flight Winter Schedule; ഒമാനിൽ നിന്ന് കേരളത്തിലേക്കും തിരിച്ചുമുള്ള എയർ ഇന്ത്യ എക്സ്പ്രസിൻ്റെ 2026-27 ശൈത്യകാല (വിന്റർ) വിമാന സർവീസ് ഷെഡ്യൂൾ പ്രഖ്യാപിച്ചു. ഒക്ടോബർ 25 മുതൽ 2027 മാർച്ച് 27 വരെയുള്ള സമയക്രമമാണ് ഇപ്പോൾ പുറത്തുവിട്ടിരിക്കുന്നത്. മുൻ വർഷങ്ങളെ അപേക്ഷിച്ച് കൂടുതൽ സർവീസുകൾ ഉൾപ്പെടുത്തിയിട്ടുള്ളത് ഒമാൻ പ്രവാസികൾക്കും അവധിക്കാലം നാട്ടിൽ ചെലവഴിക്കാൻ ആഗ്രഹിക്കുന്നവർക്കും വലിയ ആശ്വാസമാകും. മസ്കത്തിൽ നിന്ന് തിരുവനന്തപുരം, കൊച്ചി, കോഴിക്കോട്, കണ്ണൂർ എന്നിവിടങ്ങളിലേക്കും; സലാലയിൽ നിന്ന് കൊച്ചി, കോഴിക്കോട് എന്നിവിടങ്ങളിലേക്കുമാണ് പുതിയ ഷെഡ്യൂളിൽ സർവീസുകൾ സജ്ജീകരിച്ചിട്ടുള്ളത്.

പ്രധാന സർവീസുകളും സമയക്രമവും

1. മസ്കത്ത് – തിരുവനന്തപുരം

• മസ്കത്ത് ➔ തിരുവനന്തപുരം (IX 0590): തിങ്കൾ, ബുധൻ ദിവസങ്ങളിൽ രാത്രി 11.25-ന് പുറപ്പെട്ട് പിറ്റേന്ന് പുലർച്ചെ 4.55-ന് തിരുവനന്തപുരത്തെത്തും.
• തിരുവനന്തപുരം ➔ മസ്കത്ത് (IX 0589): തിങ്കൾ, ബുധൻ, വെള്ളി, ഞായർ ദിവസങ്ങളിൽ രാത്രി 7.50-ന് പുറപ്പെട്ട് രാത്രി 10.25-ന് മസ്കത്തിലെത്തും.

2. മസ്കത്ത് – കൊച്ചി

• മസ്കത്ത് ➔ കൊച്ചി (IX 0528): തിങ്കൾ, ബുധൻ, വെള്ളി, ഞായർ ദിവസങ്ങളിൽ രാത്രി 10.55-ന് പുറപ്പെട്ട് പിറ്റേന്ന് പുലർച്ചെ 1.25-ന് കൊച്ചിയിലെത്തും.

• കൊച്ചി ➔ മസ്കത്ത് (IX 0527): ബുധൻ, വെള്ളി, ഞായർ ദിവസങ്ങളിൽ സർവീസ് ഉണ്ടാകും (നവംബർ മാസത്തിൽ മാത്രം തിങ്കൾ, വ്യാഴം, ശനി ദിവസങ്ങളിലായിരിക്കും ഈ സർവീസ്).

3. മസ്കത്ത് – കോഴിക്കോട്

• മസ്കത്ത് ➔ കോഴിക്കോട് (IX 0418): ബുധൻ, വെള്ളി, ശനി, ഞായർ ദിവസങ്ങളിൽ ഉച്ചയ്ക്ക് 1.45-ന് പുറപ്പെട്ട് വൈകിട്ട് 6.40-ന് കോഴിക്കോട്ടെത്തും.
• കോഴിക്കോട് ➔ മസ്കത്ത് (IX 0417): രാവിലെ 10.30-ന് പുറപ്പെട്ട് ഉച്ചയ്ക്ക് 12.45-ന് മസ്കത്തിലെത്തും.

