കുവൈറ്റ് സിറ്റിയിലെ രണ്ടാം റിംഗ് റോഡ് കേന്ദ്രീകരിച്ച് ആഭ്യന്തര മന്ത്രാലയം നടത്തിയ വൻ സുരക്ഷാ പരിശോധനയിൽ നിരവധി നിയമലംഘകർ പിടിയിലായി. പൊതുജനങ്ങൾക്ക് ശല്യമുണ്ടാക്കുന്ന രീതിയിൽ വാഹനങ്ങളിൽ മാറ്റം വരുത്തി അമിത ശബ്ദത്തോടെ നിരത്തിലിറങ്ങിയ വാഹനങ്ങൾ പിടിച്ചെടുക്കുകയും വിവിധ കേസുകളിൽ വാറണ്ടുള്ള വ്യക്തികളെ കസ്റ്റഡിയിലെടുക്കുകയും ചെയ്തു. ഗതാഗത നിയമങ്ങൾ കാറ്റിൽ പറത്തുന്നവർക്കും ക്രമസമാധാന നില തകർക്കുന്നവർക്കും ശക്തമായ മുന്നറിയിപ്പ് നൽകിക്കൊണ്ടാണ് ട്രാഫിക് വിഭാഗം ഈ പ്രത്യേക പരിശോധന പൂർത്തിയാക്കിയത്.

വാഹനങ്ങളുടെ സൈലൻസറുകളിൽ രൂപമാറ്റം വരുത്തി വലിയ ശബ്ദമുണ്ടാക്കി ചീറിപ്പായുന്ന സ്പോർട്സ് കാറുകളെയും ബൈക്കുകളെയും ലക്ഷ്യമിട്ടായിരുന്നു പ്രധാനമായും ഈ നീക്കം. ഇത്തരം വാഹനങ്ങൾ പരിസരവാസികൾക്കും മറ്റ് യാത്രക്കാർക്കും വലിയ രീതിയിലുള്ള ശബ്ദമലിനീകരണവും ബുദ്ധിമുട്ടും ഉണ്ടാക്കുന്നതായി നിരവധി പരാതികൾ ഉയർന്നിരുന്നു. പരിശോധനയിൽ പിടിക്കപ്പെട്ട ഇത്തരം നിയമവിരുദ്ധ വാഹനങ്ങൾ ഉടനടി കണ്ടുകെട്ടി പോലീസ് ഗാരേജുകളിലേക്ക് മാറ്റി. വരും ദിവസങ്ങളിൽ വാഹന ഉടമകൾക്കെതിരെ കടുത്ത പിഴയും നിയമനടപടികളും ഉണ്ടാകുമെന്ന് അധികൃതർ വ്യക്തമാക്കി.

വാഹന പരിശോധനയ്ക്കൊപ്പം തന്നെ സംശയാസ്പദമായ സാഹചര്യത്തിൽ കണ്ടവരെയെല്ലാം പോലീസ് വിശദമായി ചോദ്യം ചെയ്തു. റെസിഡൻസി നിയമങ്ങൾ ലംഘിച്ച് രാജ്യത്ത് തങ്ങുന്നവർ, കോടതികളിൽ നിന്ന് പിടികിട്ടാപ്പുള്ളികളായി പ്രഖ്യാപിക്കപ്പെട്ടവർ, ലഹരിമരുന്ന് കേസുകളിൽ ഉൾപ്പെട്ടവർ എന്നിവരടക്കം നിരവധി പേർ ഈ മിന്നൽ പരിശോധനയിൽ കുടുങ്ങി. ഡ്രൈവിംഗ് ലൈസൻസ് ഇല്ലാതെ വാഹനം ഓടിച്ചവർക്കും ഇൻഷുറൻസ് കാലാവധി കഴിഞ്ഞ വാഹനങ്ങൾ ഉപയോഗിച്ചവർക്കുമെതിരെയും പോലീസ് കേസുകൾ രജിസ്റ്റർ ചെയ്തിട്ടുണ്ട്.

