കുവൈത്ത് അന്താരാഷ്ട്ര വിമാനത്താവളവുമായി ബന്ധപ്പെട്ട ഫീസുകൾ വിമാന ടിക്കറ്റുകളിൽ ഉൾപ്പെടുത്തുന്നതിനെച്ചൊല്ലിയുള്ള ആശയക്കുഴപ്പത്തിന് വിശദീകരണവുമായി ഡയറക്ടറേറ്റ് ജനറൽ ഓഫ് സിവിൽ ഏവിയേഷൻ (ഡിജിസിഎ). ഒക്ടോബർ 19ന് പുറത്തിറക്കിയ സർക്കുലർ നമ്പർ 58/2026ൽ പരാമർശിച്ചിരിക്കുന്ന എല്ലാ ഫീസുകളും പുതുതായി ഏർപ്പെടുത്തിയവയല്ലെന്ന് അധികൃതർ വ്യക്തമാക്കി. ഡിജിസിഎ ഔദ്യോഗിക വക്താവ് അബ്ദുല്ല അൽ-രാജ്ഹിയുടെ വിശദീകരണമനുസരിച്ച്, ചില വിമാനത്താവള ഫീസുകൾ നേരത്തേ തന്നെ നിലവിലുണ്ടായിരുന്നു. മറ്റുചില ഫീസുകൾ അടുത്തിടെ പ്രാബല്യത്തിൽ വന്നവയാണ്. നിലവിലുള്ളതും പുതുതായി നടപ്പാക്കിയതുമായ ഫീസുകൾ വിമാന ടിക്കറ്റിൽ വ്യക്തമായി രേഖപ്പെടുത്തുന്ന രീതിക്ക് ഏകീകൃത മാനദണ്ഡം കൊണ്ടുവരികയാണ് സർക്കുലറിന്റെ പ്രധാന ലക്ഷ്യം.

ഇനി ടിക്കറ്റിൽ ഓരോ ഫീസും അതിന്റെ തുകയും പ്രത്യേകം രേഖപ്പെടുത്തും. ഇതോടെ ബുക്കിംഗ് സമയത്ത് യാത്രക്കാർ നൽകുന്ന മൊത്തം തുക എങ്ങനെയാണ് രൂപപ്പെടുന്നതെന്ന് വ്യക്തമായി മനസ്സിലാക്കാനാകും.
യാത്രക്കാരുടെ അവകാശങ്ങൾ സംരക്ഷിക്കുന്നതിനും എയർലൈനുകൾ, ട്രാവൽ–ടൂറിസം ഏജൻസികൾ, യാത്രക്കാർ എന്നിവർക്കിടയിലെ ഇടപാടുകളിൽ കൂടുതൽ സുതാര്യത ഉറപ്പാക്കുന്നതിനുമാണ് നടപടി. ടിക്കറ്റ് റദ്ദാക്കുകയോ റീഫണ്ട് ആവശ്യപ്പെടുകയോ ചെയ്യുന്ന സാഹചര്യങ്ങളിലും ഓരോ ചാർജിന്റെയും വിശദാംശങ്ങൾ പരിശോധിക്കാൻ ഈ രീതിയിലുള്ള വിഭജനം സഹായിക്കും.

കുവൈത്തിൽ പ്രവർത്തിക്കുന്ന എല്ലാ എയർലൈനുകളും ട്രാവൽ–ടൂറിസം ഏജൻസികളും സർക്കുലർ കർശനമായി പാലിക്കണമെന്ന് അൽ-രാജ്ഹി നിർദേശിച്ചു. ടിക്കറ്റുകളിൽ ബന്ധപ്പെട്ട ഫീൽഡ് കോഡുകളും കൃത്യമായ തുകയും വ്യക്തമായി രേഖപ്പെടുത്തണമെന്നും അദ്ദേഹം വ്യക്തമാക്കി. യാത്രക്കാരിൽ അനാവശ്യ ആശയക്കുഴപ്പം ഒഴിവാക്കുകയും വിമാനയാത്രയുമായി ബന്ധപ്പെട്ട ചെലവുകൾ സംബന്ധിച്ച് വ്യക്തമായ വിവരങ്ങൾ നൽകുകയും ചെയ്യുകയാണ് ലക്ഷ്യം. വ്യോമയാന മേഖലയിലെ സുതാര്യതയും യാത്രക്കാരുടെ താൽപ്പര്യങ്ങളും ഉറപ്പാക്കുന്നതിനുള്ള മേൽനോട്ടം തുടരുമെന്നും ഡിജിസിഎ അറിയിച്ചു..കുവൈത്തിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാകൂ https://chat.whatsapp.com/ENPscRffOwo5x6O0PjsEUa?s=cl&p=a&ilr=1

