KUWAITVARTHAKAL

പ്രവാസികളുടെ താമസവുമായി ബന്ധപ്പെട്ട വിവരങ്ങൾ പുതുക്കുന്നതിനായി പബ്ലിക് അതോറിറ്റി ഫോർ സിവിൽ ഇൻഫർമേഷൻ (PACI) പുതിയ മാർഗനിർദേശങ്ങൾ പുറത്തിറക്കി. തിരിച്ചറിയൽ രേഖകളിലെ കൃത്യത ഉറപ്പാക്കാനും ഭവന-സിവിൽ ചട്ടങ്ങൾ പാലിക്കപ്പെടുന്നുണ്ടെന്ന് ഉറപ്പുവരുത്താനുമാണ് നടപടി.

സ്വത്ത് ഉടമസ്ഥാവകാശ മാറ്റം, താമസ മേൽവിലാസത്തിലെ മാറ്റം, വായ്പ തിരിച്ചടവിന് കീഴിലുള്ള സ്വത്തുക്കളുടെ മാറ്റം എന്നീ മൂന്ന് സാഹചര്യങ്ങളിലാണ് പുതിയ മാർഗനിർദേശങ്ങൾ ബാധകമാകുന്നത്. ഒരാൾ പുതിയ താമസ സ്ഥലത്തേക്ക് മാറുമ്പോൾ PACI രേഖകളിൽ മേൽവിലാസം അപ്ഡേറ്റ് ചെയ്യുന്നതിന് നിർബന്ധമായും രേഖകൾ സമർപ്പിക്കണം.

ആവശ്യമായ രേഖകൾ:

-വാടകക്കാരൻ്റെ പേരിലുള്ള സാധുവായ താമസ വാടക കരാർ (ഇണയുടെ പേരിലാണെങ്കിൽ ആശ്രിത വിസയിലുള്ള കുട്ടികളെയും ഫയലിൽ ഉൾപ്പെടുത്താം).

-വസ്തുവിന്റെ ഉടമസ്ഥാവകാശ സർട്ടിഫിക്കറ്റിന്റെ പകർപ്പ് അല്ലെങ്കിൽ ഏറ്റവും ഒടുവിലത്തെ മാസത്തെ വൈദ്യുതി ബിൽ.

-അപേക്ഷയിൽ നൽകിയിരിക്കുന്ന വിവരങ്ങൾ സത്യസന്ധമാണെന്ന സത്യവാങ്മൂലം.

-തിരിച്ചറിയലിനായി വാടകക്കാരന്റെ സാധുവായ പാസ്‌പോർട്ട് പകർപ്പ്.

വാടക കരാറും വൈദ്യുതി മീറ്ററും ഒരേ പേരിലുള്ളവരാണെങ്കിൽ, താമസ രേഖ സജീവമാണെന്ന് തെളിയിക്കുന്ന വൈദ്യുതി ബിൽ, വാടക കരാർ, സത്യവാങ്മൂലം, പാസ്‌പോർട്ട് പകർപ്പ് എന്നിവ നിർബന്ധമായും സമർപ്പിക്കണമെന്ന് PACI അറിയിച്ചു.

കുവൈത്തിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാകൂ https://chat.whatsapp.com/JwjTxtP7SMiEbr9IDkTJiK?mode=ems_copy_c

പശ്ചിമേഷ്യയിൽ ആശ്വാസം ; ​ഗസ്സ സമാധാന കരാർ സ്വാഗതംചെയ്ത് കുവൈത്ത്

കുവൈത്ത് സിറ്റി: ഗസ്സ വെടിനിർത്തൽ കരാറിന്റെ ആദ്യഘട്ട പ്രഖ്യാപനത്തെ കുവൈത്ത് സ്വാഗതം ചെയ്തു. ഈ കരാർ മേഖലയിലെ സുരക്ഷയും സമാധാനവും ശക്തിപ്പെടുത്തുമെന്നും കുവൈത്ത് പ്രത്യാശ പ്രകടിപ്പിച്ചു.

കരാർ യാഥാർഥ്യമാക്കുന്നതിൽ നിർണായക പങ്ക് വഹിച്ച ഖത്തർ, ഈജിപ്ത്, സൗദി അറേബ്യ, യു.എസ്, തുർക്കി എന്നീ രാജ്യങ്ങളുടെ ശ്രമങ്ങളെ കുവൈത്ത് പ്രശംസിച്ചു.

