെ സംഘർഷാവസ്ഥ വാർത്തകളിൽ നിറഞ്ഞുനിൽക്കുന്ന സാഹചര്യത്തിൽ ഇത്തരം വാഹനങ്ങളിൽ നിന്നുണ്ടാകുന്ന ‘ബാക്ക് ഫയർ’ ശബ്ദങ്ങൾ പലരും മിസൈൽ ആക്രമണമോ സ്ഫോടനമോ ആണെന്ന് തെറ്റിദ്ധരിച്ച് ഭീതിയിലായിരുന്നുവെന്ന് അധികൃതർ വ്യക്തമാക്കി. എഞ്ചിനുകളിൽ മാറ്റം വരുത്തി ഉദ്ദേശപൂർവ്വം ശക്തമായ ശബ്ദമുണ്ടാക്കുന്നത് പ്രധാനമായും കൗമാരക്കാരും യുവാക്കളുമാണെന്ന് അന്വേഷണത്തിൽ കണ്ടെത്തിയതായി പോലീസ് അറിയിച്ചു. റിപ്പോർട്ട് ചെയ്യപ്പെട്ട ശബ്ദങ്ങൾ വാഹനങ്ങളിൽ നിന്നുള്ളതാണെന്നും രാജ്യത്തിന്റെ സുരക്ഷയെ ബാധിക്കുന്ന യാതൊരു ഭീഷണിയും നിലവിലില്ലെന്നും അധികൃതർ ജനങ്ങളെ ആശ്വസിപ്പിച്ചു. യുഎഇ പൂർണ്ണമായും സുരക്ഷിതമാണെന്നും പോലീസ് വ്യക്തമാക്കി.

ദുബായ്, ഷാർജ തുടങ്ങിയ എമിറേറ്റുകളിലെ ജനവാസ പ്രദേശങ്ങളിൽ രാത്രികാല പോലീസ് പട്രോളിംഗ് ശക്തമാക്കിയിട്ടുണ്ട്. യുഎഇ ട്രാഫിക് നിയമപ്രകാരം അമിത ശബ്ദമുണ്ടാക്കുന്ന വാഹനങ്ങൾ ഓടിക്കുന്നവർക്ക് 2000 ദിർഹം പിഴയും 12 ബ്ലാക്ക് പോയിന്റുകളും ലഭിക്കും. കൂടാതെ വാഹനം പോലീസ് പിടിച്ചെടുക്കുകയും ചെയ്യും. അനധികൃതമായി രൂപമാറ്റം വരുത്തിയ വാഹനങ്ങൾ തിരികെ ലഭിക്കാൻ 10,000 ദിർഹം വരെ ഫീസ് നൽകേണ്ടിവരുമെന്നും അധികൃതർ അറിയിച്ചു. ഈ നടപടി കർശനമായി നടപ്പാക്കുന്നതിന് ദുബായ് പോലീസ് ഓപ്പറേഷൻസ് അസിസ്റ്റന്റ് കമാൻഡർ-ഇൻ-ചീഫ് മേജർ ജനറൽ സെയ്ഫ് മുഹൈർ അൽ മസ്‌റൂയിയും ഷാർജ പോലീസ് സെൻട്രൽ റീജിയൻ ഡയറക്ടർ ബ്രിഗേഡിയർ ഖലീഫ അൽ ഖസൂനിയും നേതൃത്വമൊരുക്കുന്നുണ്ട്. കുട്ടികൾ വാഹനങ്ങളിൽ അനധികൃത മാറ്റങ്ങൾ വരുത്തുന്നില്ലെന്ന് മാതാപിതാക്കൾ ശ്രദ്ധിക്കണമെന്നും അധികൃതർ അഭ്യർത്ഥിച്ചു. ഇത്തരം ശബ്ദശല്യം ഉണ്ടാക്കുന്ന വാഹനങ്ങളെക്കുറിച്ച് ഔദ്യോഗിക ചാനലുകൾ വഴി പോലീസിനെ അറിയിക്കണമെന്നും പൊതുജനങ്ങളോട് നിർദേശിച്ചിട്ടുണ്ട്. മേഖലയിലെ നിലവിലെ സാഹചര്യം പരിഗണിച്ച് ജനങ്ങളുടെ സമാധാനവും സുരക്ഷയും ഉറപ്പാക്കുക എന്ന ലക്ഷ്യത്തോടെയാണ് ഈ നടപടികൾ ശക്തമാക്കിയതെന്നും പോലീസ് അറിയിച്ചു. പോലീസിന്റെ ഈ ഇടപെടലിനെ പ്രവാസികളും സ്വദേശികളും സ്വാഗതം ചെയ്തിട്ടുണ്ട്.യുഎഇയിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാവുhttps://chat.whatsapp.com/Dbf59JLetgBECJpr5UZOuZ?mode=gi_t