oilഎണ്ണ ഉത്പാദനം വെട്ടിക്കുറയ്ക്കാനൊരുങ്ങി കുവൈത്ത്
കുവൈത്ത് സിറ്റി: എണ്ണ ഉത്പാദനം വെട്ടിക്കുറയ്ക്കാനൊരുങ്ങി കുവൈത്ത്. ഉൽപാദനം വെട്ടിക്കുറക്കാനുള്ള oil ഒപെക് പ്ലസ് രാജ്യങ്ങളുടെ തീരുമാനത്തെ തുടർന്നാണ് നടപടി. മേയ് മുതൽ 2023 അവസാനം വരെയാണ് ഉൽപാദനം വെട്ടിക്കുറയ്ക്കുക. പ്രതിദിനം 1,28,000 ബാരൽ സ്വമേധയാ വെട്ടിക്കുറക്കും. ഉപപ്രധാനമന്ത്രിയും എണ്ണ മന്ത്രിയുമായ ബദർ അൽ മുല്ലയാണ് ഇക്കാര്യം അറിയിച്ചത്. 2022 ഒക്ടോബർ അഞ്ചിന് നടന്ന 33ാമത് ഒപെക്, നോൺ-ഒപെക് മന്ത്രിതല യോഗത്തിൽ ഉൽപാദനം കുറക്കുന്നതിനും മുൻകരുതൽ നടപടികൾ സ്വീകരിക്കാനുമുള്ള തീരുമാനത്തിനെ തുടർന്നാണ് ഈ വെട്ടിക്കുറക്കലെന്നും അദ്ദേഹം അറിയിച്ചു. മൊത്തം പ്രതിദിനം പത്തുലക്ഷം ബാരലിലേറെ എണ്ണയുൽപാദനമാണ് കുറക്കാൻ തീരുമാനം. സൗദി അറേബ്യ, യു.എ.ഇ, ഒമാൻ, അൽജീരിയ, റഷ്യ തുടങ്ങിയ രാജ്യങ്ങളും ഉൽപാദനം കുറക്കുമെന്ന് അറിയിച്ചിട്ടുണ്ട്.
കുവൈത്തിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാകൂhttps://chat.whatsapp.com/KPa5RcusUQiIgyJnhcDCEn
Comments (0)