കുവൈറ്റ് സിറ്റി: കുവൈറ്റിലെ വിസിറ്റ് വിസാനടപടികളിൽ അടുത്തകാലത്തുണ്ടായ മാറ്റങ്ങൾ പ്രവാസികൾക്കിടയിൽ വലിയ ചർച്ചയാവുകയാണ്. വിസ അനുവദിക്കുന്നതിലെ കർശന നിയന്ത്രണങ്ങളും പുതിയ നിബന്ധനകളും പലരിലും ആശയക്കുഴപ്പം സൃഷ്ടിച്ചിട്ടുണ്ട്. ഈ സാഹചര്യത്തിൽ വിസിറ്റ് വിസയെക്കുറിച്ച് അറിഞ്ഞിരിക്കേണ്ട പ്രധാന കാര്യങ്ങൾ താഴെ പറയുന്നവയാണ്.

ഫാമിലി വിസിറ്റ് വിസ (Family Visit Visa)

കുടുംബാംഗങ്ങളെ കുവൈറ്റിലേക്ക് കൊണ്ടുവരുന്നതിനുള്ള ഫാമിലി വിസിറ്റ് വിസകൾക്ക് ഇപ്പോൾ കർശനമായ ശമ്പള പരിധി നിശ്ചയിച്ചിട്ടുണ്ട്. മിനിമം 400 കുവൈറ്റ് ദിനാർ ശമ്പളമുള്ളവർക്ക് മാത്രമേ അടുത്ത ബന്ധുക്കൾക്ക് വിസ സ്പോൺസർ ചെയ്യാൻ സാധിക്കൂ. എന്നാൽ മാതാപിതാക്കൾ, ഭാര്യ, മക്കൾ എന്നിവരല്ലാത്ത മറ്റു ബന്ധുക്കളെ കൊണ്ടുവരണമെങ്കിൽ ശമ്പള പരിധി 800 ദിനാർ ആയിരിക്കണം.

വിസ കാലാവധി

സാധാരണഗതിയിൽ വിസിറ്റ് വിസയുടെ കാലാവധി ഒരു മാസമാണ്. ചില പ്രത്യേക വിഭാഗങ്ങളിൽ ഇത് മൂന്ന് മാസം വരെ ലഭിക്കാറുണ്ട്. കാലാവധി കഴിഞ്ഞും രാജ്യത്ത് തുടരുന്നത് വലിയ പിഴയ്ക്കും ഭാവിയിൽ കുവൈറ്റിലേക്ക് വരുന്നതിന് ആജീവനാന്ത വിലക്കിനും കാരണമാകും.

ആരോഗ്യ ഇൻഷുറൻസും ടിക്കറ്റും

വിസിറ്റ് വിസയിൽ എത്തുന്നവർക്ക് ആരോഗ്യ ഇൻഷുറൻസ് നിർബന്ധമാണ്. കൂടാതെ, കുവൈറ്റിന്റെ ഔദ്യോഗിക വിമാനക്കമ്പനികളായ ‘കുവൈറ്റ് എയർവേയ്‌സ്’ അല്ലെങ്കിൽ ‘ജസീറ എയർവേയ്‌സ്’ എന്നിവയിൽ തന്നെ വരണമെന്ന നിബന്ധനയും പലപ്പോഴും ചർച്ചയാകാറുണ്ട്. യാത്രയ്ക്ക് മുൻപ് റിട്ടേൺ ടിക്കറ്റ് ഉണ്ടെന്ന് ഉറപ്പുവരുത്തേണ്ടതുണ്ട്.

താമസ വിസയിലേക്ക് മാറ്റാൻ സാധിക്കുമോ?

നിലവിലെ നിയമമനുസരിച്ച് വിസിറ്റ് വിസയിൽ എത്തുന്നവർക്ക് അത് റെസിഡൻസി വിസയിലേക്ക് (Family Residency/Work Visa) മാറ്റാൻ അനുവാദമില്ല. സന്ദർശന കാലാവധിക്ക് ശേഷം രാജ്യം വിടണമെന്നാണ് നിയമം.

പ്രധാന നിർദ്ദേശങ്ങൾ:

• വിസ അപേക്ഷയോടൊപ്പം സമർപ്പിക്കുന്ന രേഖകൾ കൃത്യമാണെന്ന് ഉറപ്പുവരുത്തുക.
• സ്പോൺസർ ചെയ്യുന്ന വ്യക്തിയുടെ സിവിൽ ഐഡി കാലാവധിയുള്ളതായിരിക്കണം.
• നിയമലംഘനം നടത്തിയാൽ സ്പോൺസർക്കെതിരെയും നടപടിയുണ്ടാകും.

