കുവൈത്തിൽ ലോൺ നൽകാൻ ബാങ്കുകളുടെ മത്സരം; പുറകിൽ ലക്ഷ്യങ്ങൾ പലത്
കുവൈത്ത് സിറ്റി: കുവൈത്തിലെ ബാങ്കുകൾ വ്യക്തിഗത വായ്പകൾ നൽകുന്നതിൽ കടുത്ത മത്സരത്തിലാണ്. നിലവിൽ ചില ബാങ്കുകൾ 5.75% പലിശ നിരക്കിൽ വരെ വായ്പകൾ വാഗ്ദാനം ചെയ്യുന്നുണ്ട്. ഏതാനും ആഴ്ചകൾക്ക് മുമ്പ് ഇത് 6% വരെയായിരുന്നു. സെപ്റ്റംബറിൽ പലിശ നിരക്ക് കുറയാൻ സാധ്യതയുണ്ടെന്ന സൂചനകൾ നിലനിൽക്കുന്നതാണ് ഈ മത്സരത്തിന് പിന്നിലെ പ്രധാന കാരണം.
ബാങ്കുകൾ തങ്ങളുടെ വിപണി വിഹിതം ഉറപ്പിക്കാനാണ് ഈ നീക്കത്തിലൂടെ ലക്ഷ്യമിടുന്നത്. പുതിയ വായ്പകൾക്കും നിലവിലുള്ള കടങ്ങൾ പുനഃക്രമീകരിക്കുന്നതിനും ഈ കുറഞ്ഞ പലിശ നിരക്കുകൾ ബാധകമാണ്.
വലിയ നിക്ഷേപ അടിത്തറയുള്ള ബാങ്കുകൾക്ക്, പ്രത്യേകിച്ച് ശക്തമായ സർക്കാർ അക്കൗണ്ടുകളുടെ പിന്തുണയുള്ള സ്ഥാപനങ്ങൾക്ക്, ലാഭത്തിൽ വലിയ കുറവ് വരുത്താതെ തന്നെ കുറഞ്ഞ പലിശ നിരക്കിൽ വായ്പകൾ നൽകാൻ സാധിക്കും. ലോണുകൾ നൽകുന്നതിൽ കുവൈത്തിലെ ബാങ്കുകൾക്കിടയിലുള്ള ഈ മത്സരം പുതിയൊരു ഘട്ടത്തിലേക്ക് കടന്നിരിക്കുകയാണ്.
കുവൈത്തിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാകൂ https://chat.whatsapp.com/JwjTxtP7SMiEbr9IDkTJiK?mode=ems_copy_c
Comments (0)