വെടിനിർത്തൽ നടപ്പാക്കുന്നതിനുള്ള എല്ലാ അന്താരാഷ്ട്ര ശ്രമങ്ങളെയും പിന്തുണയ്ക്കുന്നതായി കുവൈത്ത് വിദേശകാര്യ മന്ത്രാലയം വ്യക്തമാക്കി. ഈ കരാർ വഴി ഗസ്സയിലേക്ക് ആവശ്യമായ മാനുഷിക സഹായം ഉടനടി എത്തിക്കാൻ സാധിക്കുമെന്നും മന്ത്രാലയം ചൂണ്ടിക്കാട്ടി.

ഫലസ്തീൻ ജനതയുടെ അവകാശങ്ങൾക്കുള്ള ഉറച്ച പിന്തുണയും കുവൈത്ത് ഈ പ്രസ്താവനയിലൂടെ ആവർത്തിച്ചു. 1967-ലെ അതിർത്തിക്കുള്ളിൽ, കിഴക്കൻ ജറുസലം തലസ്ഥാനമായി ഒരു സ്വതന്ത്ര രാഷ്ട്രം സ്ഥാപിക്കാനുള്ള ഫലസ്തീൻ ജനതയുടെ അവകാശത്തെയാണ് കുവൈത്ത് പിന്തുണയ്ക്കുന്നത്.

അന്താരാഷ്ട്ര നിയമസാധുത, അറബ് സമാധാന സംരംഭം, ദ്വിരാഷ്ട്ര പരിഹാരത്തെക്കുറിച്ചുള്ള ന്യൂയോർക്ക് പ്രഖ്യാപനം എന്നിവ പ്രകാരം ഇത് സാധ്യമാക്കണം. മധ്യപൂർവദേശത്ത് ശാശ്വത സമാധാനത്തിന് നീതിപൂർവവും സമഗ്രവുമായ പരിഹാരം മാത്രമാണ് ഏക വഴിയെന്നും കുവൈത്ത് കൂട്ടിച്ചേർത്തു.

കുവൈത്തിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാകൂ https://chat.whatsapp.com/JwjTxtP7SMiEbr9IDkTJiK?mode=ems_copy_c

കുവൈത്തിൽ ഉടൻ ഏകീകൃത ഇലക്ട്രോണിക് വാടക കരാർ സംവിധാനം; വാടകയിടപാടുകൾ ഇനി ഓൺലൈൻ പ്ലാറ്റ്‌ഫോമിൽ

കുവൈത്ത് സിറ്റി: വാടക കരാറുകൾ ഏകീകരിക്കുന്നതിനായി ഏകീകൃത ഇലക്ട്രോണിക് വാടക കരാർ സംവിധാനം നടപ്പിലാക്കാൻ കുവൈത്ത് ഒരുങ്ങുന്നു. പബ്ലിക് അതോറിറ്റി ഫോർ സിവിൽ ഇൻഫർമേഷന്റെ (PACI) വികസന പദ്ധതികളുടെ ഭാഗമായി അംഗീകാരം നൽകിയ അഞ്ച് പദ്ധതികളിൽ ഒന്നാണ് ഈ ഓൺലൈൻ പ്ലാറ്റ്‌ഫോം.

വാടകയിടപാടുകൾ നിരീക്ഷിക്കാനും ശ്രദ്ധിക്കാനും വേണ്ടിയാണ് ഈ പുതിയ ഓൺലൈൻ പ്ലാറ്റ്‌ഫോം സ്ഥാപിക്കുന്നത്. ഇതുവഴി വാടക കരാറുകൾ രജിസ്റ്റർ ചെയ്യാനും അതുമായി ബന്ധപ്പെട്ട നടപടിക്രമങ്ങൾ ഏകീകരിക്കാനും സാധിക്കും.

കൂടാതെ, വാടകക്കാരൻ, ഉടമ, റിയൽ എസ്റ്റേറ്റ് ബ്രോക്കർ എന്നിവർ തമ്മിലുള്ള ബന്ധം കൂടുതൽ സുതാര്യമാക്കാൻ ഈ സംവിധാനം സഹായിക്കുമെന്നും വിലയിരുത്തപ്പെടുന്നു.

കുവൈത്തിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാകൂ https://chat.whatsapp.com/JwjTxtP7SMiEbr9IDkTJiK?mode=ems_copy_c