ഷാർജയിലെ അൽ നഹ്ദയിലെ ഫ്ലാറ്റിൽ ഒന്നര വയസ്സുകാരിയായ മകളെ കൊലപ്പെടുത്തിയ ശേഷം ആത്മഹത്യ ചെയ്ത കൊല്ലം ചന്ദനത്തോപ്പ് സ്വദേശിനി വിപഞ്ചിക മണിയൻ (33) മരിച്ചിട്ട് നാളെ ഒരു വർഷം തികയുന്നു. 2025 ജൂലൈ 9-നുണ്ടായ ഈ ദാരുണ സംഭവം പ്രവാസി മലയാളി സമൂഹത്തെ നടുക്കിയിരുന്നു. എന്നാൽ ഒരു വർഷം പിന്നിട്ടിട്ടും മരണത്തിലേക്ക് നയിച്ച സാഹചര്യങ്ങളെക്കുറിച്ചുള്ള നിരവധി ചോദ്യങ്ങൾക്ക് ഇന്നും വ്യക്തമായ ഉത്തരമില്ല. വിപഞ്ചികയുടെ മരണത്തിന് പിന്നാലെ മുൻകൂട്ടി ഷെഡ്യൂൾ ചെയ്ത ഫെയ്‌സ്ബുക്ക് പോസ്റ്റിലൂടെയാണ് ആത്മഹത്യക്കുറിപ്പ് പുറത്തുവന്നത്. ഭർതൃവീട്ടിൽ നേരിട്ട മാനസികവും ശാരീരികവുമായ പീഡനങ്ങളാണ് ആത്മഹത്യയ്ക്ക് കാരണമായതെന്ന് കുറിപ്പിൽ ആരോപിച്ചിരുന്നു. ഭർത്താവ് നിതീഷ്, സഹോദരി നീതു, ഭർതൃപിതാവ് മോഹനൻ എന്നിവരിൽ നിന്നാണ് പീഡനം നേരിട്ടതെന്നും കുറിപ്പിൽ പരാമർശമുണ്ടായിരുന്നു.

ആത്മഹത്യക്കുറിപ്പിൽ, ഭർത്താവ് തന്നെ ക്രൂരമായി മർദിച്ചിരുന്നതായും ഗർഭിണിയായിരുന്ന ഏഴാം മാസത്തിൽ വീട്ടിൽ നിന്ന് ഇറക്കിവിട്ടതായും ആരോപിക്കുന്നു. കൂടാതെ ലൈംഗികമായി അപമാനിക്കുന്ന തരത്തിലുള്ള ആവശ്യങ്ങൾ നേരിട്ടതായും ഭർതൃപിതാവിന്റെ മോശം പെരുമാറ്റത്തെക്കുറിച്ച് ഭർത്താവിനോട് പറഞ്ഞപ്പോൾ പിന്തുണ ലഭിച്ചില്ലെന്നും കുറിപ്പിൽ പറയുന്നു. ഭർത്താവും സഹോദരിയും ചേർന്ന് തന്റെ മുടി നിർബന്ധിച്ച് മുറിച്ചുമാറ്റിയതായും കുഞ്ഞിന്റെ ചോറൂൺ ചടങ്ങിൽ പോലും ഭർത്താവ് പങ്കെടുത്തില്ലെന്നും ഉൾപ്പെടെ നിരവധി ആരോപണങ്ങളും അതിലുണ്ടായിരുന്നു.

2025 ജൂലൈ 9-ന് ഉച്ചയോടെയാണ് സംഭവം പുറത്തറിയുന്നത്. ജോലിക്കാരി ഫ്ലാറ്റിലെത്തി പലതവണ വിളിച്ചിട്ടും വാതിൽ തുറക്കാത്തതിനെ തുടർന്ന് വിവരം ഭർത്താവിനെ അറിയിച്ചു. തുടർന്ന് ഫ്ലാറ്റിൽ പ്രവേശിച്ചപ്പോഴാണ് അമ്മയെയും മകളെയും മരിച്ച നിലയിൽ കണ്ടെത്തിയത്. സംഭവം പുറത്തുവന്നതിന് പിന്നാലെ ഫെയ്‌സ്ബുക്ക് പോസ്റ്റ് നീക്കം ചെയ്തെങ്കിലും, അതിന് മുമ്പ് ആത്മഹത്യക്കുറിപ്പും ശബ്ദസന്ദേശവും ചില ചിത്രങ്ങളും വിഡിയോകളും നിരവധി പേരുടെ കൈകളിലെത്തിയതായി ബന്ധുക്കൾ ആരോപിച്ചിരുന്നു.

