KUWAITVARTHAKAL

കുവൈറ്റിൽ പണം വാങ്ങി അനധികൃതമായി റെസിഡൻസി പെർമിറ്റുകൾ നൽകിയ പാകിസ്ഥാൻ പൗരനും മറ്റ് ചിലരും അറസ്റ്റിലായി. ഉപപ്രധാനമന്ത്രിയും ആഭ്യന്തര മന്ത്രിയുമായ ശൈഖ് ഫഹദ് യൂസഫ് സൗദ് അൽ-സബാഹിന്റെ നിർദേശപ്രകാരമാണ് റെസിഡൻസി അഫയേഴ്‌സ് ഇൻവെസ്റ്റിഗേഷൻസ് ജനറൽ ഡിപ്പാർട്ട്‌മെൻ്റ് ഈ നടപടി സ്വീകരിച്ചത്.

അന്വേഷണത്തിൽ പ്രധാന പ്രതി പവർ ഓഫ് അറ്റോർണി ഉപയോഗിച്ച് ഒമ്പത് കമ്പനികൾ കൈകാര്യം ചെയ്തിരുന്നതായി കണ്ടെത്തി. ഈ കമ്പനികളുടെ പേരിൽ ഏകദേശം 150 തൊഴിലാളികളെയാണ് ഇയാൾ രജിസ്റ്റർ ചെയ്തിരുന്നത്. എന്നാൽ, ഈ തൊഴിലാളികളിൽ പലരും കമ്പനികളിൽ ജോലി ചെയ്യുന്നില്ലായിരുന്നു. റെസിഡൻസി പെർമിറ്റുകൾ നേടാനും പുതുക്കാനും വേണ്ടി ഓരോ തൊഴിലാളിയിൽ നിന്നും 350 മുതൽ 900 ദിനാർ വരെ പ്രതി കൈപ്പറ്റിയിരുന്നതായും അധികൃതർ കണ്ടെത്തി.

ചോദ്യം ചെയ്യലിൽ, പലരും ഈ പണമിടപാടുകൾ സമ്മതിച്ചു. കമ്പനി ഉടമയുടെ അറിവില്ലാതെ, പബ്ലിക് അതോറിറ്റി ഫോർ മാൻപവർ, ആഭ്യന്തര മന്ത്രാലയം എന്നിവയുടെ വിവരങ്ങൾ ഉപയോഗിച്ചാണ് താൻ ഈ ഇടപാടുകൾ നടത്തിയതെന്ന് പ്രതി സമ്മതിച്ചതായും റിപ്പോർട്ടുകളുണ്ട്. തുടർനടപടികൾക്കായി ഇയാളെ ബന്ധപ്പെട്ട വകുപ്പുകൾക്ക് കൈമാറി.

കുവൈത്തിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാകൂ https://chat.whatsapp.com/LXkAQWFENhKJ0MX7QxTdN5?mode=ac_t

ഇനി ഫോണിൽ സ്ഥലം ഇല്ല എന്ന് പറയരുത്: ഫോൺ ഹാങ്ങ് ആകുന്നത് ഒഴിവാക്കാം; ഇതാ ഒരു സൂപ്പർ ആപ്പ്

അറബ് രാജ്യങ്ങളിലെ പ്രദേശങ്ങൾ ഇസ്രായേലിനോട് കൂട്ടിച്ചേർക്കുമെന്ന നെതന്യാഹുവിന്റെ പ്രസ്താവന; അപലപിച്ച് കുവൈത്ത്