കുവൈറ്റിൽ യുവതിയുടെ നാല് ബാങ്ക് അക്കൗണ്ടുകളിൽ നിന്നായി 2730 ദിനാർ നഷ്ടമായതായി പരാതി. സാദ് അൽ അബ്ദുള്ള പോലീസ് സ്റ്റേഷനിൽ നൽകിയ പരാതിയിൽ, നാല് വ്യത്യസ്ത ബാങ്കുകളിലെ തൻ്റെ അക്കൗണ്ടുകളിൽ നിന്ന് അപ്രതീക്ഷിതമായി പണം പിൻവലിച്ചതായി അവർ അറിയിച്ചു. നഷ്ടപ്പെട്ട തുക 2,730 ദിനാറാണ്. ഒരു അന്താരാഷ്ട്ര നമ്പറിൽ നിന്ന് തനിക്ക് ഫോൺ കോൾ വന്നതായി സ്ത്രീ പോലീസിനോട് പറഞ്ഞു. അറിയപ്പെടുന്ന ഒരു ഓൺലൈൻ പ്ലാറ്റ്‌ഫോമിൽ തനിക്ക് അക്കൗണ്ടുകൾ ഉണ്ടെന്ന് വിളിച്ച് സംസാരിച്ചയാൾ തെറ്റിദ്ധരിപ്പിക്കുകയും ഒരു മൊബൈൽ ആപ്ലിക്കേഷൻ ഡൗൺലോഡ് ചെയ്യാൻ നിർദ്ദേശിക്കുകയുമായിരുന്നു. ഇതേ തുടർന്നാണ് കുവൈത്ത് യുവതിയുടെ നാല് ബാങ്ക് അക്കൗണ്ടുകളിൽ നിന്ന് തിരിച്ചറിയാത്ത സൈബർ തട്ടിപ്പുകാരൻ 2,730 ദിനാർ അപഹരിച്ചത്. സംഭവം തുടർനടപടികൾക്കായി കൊമേഴ്‌സ്യൽ അഫയേഴ്‌സ് പ്രോസിക്യൂഷനും ഇലക്ട്രോണിക് ഇൻവെസ്റ്റിഗേഷൻസ് ഡിപ്പാർട്ട്‌മെന്റിനും കൈമാറിയിട്ടുണ്ട്.കുവൈത്തിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാകൂ https://chat.whatsapp.com/LXkAQWFENhKJ0MX7QxTdN5?mode=ac_t