വിവാഹമോചന നീക്കവും മാനസിക സമ്മർദ്ദവും

വിവാഹമോചനത്തിനായി ഭർത്താവ് ശ്രമിക്കുന്നുണ്ടെന്നും അത് നടന്നാൽ താൻ ജീവിച്ചിരിക്കില്ലെന്നും വിപഞ്ചിക മുൻപ് അമ്മയോട് പറഞ്ഞിരുന്നതായി കുടുംബം വെളിപ്പെടുത്തിയിരുന്നു. ഇതിനിടെയാണ് ഭർത്താവ് അഭിഭാഷകൻ മുഖേന നോട്ടിസ് അയച്ചത്. തുടക്കത്തിൽ ഈ നിയമനടപടിയെ തുടർന്നുണ്ടായ മാനസിക സമ്മർദ്ദമാണ് ആത്മഹത്യയ്ക്ക് കാരണമായതെന്നാണ് കുടുംബം കരുതിയിരുന്നത്. എന്നാൽ പിന്നീട് ആത്മഹത്യക്കുറിപ്പ് പുറത്തുവന്നതോടെ ഭർതൃവീട്ടിൽ നേരിട്ടതായി ആരോപിക്കുന്ന പീഡനങ്ങളും ചർച്ചയായി. സംഭവത്തിന് മുമ്പ് ഉണ്ടായ കുടുംബപ്രശ്നങ്ങളും ആത്മഹത്യക്കുറിപ്പിലെ ആരോപണങ്ങളും മരണത്തിലേക്ക് നയിച്ച സാഹചര്യങ്ങളും സംബന്ധിച്ച നിരവധി ചോദ്യങ്ങൾ ഒരു വർഷം പിന്നിട്ടിട്ടും ഇപ്പോഴും ദുരൂഹമായി തുടരുകയാണ്.യുഎഇയിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാവുക https://chat.whatsapp.com/Dbf59JLetgBECJpr5UZOuZ?mode=gi_t

‘സ്ഫോടന ശബ്ദ’മുണ്ടാക്കുന്ന വാഹനങ്ങൾക്കെതിരെ യുഎഇയിൽ കർശന നടപടി; പിഴയും 12 ബ്ലാക്ക് പോയിന്റും

ജനവാസ മേഖലകളിൽ അർദ്ധരാത്രിയിൽ സ്ഫോടനത്തിന് സമാനമായ ശബ്ദമുണ്ടാക്കി ജനങ്ങളിൽ പരിഭ്രാന്തി സൃഷ്ടിക്കുന്ന വിധത്തിൽ നിയമവിരുദ്ധമായി രൂപമാറ്റം വരുത്തിയ കാറുകളുടെയും മോട്ടോർ സൈക്കിളുകളുടെയും യുഎഇ പോലീസ് കർശന നടപടികൾ ആരംഭിച്ചു. മേഖലയിലെ സംഘർഷാവസ്ഥ വാർത്തകളിൽ നിറഞ്ഞുനിൽക്കുന്ന സാഹചര്യത്തിൽ ഇത്തരം വാഹനങ്ങളിൽ നിന്നുണ്ടാകുന്ന ‘ബാക്ക് ഫയർ’ ശബ്ദങ്ങൾ പലരും മിസൈൽ ആക്രമണമോ സ്ഫോടനമോ ആണെന്ന് തെറ്റിദ്ധരിച്ച് ഭീതിയിലായിരുന്നുവെന്ന് അധികൃതർ വ്യക്തമാക്കി. എഞ്ചിനുകളിൽ മാറ്റം വരുത്തി ഉദ്ദേശപൂർവ്വം ശക്തമായ ശബ്ദമുണ്ടാക്കുന്നത് പ്രധാനമായും കൗമാരക്കാരും യുവാക്കളുമാണെന്ന് അന്വേഷണത്തിൽ കണ്ടെത്തിയതായി പോലീസ് അറിയിച്ചു. റിപ്പോർട്ട് ചെയ്യപ്പെട്ട ശബ്ദങ്ങൾ വാഹനങ്ങളിൽ നിന്നുള്ളതാണെന്നും രാജ്യത്തിന്റെ സുരക്ഷയെ ബാധിക്കുന്ന യാതൊരു ഭീഷണിയും നിലവിലില്ലെന്നും അധികൃതർ ജനങ്ങളെ ആശ്വസിപ്പിച്ചു. യുഎഇ പൂർണ്ണമായും സുരക്ഷിതമാണെന്നും പോലീസ് വ്യക്തമാക്കി.