4. മസ്കത്ത് – കണ്ണൂർ

• മസ്കത്ത് ➔ കണ്ണൂർ (IX 0708): തിങ്കൾ, ചൊവ്വ, വ്യാഴം, ശനി ദിവസങ്ങളിൽ രാത്രി 8.05-ന് പുറപ്പെട്ട് പിറ്റേന്ന് പുലർച്ചെ 1.00-ന് കണ്ണൂരിലെത്തും.

• കണ്ണൂർ ➔ മസ്കത്ത് (IX 0707): വൈകിട്ട് 4.55-ന് പുറപ്പെട്ട് രാത്രി 7.05-ന് മസ്കത്തിലെത്തും.

5. സലാലയിൽ നിന്നുള്ള സർവീസുകൾ

• സലാല ➔ കോഴിക്കോട് (IX 0448): വ്യാഴം, ഞായർ ദിവസങ്ങളിൽ വൈകിട്ട് 3.00-ന് പുറപ്പെട്ട് രാത്രി 8.10-ന് കോഴിക്കോടെത്തും.

• കോഴിക്കോട് ➔ സലാല (IX 0447): ബുധൻ, വെള്ളി ദിവസങ്ങളിൽ പുലർച്ചെ 1.05-ന് പുറപ്പെട്ട് പുലർച്ചെ 3.40-ന് സലാലയിലെത്തും.

• സലാല ➔ കൊച്ചി (IX 0542): ബുധൻ, വെള്ളി ദിവസങ്ങളിൽ പുലർച്ചെ 4.40-ന് പുറപ്പെട്ട് രാവിലെ 9.50-ന് കൊച്ചിയിലെത്തും.

• കൊച്ചി ➔ സലാല (IX 0541): ബുധൻ, വെള്ളി ദിവസങ്ങളിൽ രാവിലെ 11.15-ന് പുറപ്പെട്ട് ഉച്ചയ്ക്ക് 2.00-ന് സലാലയിലെത്തും.

യുഎഇയിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാവുക https://chat.whatsapp.com/Dbf59JLetgBECJpr5UZOuZ?mode=gi_t

‘സ്ഫോടന ശബ്ദ’മുണ്ടാക്കുന്ന വാഹനങ്ങൾക്കെതിരെ യുഎഇയിൽ കർശന നടപടി; പിഴയും 12 ബ്ലാക്ക് പോയിന്റും