കുവൈത്തിലെ പുതിയ ജോലി അവസരങ്ങൾ അറിയുവാൻ ഇവിടെ ക്ലിക്ക് ചെയ്യുക

കുവൈറ്റ് ആകാശത്ത് മിസൈൽ ആക്രമണം; 24 മണിക്കൂറിനിടെ 5 ബാലിസ്റ്റിക് മിസൈലുകളും 7 ഡ്രോണുകളും വെടിവെച്ചിട്ട് വ്യോമപ്രതിരോധ സേന

കുവൈറ്റിന്റെ ആകാശപരിധി ലക്ഷ്യമിട്ടെത്തിയ വൻ വ്യോമാക്രമണ ശ്രമങ്ങളെ രാജ്യം വിജയകരമായി പ്രതിരോധിച്ചു. കഴിഞ്ഞ 24 മണിക്കൂറിനിടെ അഞ്ച് ബാലിസ്റ്റിക് മിസൈലുകളെയും ഏഴ് ഡ്രോണുകളെയുമാണ് കുവൈറ്റ് വ്യോമപ്രതിരോധ സേന ആകാശത്തുവെച്ച് തന്നെ തകർത്തത്. ശത്രുരാജ്യങ്ങളുടെ ഭാഗത്തുനിന്നുണ്ടായ പ്രകോപനങ്ങളെ അതിശക്തമായ രീതിയിൽ നേരിടാൻ രാജ്യത്തിന്റെ പ്രതിരോധ സംവിധാനങ്ങൾക്ക് സാധിച്ചു എന്നത് സൈന്യത്തിന്റെ കരുത്ത് തെളിയിക്കുന്ന ഒന്നായി മാറി. രാജ്യത്തെ തന്ത്രപ്രധാനമായ കേന്ദ്രങ്ങളെയും ജനവാസ മേഖലകളെയും ലക്ഷ്യമാക്കിയാണ് ഈ ആക്രമണങ്ങൾ ആസൂത്രണം ചെയ്തിരുന്നത്. എന്നാൽ അത്യാധുനികമായ റഡാർ സംവിധാനങ്ങളും മിസൈൽ പ്രതിരോധ കവചങ്ങളും കൃത്യസമയത്ത് പ്രവർത്തിച്ചതോടെ വലിയൊരു ദുരന്തമാണ് ഒഴിവായത്. വെടിവെച്ചിട്ട മിസൈലുകളുടെയും ഡ്രോണുകളുടെയും അവശിഷ്ടങ്ങൾ വിജനമായ പ്രദേശങ്ങളിൽ വീണതായാണ് റിപ്പോർട്ടുകൾ സൂചിപ്പിക്കുന്നത്. സംഭവത്തിൽ ആർക്കും പരിക്കേൽക്കുകയോ നാശനഷ്ടങ്ങൾ സംഭവിക്കുകയോ ചെയ്തിട്ടില്ലെന്ന് ഔദ്യോഗിക വൃത്തങ്ങൾ വ്യക്തമാക്കി. മേഖലയിൽ നിലനിൽക്കുന്ന സംഘർഷാവസ്ഥയുടെ പശ്ചാത്തലത്തിൽ കുവൈറ്റ് സൈന്യം അതീവ ജാഗ്രതയിലാണ്. ഏത് തരത്തിലുള്ള അപ്രതീക്ഷിത ആക്രമണങ്ങളെയും നേരിടാൻ രാജ്യം സുസജ്ജമാണെന്ന് സൈനിക വക്താവ് അറിയിച്ചു. അതിർത്തികളിലും ആകാശപരിധിയിലും നിരീക്ഷണം ശക്തമാക്കിയിരിക്കുകയാണ്. ജനങ്ങൾ പരിഭ്രാന്തരാകേണ്ടതില്ലെന്നും ഔദ്യോഗിക അറിയിപ്പുകൾ മാത്രം ശ്രദ്ധിക്കണമെന്നും അധികൃതർ നിർദ്ദേശിച്ചു. വരും ദിവസങ്ങളിലും സുരക്ഷാ പരിശോധനകളും നിരീക്ഷണങ്ങളും കർശനമായി തുടരാനാണ് പ്രതിരോധ മന്ത്രാലയത്തിന്റെ തീരുമാനം. കുവൈത്തിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാകൂ https://chat.whatsapp.com/ENPscRffOwo5x6O0PjsEUa?s=cl&p=a&ilr=1