ആഗോള സാമ്പത്തിക അനിശ്ചിതത്വങ്ങൾക്കിടയിലും വ്യാപാര-ബിസിനസ് മേഖലയെ കരുത്തുറ്റതാക്കാൻ വൻ സാമ്പത്തിക പിന്തുണയുമായി ദുബൈ കസ്റ്റംസ്. ദുബൈ സർക്കാർ പ്രഖ്യാപിച്ച പ്രത്യേക സാമ്പത്തിക സഹായ പദ്ധതികളുടെ ഭാഗമായി സ്വകാര്യ കമ്പനികൾക്ക് 79 മില്യൺ ദിർഹത്തിലധികം പണലഭ്യത ഉറപ്പാക്കാൻ ദുബൈ കസ്റ്റംസിന് സാധിച്ചു. 2026 മാർച്ച് 1 മുതൽ ജൂൺ 30 വരെ നാല് മാസത്തിനിടെ 33.9 ബില്യൺ ദിർഹം മൂല്യമുള്ള വ്യാപാരം സുഗമമാക്കാനും ഈ പദ്ധതികൾ നിർണായക പങ്കുവഹിച്ചു.
ദുബൈ കിരീടാവകാശിയും യുഎഇ ഉപപ്രധാനമന്ത്രിയും പ്രതിരോധ മന്ത്രിയും ദുബൈ എക്സിക്യൂട്ടീവ് കൗൺസിൽ ചെയർമാനുമായ ശൈഖ് ഹംദാൻ ബിൻ മുഹമ്മദ് ബിൻ റാഷിദ് അൽ മക്തൂമിന്റെ അംഗീകാരത്തോടെയാണ് സാമ്പത്തിക സഹായ നടപടികൾ നടപ്പാക്കിയത്.

ബിസിനസുകൾക്ക് വൻ ആശ്വാസം നൽകുന്ന പ്രധാന ഇളവുകൾ:

-കസ്റ്റംസ് സംബന്ധമായ സാമ്പത്തിക പിഴകളിൽ 80 ശതമാനം വരെ ഇളവ്.
-കസ്റ്റംസ് തീരുവകൾ തവണകളായി അടയ്ക്കാനുള്ള സൗകര്യം.
-സസ്പെൻഡ് ചെയ്ത ഡ്യൂട്ടി കേസുകൾ തീർപ്പാക്കാൻ 120 ദിവസത്തെ അധിക സമയം, ഇതിലൂടെ 6,613 കമ്പനികൾക്ക് പ്രയോജനം ലഭിച്ചു.
-ചരക്കുകളുടെ ട്രാൻസിറ്റ് കാലാവധി 30 ദിവസത്തിൽ നിന്ന് 90 ദിവസമായി വർധിപ്പിച്ചു. ഇതോടെ ഖോർഫക്കാൻ, ഫുജൈറ തുറമുഖങ്ങൾ, ഹത്ത അതിർത്തി എന്നിവ വഴി എത്തുന്ന ചരക്കുകളുടെ ഗതാഗതം കൂടുതൽ സുഗമമായി.

ഈ നടപടികളിലൂടെ 428 കമ്പനികളുടെ സാമ്പത്തികവും പ്രവർത്തനപരവുമായ സമ്മർദ്ദം ഗണ്യമായി കുറയ്ക്കാനായതായി ദുബൈ കസ്റ്റംസ് ഫിനാൻസ് വിഭാഗം എക്സിക്യൂട്ടീവ് ഡയറക്ടർ റാഷിദ് അൽ ഷരീദ് അറിയിച്ചു. ഭൗമരാഷ്ട്രീയ പ്രതിസന്ധികൾ വ്യാപാരത്തെ ബാധിച്ച സാഹചര്യത്തിൽ ചരക്കുനീക്കം തടസ്സപ്പെടാതിരിക്കാൻ ദുബൈ കസ്റ്റംസ് പ്രത്യേക ‘ഗ്രീൻ കോറിഡോർ’ സംവിധാനം നടപ്പാക്കി. നാല് മാസത്തിനിടെ 188 രാജ്യങ്ങളിൽ നിന്നുള്ള 3.16 ദശലക്ഷം ടൺ ചരക്കുകൾ അടങ്ങിയ 2,03,242 കണ്ടെയ്‌നറുകൾ ഈ സംവിധാനത്തിലൂടെ കൈകാര്യം ചെയ്തു. ഇതുവഴി 33.9 ബില്യൺ ദിർഹം മൂല്യമുള്ള വ്യാപാരം വിജയകരമായി പൂർത്തിയാക്കി.

അതേസമയം, വേഗമേറിയതും സുതാര്യവുമായ സേവനങ്ങളിലൂടെ നാല് മാസത്തിനിടെ 4,000-ത്തിലധികം പുതിയ ഉപഭോക്താക്കളെ ആകർഷിക്കാൻ ദുബൈ കസ്റ്റംസിന് കഴിഞ്ഞതായി ഡയറക്ടർ ജനറൽ ഡോ. അബ്ദുള്ള ബുസെനാദ് വ്യക്തമാക്കി. സാമ്പത്തിക വളർച്ചയ്ക്ക് കൂടുതൽ കരുത്ത് പകരുന്ന പരിഷ്‌കാരങ്ങൾ തുടർന്നും നടപ്പാക്കുമെന്നും അദ്ദേഹം കൂട്ടിച്ചേർത്തു.യുഎഇയിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാവുക https://chat.whatsapp.com/Dbf59JLetgBECJpr5UZOuZ?mode=gi_t

