അടിയന്തര ആരോഗ്യ സേവന രംഗത്ത് വലിയ മുന്നേറ്റമായി United Arab Emirates ആദ്യ ദീർഘദൂര എയർ ആംബുലൻസ് സർവീസ് ആരംഭിച്ചു. മലയാളി കമ്പനി അവതരിപ്പിച്ച ഈ സംവിധാനം, ഗുരുതരാവസ്ഥയിലുള്ള രോഗികളെ വേഗത്തിൽ വിദേശ രാജ്യങ്ങളിലേക്ക് മാറ്റാൻ സഹായിക്കും.

‘ചലഞ്ചർ 605’ വിമാനത്തെ അടിസ്ഥാനമാക്കി ഒരുക്കിയ ഈ സർവീസ് ഏകദേശം 4000 നോട്ടിക്കൽ മൈൽ ദൂരം ഇടവിടങ്ങളില്ലാതെ പറക്കാൻ കഴിവുള്ളതാണ്. ഇതിലൂടെ അമേരിക്ക, യൂറോപ്പ്, ഏഷ്യ തുടങ്ങിയ സ്ഥലങ്ങളിലേക്ക് നേരിട്ട് രോഗികളെ എത്തിക്കാനാകും.

അത്യാധുനിക മെഡിക്കൽ സൗകര്യങ്ങളോട് കൂടിയ ഈ വിമാനം ഒരു ‘ഫ്ലയിംഗ് ICU’ ആയി പ്രവർത്തിക്കും. യാത്രാസമയം കുറയുന്നത് രോഗികളുടെ ജീവൻ രക്ഷിക്കാനുള്ള സാധ്യത ഗണ്യമായി വർധിപ്പിക്കുമെന്ന് അധികൃതർ വ്യക്തമാക്കി.

ഈ പുതിയ സേവനത്തോടെ അബുദാബി ലോകോത്തര അടിയന്തര ആരോഗ്യ സേവനങ്ങളുടെ പ്രധാന കേന്ദ്രമായി മാറുമെന്നാണ് വിലയിരുത്തൽ.