രാജ്യത്തെ റോഡുകളിൽ സുരക്ഷ ഉറപ്പാക്കുന്നതിനും പൊതുജനങ്ങളുടെ സമാധാനം സംരക്ഷിക്കുന്നതിനും ഇത്തരം പരിശോധനകൾ വരും ദിവസങ്ങളിലും തുടരുമെന്ന് ആഭ്യന്തര മന്ത്രാലയം അറിയിച്ചു. നിയമം ലംഘിക്കുന്നവർക്കെതിരെ വിട്ടുവീഴ്ചയില്ലാത്ത നടപടികൾ സ്വീകരിക്കുമെന്നും ഗതാഗത നിയമങ്ങൾ കൃത്യമായി പാലിക്കാൻ എല്ലാവരും തയ്യാറാകണമെന്നും അധികൃതർ ആവശ്യപ്പെട്ടു.കുവൈത്തിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാകൂ  https://chat.whatsapp.com/Du8AGPEDfJfGa0vgu1h2fL

കുവൈത്തിലെ പുതിയ ജോലി അവസരങ്ങൾ അറിയുവാൻ ഇവിടെ ക്ലിക്ക് ചെയ്യുക

കുവൈറ്റിൽ ഉദ്യോഗസ്ഥർക്കിടയിലും ഇനി ലഹരി പരിശോധന; ആദ്യഘട്ടം ആരംഭിച്ചു

കുവൈത്ത് ആഭ്യന്തര മന്ത്രാലയത്തിന് കീഴിലുള്ള ഉദ്യോഗസ്ഥർക്കിടയിൽ മയക്കുമരുന്ന് ഉൾപ്പെടെയുള്ള ലഹരി വസ്തുക്കളുടെ ഉപയോഗം കണ്ടെത്തുന്നതിനായി റാൻഡം പരിശോധനകൾ ആരംഭിച്ചു. ക്രിമിനൽ എവിഡൻസ് ഡിപ്പാർട്ട്‌മെന്റിന്റെ നേതൃത്വത്തിലാണ് പരിശോധനകൾ നടക്കുന്നതെന്ന് മന്ത്രാലയം അറിയിച്ചു. ജോലിസ്ഥലങ്ങളിൽ അച്ചടക്കം ശക്തിപ്പെടുത്താനും സുരക്ഷാ സേനാംഗങ്ങൾ സമൂഹത്തിന് മാതൃകയാകുന്ന രീതിയിൽ പ്രവർത്തിക്കുന്നുണ്ടെന്ന് ഉറപ്പാക്കാനും ലക്ഷ്യമിട്ടാണ് ഈ നടപടി. ആഭ്യന്തര മന്ത്രാലയം പുറത്തിറക്കിയ വാർത്താക്കുറിപ്പിലാണ് പദ്ധതിയുടെ വിശദാംശങ്ങൾ വ്യക്തമാക്കിയത്. ആദ്യഘട്ടത്തിൽ പൊലീസ് സ്പോർട്സ് ഫെഡറേഷനിലെ അംഗങ്ങളെയാണ് പരിശോധനയ്ക്ക് വിധേയമാക്കിയത്. ഫെഡറേഷൻ ചെയർമാൻ ബ്രിഗേഡിയർ ജനറൽ ഷെയ്ഖ് മുബാറക് അലി യൂസഫ് അൽ സബാഹ്, ഡെപ്യൂട്ടി ചെയർമാൻ, ബോർഡ് അംഗങ്ങൾ എന്നിവരടക്കം വിവിധ ഉദ്യോഗസ്ഥർ പരിശോധനയിൽ പങ്കെടുത്തു.

മയക്കുമരുന്ന് വിരുദ്ധ പ്രവർത്തനങ്ങൾ ശക്തമാക്കുന്നതിന്റെ ഭാഗമായി നിലവിൽ വന്ന 2025ലെ 159-ാം നമ്പർ നിയമത്തിന്റെ അടിസ്ഥാനത്തിലാണ് റാൻഡം പരിശോധനകൾ നടത്തുന്നതെന്ന് മന്ത്രാലയം വ്യക്തമാക്കി. ആഭ്യന്തര മന്ത്രാലയത്തിന്റെ എല്ലാ വിഭാഗങ്ങളിലേക്കും പരിശോധന വ്യാപിപ്പിക്കുമെന്നും ഇതിനായി പ്രത്യേക സമയക്രമം അംഗീകരിച്ചിട്ടുണ്ടെന്നും അധികൃതർ അറിയിച്ചു.കുവൈത്തിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാകൂ  https://chat.whatsapp.com/Du8AGPEDfJfGa0vgu1h2fL