ദുബായ്, ഷാർജ തുടങ്ങിയ എമിറേറ്റുകളിലെ ജനവാസ പ്രദേശങ്ങളിൽ രാത്രികാല പോലീസ് പട്രോളിംഗ് ശക്തമാക്കിയിട്ടുണ്ട്. യുഎഇ ട്രാഫിക് നിയമപ്രകാരം അമിത ശബ്ദമുണ്ടാക്കുന്ന വാഹനങ്ങൾ ഓടിക്കുന്നവർക്ക് 2000 ദിർഹം പിഴയും 12 ബ്ലാക്ക് പോയിന്റുകളും ലഭിക്കും. കൂടാതെ വാഹനം പോലീസ് പിടിച്ചെടുക്കുകയും ചെയ്യും. അനധികൃതമായി രൂപമാറ്റം വരുത്തിയ വാഹനങ്ങൾ തിരികെ ലഭിക്കാൻ 10,000 ദിർഹം വരെ ഫീസ് നൽകേണ്ടിവരുമെന്നും അധികൃതർ അറിയിച്ചു. ഈ നടപടി കർശനമായി നടപ്പാക്കുന്നതിന് ദുബായ് പോലീസ് ഓപ്പറേഷൻസ് അസിസ്റ്റന്റ് കമാൻഡർ-ഇൻ-ചീഫ് മേജർ ജനറൽ സെയ്ഫ് മുഹൈർ അൽ മസ്‌റൂയിയും ഷാർജ പോലീസ് സെൻട്രൽ റീജിയൻ ഡയറക്ടർ ബ്രിഗേഡിയർ ഖലീഫ അൽ ഖസൂനിയും നേതൃത്വമൊരുക്കുന്നുണ്ട്. കുട്ടികൾ വാഹനങ്ങളിൽ അനധികൃത മാറ്റങ്ങൾ വരുത്തുന്നില്ലെന്ന് മാതാപിതാക്കൾ ശ്രദ്ധിക്കണമെന്നും അധികൃതർ അഭ്യർത്ഥിച്ചു. ഇത്തരം ശബ്ദശല്യം ഉണ്ടാക്കുന്ന വാഹനങ്ങളെക്കുറിച്ച് ഔദ്യോഗിക ചാനലുകൾ വഴി പോലീസിനെ അറിയിക്കണമെന്നും പൊതുജനങ്ങളോട് നിർദേശിച്ചിട്ടുണ്ട്. മേഖലയിലെ നിലവിലെ സാഹചര്യം പരിഗണിച്ച് ജനങ്ങളുടെ സമാധാനവും സുരക്ഷയും ഉറപ്പാക്കുക എന്ന ലക്ഷ്യത്തോടെയാണ് ഈ നടപടികൾ ശക്തമാക്കിയതെന്നും പോലീസ് അറിയിച്ചു. പോലീസിന്റെ ഈ ഇടപെടലിനെ പ്രവാസികളും സ്വദേശികളും സ്വാഗതം ചെയ്തിട്ടുണ്ട്.യുഎഇയിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാവുhttps://chat.whatsapp.com/Dbf59JLetgBECJpr5UZOuZ?mode=gi_t