KUWAITVARTHAKAL

കുവൈത്തിൽ ഈ വർഷം ആദ്യ പാദത്തിൽ സ്വർണാഭരണ വിൽപ്പനയിൽ 15 ശതമാനം കുറവ് രേഖപ്പെടുത്തി. കഴിഞ്ഞ വർഷം ഇതെ കാലയളവിൽ നാലര ടൺ ആയിരുന്നു സ്വർണഭരണ വില്പന. എന്നാൽ ഇപ്പോൾ ഇത് 3.8 ടണ്ണായി കുറഞ്ഞു. അതെ പോലെ സ്വർണ്ണക്കട്ടികളുടെയും നാണയങ്ങളുടെയും വില്പനയിലും 5 ശതമാനം കുറവ് രേഖപ്പെടുത്തി.വേൾഡ് ഗോൾഡ് കൗൺസിലിന്റെ ഏറ്റവും പുതിയ കണക്കുകൾ പ്രകാരം, കഴിഞ്ഞ വർഷം ഇതെ കാലയളവിൽ കുവൈത്തിൽ സ്വർണ കട്ടികളുടെയും സ്വർണ്ണ നാണയങ്ങ ളുടെയും വില്പന 1.5 ടണ്ണായിരുന്നുവെങ്കിൽ ഇപ്പോഴത് 1.4 ടൺ ആയി കുറഞ്ഞിരിക്കുകയാണ്.
കഴിഞ്ഞ അഞ്ച് വർഷത്തിനിടെ 86.4 ടൺ സ്വർണ്ണമാണ് കുവൈത്തിലെ മൊത്തം ഉപഭോഗം.ഇതിൽ 64.5 ടൺ ആഭരണങ്ങളായും 21.9 ടൺ സ്വർണ്ണക്കട്ടികളും നാണയങ്ങളുമായാണ് വില്പന നടന്നത്. . സൗദി അറേബ്യ, യു.എ.ഇ, ഈജിപ്ത് എന്നീ രാജ്യങ്ങൾ കഴിഞ്ഞാൽ അറബ് മേഖലയിൽ ഏറ്റവും അധികം സ്വർണ്ണ വില്പന നടത്തുന്ന നാലാമത്തെ രാജ്യമാണ് കുവൈത്ത്.സ്വർണ്ണ വില്പനയിൽ ആഗോളതലത്തിൽ ഇരുപത്തി ഒന്നാം സ്ഥാനമാണ് കുവൈത്തിനുള്ളത്. 2025 ന്റെ ആദ്യ പാദത്തിൽ സ്വർണ്ണ വിലയിൽ ഉണ്ടായ ഗണ്യമായ വർധനവുണ്ടായതിനെ തുടർന്നാണ് രാജ്യത്ത് സ്വർണ്ണ വില്പനയിൽ ഇടിവ് ഉണ്ടായത് എന്നാണ് നിഗമനം.

കുവൈത്തിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാകൂ https://chat.whatsapp.com/ElaG9HX6VACJt6K2QWAEKx