health economicsപുതുക്കിയ ഫീസ് താങ്ങാനാവുന്നില്ല; കുവൈത്തിൽ ക്ലിനിക്കുകളിലെത്തുന്ന പ്രവാസികളുടെ എണ്ണത്തിൽ 60 ശതമാനം ഇടിവ്
കുവൈറ്റ് സിറ്റി: പൊതു ക്ലിനിക്കുകളും ആശുപത്രികളും സന്ദർശിക്കുന്ന പ്രവാസികളുടെ എണ്ണത്തിൽ 60 ശതമാനം കുറവ് health economics. ആരോഗ്യ മന്ത്രാലയം പ്രവാസികൾക്ക് നിർദ്ദേശിക്കുന്ന മരുന്നുകളുടെ ഫീസ് വർദ്ധിപ്പിച്ചതിന് ശേഷമാണ് ക്ലിനിക്കുകളിലെത്തുന്ന പ്രവാസികളുടെ എണ്ണം കുറഞ്ഞത്.
പ്രതിദിനം 1,200 രോഗികളെ സേവിച്ചിരുന്ന ചില ക്ലിനിക്കുകളിലെ സന്ദർശകരുടെ എണ്ണം തീരുമാനം പുറപ്പെടുവിച്ച ദിവസം 50 ശതമാനം കുറഞ്ഞുവെന്ന് ഉറവിടങ്ങൾ വെളിപ്പെടുത്തി. ഈ അടുത്ത ദിവസങ്ങളിലായി ഇവിടെ എത്തുന്നവരുടെ എണ്ണം 400 കവിഞ്ഞിട്ടില്ലെന്നാണ് വിവരം. പ്രമേഹ ക്ലിനിക്കുകൾ സന്ദർശകരുടെ എണ്ണത്തിൽ കാര്യമായ മാറ്റത്തിന് സാക്ഷ്യം വഹിച്ചിട്ടില്ലെന്ന് ഉറവിടങ്ങൾ കൂട്ടിച്ചേർത്തു. പൊതു ആശുപത്രികളിലെ അപകട വിഭാഗങ്ങളിലെ സന്ദർശകരുടെ എണ്ണത്തെ ഇത് ബാധിച്ചിട്ടില്ലെന്ന് സ്ഥിരീകരിക്കുന്നുണ്ടെങ്കിലും, തീരുമാനത്തിന്റെ ആഘാതം വിലയിരുത്തുന്നത് വളരെ നേരത്തെയാണെന്ന് വൃത്തങ്ങൾ വിശദീകരിച്ചു. തീരുമാനം നടപ്പിലാക്കുന്നതിന് മുമ്പും ശേഷവും ആശുപത്രികളിൽ എത്തുന്ന രോഗികളുടെ എണ്ണത്തെക്കുറിച്ചുള്ള സ്ഥിതിവിവരക്കണക്കുകൾ സ്ഥാപിക്കുന്നതിന് സമഗ്രമായ പഠനം നടത്തേണ്ടതുണ്ടെന്നും ബന്ധപ്പെട്ടവർ വ്യക്തമാക്കി. മന്ത്രാലയത്തിലെ വിവിധ മേഖലകളിലെ ജീവനക്കാരെ ഈ തീരുമാനം അത്ഭുതപ്പെടുത്തിയെന്ന് വൃത്തങ്ങൾ പറഞ്ഞു. അതിനാൽ, ഫീസ് വർധന നടപ്പാക്കുന്നതിലെ ആശയക്കുഴപ്പം പരിഹരിക്കുന്നതിനായി ബന്ധപ്പെട്ട ജീവനക്കാരുമായി ഒരു മീറ്റിംഗ് നടത്താൻ ഓരോ മേഖലയിലെയും ഉദ്യോഗസ്ഥർ തീരുമാനിച്ചതായാണ് വിവരം. ഫീസ് വർധനയുടെ ഉത്തരവ് പുറപ്പെടുവിച്ച ഉടനെ തന്നെ തീരുമാനം പ്രാബല്യത്തിൽ വരുമെന്ന് പലർക്കും അറിയില്ലായിരുന്നു. അതിനാലാണ് തീരുമാനം രോഗികളിലും ആശുപത്രി ജീവനക്കാരിലും ഒരുപോലെ ആശയക്കുഴപ്പം ഉണ്ടാക്കിയത്. ഫീസ് പുതിക്കിയ വിവരം അറിയാതെ എത്തിയ രോഗികൾ പലരും വർധിപ്പിച്ച ഫീസ് നൽകേണ്ട അവസ്ഥയും ഉണ്ടായി.
കുവൈത്തിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാകൂ https://chat.whatsapp.com/ILFLwgBnr3t1fYqLSspvr7
Comments (0)