സംസ്ഥാന സർക്കാർ സ്ഥാപനമായ നോർക്ക റൂട്ട്സ് വഴി ജർമ്മനിയിലെ വിവിധ ആശുപത്രികളിലേക്ക് നഴ്സുമാരെ തിരഞ്ഞെടുക്കുന്നു. ‘വർക്ക് ഇൻ ഹെൽത്ത്, ജർമ്മനി’ റിക്രൂട്ട്മെന്റ് പ്രോഗ്രാമിലൂടെ 100 ഒഴിവുകളിലേക്കാണ് അപേക്ഷ ക്ഷണിച്ചിരിക്കുന്നത്. താല്പര്യമുള്ള ഉദ്യോഗാർത്ഥികൾക്ക് 2026 മെയ് 21-നകം അപേക്ഷിക്കാവുന്നതാണ്.
യോഗ്യത മാനദണ്ഡങ്ങൾ
- വിദ്യാഭ്യാസ യോഗ്യത: നഴ്സിങ്ങിൽ ബിരുദം (B.Sc Nursing) അല്ലെങ്കിൽ പോസ്റ്റ് ബേസിക് ബാച്ച്ലേഴ്സ് ഡിഗ്രി.
- പ്രവൃത്തിപരിചയം: കുറഞ്ഞത് രണ്ടു വർഷത്തെ ബെഡ് സൈഡ് പേഷ്യന്റ് കെയർ എക്സ്പീരിയൻസ് (ഐ.സി.യു, മെഡിക്കൽ സർജിക്കൽ വാർഡ്, ഓങ്കോളജി, ന്യൂറോളജി, ജീറിയാട്രിക്, പ്രൈവറ്റ് വാർഡ് അല്ലെങ്കിൽ മറ്റ് അഡൾട് ഇൻപേഷ്യന്റ് വാർഡുകൾ).
- പ്രായപരിധി: 2026 മെയ് 31-ൽ 36 വയസ്സ് കവിയരുത്.
⚠️ ശ്രദ്ധിക്കുക: പീഡിയാട്രിക് അല്ലെങ്കിൽ നിയോനാറ്റോളജി വാർഡുകളിൽ മാത്രം പ്രവൃത്തിപരിചയമുള്ളവരെ പരിഗണിക്കുന്നതല്ല. കൂടാതെ, ജർമൻ ഭാഷയിൽ ഇതിനകം B1/B2 യോഗ്യതയുള്ളവരും നിലവിൽ നോർക്ക ‘ട്രിപ്പിൾ വിൻ’ പ്രോഗ്രാമിലേക്ക് തിരഞ്ഞെടുക്കപ്പെട്ടവരും അപേക്ഷിക്കേണ്ടതില്ല. (അപേക്ഷിക്കുന്ന സമയത്ത് ജർമ്മൻ ഭാഷാ പരിജ്ഞാനം നിർബന്ധമില്ല).
ആകർഷകമായ ആനുകൂല്യങ്ങൾ
- സൗജന്യ ഭാഷാ പരിശീലനം: തിരഞ്ഞെടുക്കപ്പെടുന്നവർക്ക് A1 മുതൽ B2 ലെവൽ വരെ സൗജന്യ ജർമ്മൻ ഭാഷാ പഠനം.
- താമസവും ഭക്ഷണവും: B1 ലെവൽ മുതൽ താമസം, ഭക്ഷണം എന്നിവ പൂർണ്ണമായും സൗജന്യമായിരിക്കും.
- പ്രതിമാസ സ്കോളർഷിപ്പ്:
- A2 ലെവൽ പാസ്സാകുന്നവർക്ക്: 100 യൂറോ
- B1 ലെവൽ പാസ്സാകുന്നവർക്ക്: 150 യൂറോ
- B2 ലെവൽ പാസ്സാകുന്നവർക്ക്: 200 യൂറോ
- ആദ്യ ചാൻസിൽ പരീക്ഷ പാസ്സാകുന്നവർക്ക് 100 യൂറോ അധികമായി ലഭിക്കും.
- സൗജന്യ വിസ & ടിക്കറ്റ്: വിസ പ്രോസസ്സിംഗ്, വിമാന ടിക്കറ്റ് ഉൾപ്പെടെയുള്ള എല്ലാ ചെലവുകളും പൂർണ്ണമായും സൌജന്യമാണ്.
ശമ്പളവും നിയമനവും
B2 ലെവൽ വിജയകരമായി പൂർത്തിയാക്കുന്നവർക്ക് ജർമനിയിലെ ആശുപത്രികളിൽ നേഴ്സ് ആയി നിയമനം ലഭിക്കും. കുറഞ്ഞത് 2400 യൂറോ ആണ് തുടക്ക ശമ്പളം.
എങ്ങനെ അപേക്ഷിക്കാം?
താല്പര്യമുള്ളവർ 2026 മെയ് 21-നകം നോർക്ക റൂട്ട്സിന്റെ ഔദ്യോഗിക വെബ്സൈറ്റ് വഴി അപേക്ഷ സമർപ്പിക്കേണ്ടതാണ്.
വെബ്സൈറ്റ്: www.norkaroots.kerala.gov.in
കൂടുതൽ വിവരങ്ങൾക്ക് ബന്ധപ്പെടുക:
- ഓഫീസ് നമ്പറുകൾ (പ്രവൃത്തി ദിനങ്ങളിൽ): 0471-2770536, 2770540, 2770539, 2770566
- നോർക്ക ഗ്ലോബൽ കോൺടാക്ട് സെന്റർ (24 മണിക്കൂറും ലഭ്യമാണ്):
- 1800 425 3939 (ഇന്ത്യയിൽ നിന്നും – ടോൾ ഫ്രീ)
- +91-8802 012 345 (വിദേശത്തുനിന്നും – മിസ്സ്ഡ് കോൾ സർവ്വീസ്)
