പോരുന്നോ.. കുവൈത്തിലേക്ക്! കുടുംബ വിസിറ്റ് വിസകൾക്ക് ഇനി ശമ്പള പരിധിയില്ല; കുടുംബാംഗങ്ങളെ കൊണ്ടുവരാം
കുവൈത്തിൽ കുടുംബാംഗങ്ങളെ സന്ദർശിക്കാൻ ഇനി ശമ്പള പരിധിയില്ല. വിനോദസഞ്ചാരികളെ കൂടുതൽ ആകർഷിക്കാൻ ലക്ഷ്യമിട്ടുള്ള പുതിയ തീരുമാനങ്ങൾ ആഭ്യന്തര മന്ത്രാലയം പ്രഖ്യാപിച്ചു.
പ്രധാന മാറ്റങ്ങൾ
ശമ്പള പരിധി ഒഴിവാക്കി: നേരത്തെ കുടുംബ വിസിറ്റ് വിസക്ക് അപേക്ഷിക്കാൻ ഒരു നിശ്ചിത ശമ്പള പരിധി ഉണ്ടായിരുന്നു. എന്നാൽ പുതിയ മാറ്റങ്ങളോടെ ഈ നിബന്ധന ഒഴിവാക്കി. കൂടുതൽ അടുത്ത ബന്ധുക്കൾക്ക് വിസ: ഭാര്യക്കും കുട്ടികൾക്കും പുറമെ, നാലാം തലമുറ വരെയുള്ള അടുത്ത ബന്ധുക്കളെയും വിവാഹബന്ധം വഴി മൂന്നാം തലമുറ വരെയുള്ള ബന്ധുക്കളെയും ഇനി കുവൈത്തിലേക്ക് കൊണ്ടുവരാം.
ഏകീകൃത ഓൺലൈൻ പ്ലാറ്റ്‌ഫോം: വിസ അപേക്ഷകൾ പൂർണമായും ഓൺലൈനിലേക്ക് മാറ്റി. ഇതിനായി “കുവൈത്ത് വിസ” എന്നൊരു പുതിയ ഡിജിറ്റൽ പ്ലാറ്റ്‌ഫോം ആരംഭിച്ചു.
യാത്രാ നിയന്ത്രണങ്ങൾ നീക്കി: സന്ദർശകർക്ക് ഇനി കുവൈത്തിന്റെ ദേശീയ വിമാനക്കമ്പനിയിൽ തന്നെ യാത്ര ചെയ്യണമെന്ന നിബന്ധനയില്ല. ഏത് വിമാനക്കമ്പനിയിലും യാത്ര ചെയ്യാം.
കൂടുതൽ സന്ദർശകരെ ആകർഷിക്കുന്നതിനും രാജ്യത്തിന്റെ ടൂറിസം മേഖല വികസിപ്പിക്കുന്നതിനുമാണ് ഈ പുതിയ നയങ്ങൾ ലക്ഷ്യമിടുന്നതെന്ന് റെസിഡൻസി അഫയേഴ്‌സ് സെക്ടറിലെ കേണൽ അബ്ദുൽ അസീസ് അൽ-കന്ദരി അറിയിച്ചു.
കുവൈത്തിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാകൂ https://chat.whatsapp.com/LXkAQWFENhKJ0MX7QxTdN5?mode=ac_t
Comments (0)