ജനവാസ മേഖലകളിൽ അർദ്ധരാത്രിയിൽ സ്ഫോടനത്തിന് സമാനമായ ശബ്ദമുണ്ടാക്കി ജനങ്ങളിൽ പരിഭ്രാന്തി സൃഷ്ടിക്കുന്ന വിധത്തിൽ നിയമവിരുദ്ധമായി രൂപമാറ്റം വരുത്തിയ കാറുകളുടെയും മോട്ടോർ സൈക്കിളുകളുടെയും യുഎഇ പോലീസ് കർശന നടപടികൾ ആരംഭിച്ചു. മേഖലയിലെ സംഘർഷാവസ്ഥ വാർത്തകളിൽ നിറഞ്ഞുനിൽക്കുന്ന സാഹചര്യത്തിൽ ഇത്തരം വാഹനങ്ങളിൽ നിന്നുണ്ടാകുന്ന ‘ബാക്ക് ഫയർ’ ശബ്ദങ്ങൾ പലരും മിസൈൽ ആക്രമണമോ സ്ഫോടനമോ ആണെന്ന് തെറ്റിദ്ധരിച്ച് ഭീതിയിലായിരുന്നുവെന്ന് അധികൃതർ വ്യക്തമാക്കി. എഞ്ചിനുകളിൽ മാറ്റം വരുത്തി ഉദ്ദേശപൂർവ്വം ശക്തമായ ശബ്ദമുണ്ടാക്കുന്നത് പ്രധാനമായും കൗമാരക്കാരും യുവാക്കളുമാണെന്ന് അന്വേഷണത്തിൽ കണ്ടെത്തിയതായി പോലീസ് അറിയിച്ചു. റിപ്പോർട്ട് ചെയ്യപ്പെട്ട ശബ്ദങ്ങൾ വാഹനങ്ങളിൽ നിന്നുള്ളതാണെന്നും രാജ്യത്തിന്റെ സുരക്ഷയെ ബാധിക്കുന്ന യാതൊരു ഭീഷണിയും നിലവിലില്ലെന്നും അധികൃതർ ജനങ്ങളെ ആശ്വസിപ്പിച്ചു. യുഎഇ പൂർണ്ണമായും സുരക്ഷിതമാണെന്നും പോലീസ് വ്യക്തമാക്കി. ദുബായ്, ഷാർജ തുടങ്ങിയ എമിറേറ്റുകളിലെ ജനവാസ പ്രദേശങ്ങളിൽ രാത്രികാല പോലീസ് പട്രോളിംഗ് ശക്തമാക്കിയിട്ടുണ്ട്. യുഎഇ ട്രാഫിക് നിയമപ്രകാരം അമിത ശബ്ദമുണ്ടാക്കുന്ന വാഹനങ്ങൾ ഓടിക്കുന്നവർക്ക് 2000 ദിർഹം പിഴയും 12 ബ്ലാക്ക് പോയിന്റുകളും ലഭിക്കും. കൂടാതെ വാഹനം പോലീസ് പിടിച്ചെടുക്കുകയും ചെയ്യും. അനധികൃതമായി രൂപമാറ്റം വരുത്തിയ വാഹനങ്ങൾ തിരികെ ലഭിക്കാൻ 10,000 ദിർഹം വരെ ഫീസ് നൽകേണ്ടിവരുമെന്നും അധികൃതർ അറിയിച്ചു. ഈ നടപടി കർശനമായി നടപ്പാക്കുന്നതിന് ദുബായ് പോലീസ് ഓപ്പറേഷൻസ് അസിസ്റ്റന്റ് കമാൻഡർ-ഇൻ-ചീഫ് മേജർ ജനറൽ സെയ്ഫ് മുഹൈർ അൽ മസ്‌റൂയിയും ഷാർജ പോലീസ് സെൻട്രൽ റീജിയൻ ഡയറക്ടർ ബ്രിഗേഡിയർ ഖലീഫ അൽ ഖസൂനിയും നേതൃത്വമൊരുക്കുന്നുണ്ട്. കുട്ടികൾ വാഹനങ്ങളിൽ അനധികൃത മാറ്റങ്ങൾ വരുത്തുന്നില്ലെന്ന് മാതാപിതാക്കൾ ശ്രദ്ധിക്കണമെന്നും അധികൃതർ അഭ്യർത്ഥിച്ചു. ഇത്തരം ശബ്ദശല്യം ഉണ്ടാക്കുന്ന വാഹനങ്ങളെക്കുറിച്ച് ഔദ്യോഗിക ചാനലുകൾ വഴി പോലീസിനെ അറിയിക്കണമെന്നും പൊതുജനങ്ങളോട് നിർദേശിച്ചിട്ടുണ്ട്. മേഖലയിലെ നിലവിലെ സാഹചര്യം പരിഗണിച്ച് ജനങ്ങളുടെ സമാധാനവും സുരക്ഷയും ഉറപ്പാക്കുക എന്ന ലക്ഷ്യത്തോടെയാണ് ഈ നടപടികൾ ശക്തമാക്കിയതെന്നും പോലീസ് അറിയിച്ചു. പോലീസിന്റെ ഈ ഇടപെടലിനെ പ്രവാസികളും സ്വദേശികളും സ്വാഗതം ചെയ്തിട്ടുണ്ട്.യുഎഇയിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാവുhttps://chat.whatsapp.com/Dbf59JLetgBECJpr5UZOuZ?mode=gi_t