ദുബൈ: യു.എ.ഇയും ഇറാനും തമ്മിലുള്ള സംഘർഷം എട്ടാം ദിവസവും തുടരുന്നു. ഞായറാഴ്ച ഇറാൻ വിക്ഷേപിച്ച 17 ബാലിസ്റ്റിക് മിസൈലുകളിൽ 16 എണ്ണവും യു.എ.ഇ പ്രതിരോധ മന്ത്രാലയം വിജയകരമായി തകർത്തു. ഒരു മിസൈൽ ജനവാസമില്ലാത്ത കടൽ ഭാഗത്ത് പതിച്ചതായാണ് റിപ്പോർട്ട്.

മിസൈലുകൾക്ക് പുറമെ ഡ്രോണുകൾ ഉപയോഗിച്ചും വലിയ തോതിലുള്ള ആക്രമണമാണ് നടന്നത്. ആകെ കണ്ടെത്തിയ 117 ഡ്രോണുകളിൽ 113 എണ്ണവും വെടിവെച്ചിട്ടു. 4 എണ്ണം രാജ്യത്തിനുള്ളിൽ പതിച്ചു. സംഘർഷം തുടങ്ങിയ ശേഷം ഇതുവരെ 238 ബാലിസ്റ്റിക് മിസൈലുകളും 1422 ഡ്രോണുകളും 8 ക്രൂസ് മിസൈലുകളുമാണ് രാജ്യത്തിന് നേരെ തൊടുത്തുവിട്ടത്. ഇതിൽ ഭൂരിഭാഗവും യു.എ.ഇയുടെ കരുത്തുറ്റ വ്യോമ പ്രതിരോധ സംവിധാനം തകർത്തു. ആക്രമണങ്ങളിൽ മരിച്ചവരുടെ എണ്ണം നാലായി ഉയർന്നു. ശനിയാഴ്ച രാത്രി ദുബൈ അൽ ബർഷയിൽ പ്രതിരോധ പ്രവർത്തനങ്ങൾക്കിടെ മിസൈൽ ചീളുകൾ വീണ് പാകിസ്താൻ സ്വദേശിയായ ഡ്രൈവർ കൊല്ലപ്പെട്ടു. നിലവിൽ ഇന്ത്യക്കാരുൾപ്പെടെ 112 പേർക്ക് പരിക്കേറ്റതായാണ് ഔദ്യോഗിക കണക്കുകൾ സൂചിപ്പിക്കുന്നത്.യുഎഇയിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാവുക https://chat.whatsapp.com/DfsJVtpVohVHb4aFdLbW46?mode=wwt

ഭാഗ്യം പരീക്ഷിച്ചു, ഒടുവിൽ തേടിയെത്തി; ബിഗ് ടിക്കറ്റ് നറുക്കെടുപ്പിൽ തിളങ്ങി പ്രവാസി മലയാളി

അബുദാബി: ആറ് വർഷം മുൻപ് കേരളത്തിൽ നിന്ന് അബുദാബിയിലെത്തിയ മലയാളി എഞ്ചിനീയർ നിബിൻ മാത്യുവിനെ (36) തേടി ബിഗ് ടിക്കറ്റിന്റെ വലിയ ഭാഗ്യമെത്തി. സുഹൃത്തുക്കൾ വഴി ബിഗ് ടിക്കറ്റിനെക്കുറിച്ച് അറിഞ്ഞ് വെറും അഞ്ച് മാസം മുൻപ് മാത്രം നറുക്കെടുപ്പിൽ പങ്കെടുത്തു തുടങ്ങിയ നിബിൻ, ഒരു ഗ്രൂപ്പിന്റെ ഭാഗമായാണ് 50,000 ദിര്‍ഹം (ഏകദേശം 11 ലക്ഷത്തിലധികം രൂപ) സമ്മാനം സ്വന്തമാക്കിയത്. തനിക്ക് ലഭിച്ച ഈ വലിയ സമ്മാനം വിശ്വസിക്കാനായില്ലെന്നും ഈ തുക നാട്ടിലെ കുടുംബത്തെ സഹായിക്കാൻ ഉപയോഗിക്കുമെന്നും നിബിൻ പറഞ്ഞു. വരും മാസങ്ങളിലും തന്റെ ഭാഗ്യം പരീക്ഷിക്കുമെന്ന ആത്മവിശ്വാസത്തിലാണ് ഈ യുവാവ്.

ഫെബ്രുവരി മാസം ബിഗ് ടിക്കറ്റ് ഉപഭോക്താക്കൾക്കായി വമ്പിച്ച സമ്മാനങ്ങളാണ് ഒരുക്കിയിരിക്കുന്നത്. മാർച്ച് 3-ന് നടക്കുന്ന തത്സമയ നറുക്കെടുപ്പിലെ ഒന്നാം സമ്മാനം 15 ദശലക്ഷം ദിര്‍ഹമാണ്. കൂടാതെ അഞ്ച് പേർക്ക് ഒരു ലക്ഷം ദിർഹം വീതം സമാശ്വാസ സമ്മാനങ്ങളും ലഭിക്കും. ഫെബ്രുവരിയിൽ ആഴ്ചതോറും നടക്കുന്ന ഇ-നറുക്കെടുപ്പിലൂടെ 50,000 ദിർഹം വീതം നാല് വിജയികൾക്ക് നൽകുന്നുണ്ട്. ഫെബ്രുവരി 16-നും 22-നും ഇടയിൽ ടിക്കറ്റെടുത്തവർക്കുള്ള നറുക്കെടുപ്പ് ഫെബ്രുവരി 23-ന് നടക്കും. കൂടാതെ, ഫെബ്രുവരി 1 മുതൽ 24 വരെ രണ്ട് ടിക്കറ്റുകൾ ഒന്നിച്ച് വാങ്ങുന്നവർക്ക് പ്രത്യേക മത്സരത്തിൽ പങ്കെടുക്കാനും 50,000 മുതൽ 1.5 ലക്ഷം ദിർഹം വരെ ഉറപ്പായ സമ്മാനങ്ങൾ നേടാനും അവസരമുണ്ട്.യുഎഇയിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാവുക https://chat.whatsapp.com/DfsJVtpVohVHb4aFdLbW46?mode=wwt