‘സ്ഫോടന ശബ്ദ’മുണ്ടാക്കുന്ന വാഹനങ്ങൾക്കെതിരെ യുഎഇയിൽ കർശന നടപടി; പിഴയും 12 ബ്ലാക്ക് പോയിന്റും

ജനവാസ മേഖലകളിൽ അർദ്ധരാത്രിയിൽ സ്ഫോടനത്തിന് സമാനമായ ശബ്ദമുണ്ടാക്കി ജനങ്ങളിൽ പരിഭ്രാന്തി സൃഷ്ടിക്കുന്ന വിധത്തിൽ നിയമവിരുദ്ധമായി രൂപമാറ്റം വരുത്തിയ കാറുകളുടെയും മോട്ടോർ സൈക്കിളുകളുടെയും യുഎഇ പോലീസ് കർശന നടപടികൾ ആരംഭിച്ചു. മേഖലയിലെ സംഘർഷാവസ്ഥ വാർത്തകളിൽ നിറഞ്ഞുനിൽക്കുന്ന സാഹചര്യത്തിൽ ഇത്തരം വാഹനങ്ങളിൽ നിന്നുണ്ടാകുന്ന ‘ബാക്ക് ഫയർ’ ശബ്ദങ്ങൾ പലരും മിസൈൽ ആക്രമണമോ സ്ഫോടനമോ ആണെന്ന് തെറ്റിദ്ധരിച്ച് ഭീതിയിലായിരുന്നുവെന്ന് അധികൃതർ വ്യക്തമാക്കി. എഞ്ചിനുകളിൽ മാറ്റം വരുത്തി ഉദ്ദേശപൂർവ്വം ശക്തമായ ശബ്ദമുണ്ടാക്കുന്നത് പ്രധാനമായും കൗമാരക്കാരും യുവാക്കളുമാണെന്ന് അന്വേഷണത്തിൽ കണ്ടെത്തിയതായി പോലീസ് അറിയിച്ചു. റിപ്പോർട്ട് ചെയ്യപ്പെട്ട ശബ്ദങ്ങൾ വാഹനങ്ങളിൽ നിന്നുള്ളതാണെന്നും രാജ്യത്തിന്റെ സുരക്ഷയെ ബാധിക്കുന്ന യാതൊരു ഭീഷണിയും നിലവിലില്ലെന്നും അധികൃതർ ജനങ്ങളെ ആശ്വസിപ്പിച്ചു. യുഎഇ പൂർണ്ണമായും സുരക്ഷിതമാണെന്നും പോലീസ് വ്യക്തമാക്കി.

ദുബായ്, ഷാർജ തുടങ്ങിയ എമിറേറ്റുകളിലെ ജനവാസ പ്രദേശങ്ങളിൽ രാത്രികാല പോലീസ് പട്രോളിംഗ് ശക്തമാക്കിയിട്ടുണ്ട്. യുഎഇ ട്രാഫിക് നിയമപ്രകാരം അമിത ശബ്ദമുണ്ടാക്കുന്ന വാഹനങ്ങൾ ഓടിക്കുന്നവർക്ക് 2000 ദിർഹം പിഴയും 12 ബ്ലാക്ക് പോയിന്റുകളും ലഭിക്കും. കൂടാതെ വാഹനം പോലീസ് പിടിച്ചെടുക്കുകയും ചെയ്യും. അനധികൃതമായി രൂപമാറ്റം വരുത്തിയ വാഹനങ്ങൾ തിരികെ ലഭിക്കാൻ 10,000 ദിർഹം വരെ ഫീസ് നൽകേണ്ടിവരുമെന്നും അധികൃതർ അറിയിച്ചു. ഈ നടപടി കർശനമായി നടപ്പാക്കുന്നതിന് ദുബായ് പോലീസ് ഓപ്പറേഷൻസ് അസിസ്റ്റന്റ് കമാൻഡർ-ഇൻ-ചീഫ് മേജർ ജനറൽ സെയ്ഫ് മുഹൈർ അൽ മസ്‌റൂയിയും ഷാർജ പോലീസ് സെൻട്രൽ റീജിയൻ ഡയറക്ടർ ബ്രിഗേഡിയർ ഖലീഫ അൽ ഖസൂനിയും നേതൃത്വമൊരുക്കുന്നുണ്ട്. കുട്ടികൾ വാഹനങ്ങളിൽ അനധികൃത മാറ്റങ്ങൾ വരുത്തുന്നില്ലെന്ന് മാതാപിതാക്കൾ ശ്രദ്ധിക്കണമെന്നും അധികൃതർ അഭ്യർത്ഥിച്ചു. ഇത്തരം ശബ്ദശല്യം ഉണ്ടാക്കുന്ന വാഹനങ്ങളെക്കുറിച്ച് ഔദ്യോഗിക ചാനലുകൾ വഴി പോലീസിനെ അറിയിക്കണമെന്നും പൊതുജനങ്ങളോട് നിർദേശിച്ചിട്ടുണ്ട്. മേഖലയിലെ നിലവിലെ സാഹചര്യം പരിഗണിച്ച് ജനങ്ങളുടെ സമാധാനവും സുരക്ഷയും ഉറപ്പാക്കുക എന്ന ലക്ഷ്യത്തോടെയാണ് ഈ നടപടികൾ ശക്തമാക്കിയതെന്നും പോലീസ് അറിയിച്ചു. പോലീസിന്റെ ഈ ഇടപെടലിനെ പ്രവാസികളും സ്വദേശികളും സ്വാഗതം ചെയ്തിട്ടുണ്ട്.യുഎഇയിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാവുhttps://chat.whatsapp.com/Dbf59JLetgBECJpr5UZOuZ?mode=gi_t