കുവൈറ്റില്‍ വ്യാജ ഗാര്‍ഹിക തൊഴിലാളി ഓഫീസ്; 32 പ്രവാസികള്‍ അറസ്റ്റില്‍
കുവൈറ്റ്: വ്യാജ ഗാര്‍ഹിക തൊഴിലാളി ഓഫീസില്‍ നിന്ന് 32 പ്രവാസികള്‍ അറസ്റ്റിലായി. ജനറല്‍ അഡ്മിനിസ്ട്രേഷന്‍ ഓഫ് റെസിഡന്‍സി അഫയേഴ്സ് ഇന്‍വെസ്റ്റിഗേഷന്‍സിന്റെ സുരക്ഷാ കാമ്പെയ്നുകളുടെ ഭാഗമായാണ് പരിശോധന നടന്നത്. ഹവല്ലി, അഹമ്മദി ഗവര്‍ണറേറ്റുകളില്‍ നടത്തിയ പരിശോധനയിലാണ് 3 വ്യാജ തൊഴിലാളി സപ്ലൈ ഓഫീസുകള്‍ റൈഡ് ചെയ്തത്.
ഈ പരിശോധനയില്‍ ഏഷ്യന്‍, അറബ് സ്വദേശികളായ 32 നിയമ ലംഘകരെ അറസ്റ്റ് ചെയ്തതായി ജനറല്‍ അഡ്മിനിസ്ട്രേഷന്‍ ഓഫ് റിലേഷന്‍സ് ആന്‍ഡ് സെക്യൂരിറ്റി മീഡിയ അറിയിച്ചു. ഇവരെ നിയമ നടപടികള്‍ക്കായി ബന്ധപ്പെട്ട വകുപ്പുകള്‍ക്ക് കൈമാറി.
Comments (0)