കുവൈറ്റിലെ വിസ നിയമങ്ങൾ പെട്ടെന്ന് മാറാൻ സാധ്യതയുള്ളതിനാൽ, ഔദ്യോഗിക അറിയിപ്പുകൾ ശ്രദ്ധിച്ചും കൃത്യമായ രേഖകൾ ഹാജരാക്കിയും മാത്രമേ അപേക്ഷകൾ സമർപ്പിക്കാവൂ എന്ന് അധികൃതർ ഓർമ്മിപ്പിക്കുന്നു.കുവൈത്തിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാകൂ  https://chat.whatsapp.com/Du8AGPEDfJfGa0vgu1h2fL

കുവൈത്തിലെ പുതിയ ജോലി അവസരങ്ങൾ അറിയുവാൻ ഇവിടെ ക്ലിക്ക് ചെയ്യുക

കുവൈറ്റിൽ ഉദ്യോഗസ്ഥർക്കിടയിലും ഇനി ലഹരി പരിശോധന; ആദ്യഘട്ടം ആരംഭിച്ചു

കുവൈത്ത് ആഭ്യന്തര മന്ത്രാലയത്തിന് കീഴിലുള്ള ഉദ്യോഗസ്ഥർക്കിടയിൽ മയക്കുമരുന്ന് ഉൾപ്പെടെയുള്ള ലഹരി വസ്തുക്കളുടെ ഉപയോഗം കണ്ടെത്തുന്നതിനായി റാൻഡം പരിശോധനകൾ ആരംഭിച്ചു. ക്രിമിനൽ എവിഡൻസ് ഡിപ്പാർട്ട്‌മെന്റിന്റെ നേതൃത്വത്തിലാണ് പരിശോധനകൾ നടക്കുന്നതെന്ന് മന്ത്രാലയം അറിയിച്ചു. ജോലിസ്ഥലങ്ങളിൽ അച്ചടക്കം ശക്തിപ്പെടുത്താനും സുരക്ഷാ സേനാംഗങ്ങൾ സമൂഹത്തിന് മാതൃകയാകുന്ന രീതിയിൽ പ്രവർത്തിക്കുന്നുണ്ടെന്ന് ഉറപ്പാക്കാനും ലക്ഷ്യമിട്ടാണ് ഈ നടപടി. ആഭ്യന്തര മന്ത്രാലയം പുറത്തിറക്കിയ വാർത്താക്കുറിപ്പിലാണ് പദ്ധതിയുടെ വിശദാംശങ്ങൾ വ്യക്തമാക്കിയത്. ആദ്യഘട്ടത്തിൽ പൊലീസ് സ്പോർട്സ് ഫെഡറേഷനിലെ അംഗങ്ങളെയാണ് പരിശോധനയ്ക്ക് വിധേയമാക്കിയത്. ഫെഡറേഷൻ ചെയർമാൻ ബ്രിഗേഡിയർ ജനറൽ ഷെയ്ഖ് മുബാറക് അലി യൂസഫ് അൽ സബാഹ്, ഡെപ്യൂട്ടി ചെയർമാൻ, ബോർഡ് അംഗങ്ങൾ എന്നിവരടക്കം വിവിധ ഉദ്യോഗസ്ഥർ പരിശോധനയിൽ പങ്കെടുത്തു.

മയക്കുമരുന്ന് വിരുദ്ധ പ്രവർത്തനങ്ങൾ ശക്തമാക്കുന്നതിന്റെ ഭാഗമായി നിലവിൽ വന്ന 2025ലെ 159-ാം നമ്പർ നിയമത്തിന്റെ അടിസ്ഥാനത്തിലാണ് റാൻഡം പരിശോധനകൾ നടത്തുന്നതെന്ന് മന്ത്രാലയം വ്യക്തമാക്കി. ആഭ്യന്തര മന്ത്രാലയത്തിന്റെ എല്ലാ വിഭാഗങ്ങളിലേക്കും പരിശോധന വ്യാപിപ്പിക്കുമെന്നും ഇതിനായി പ്രത്യേക സമയക്രമം അംഗീകരിച്ചിട്ടുണ്ടെന്നും അധികൃതർ അറിയിച്ചു.കുവൈത്തിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാകൂ  https://chat.whatsapp.com/Du8AGPEDfJfGa0vgu1h2fL

കുവൈത്ത് സെൻട്രൽ ജയിലിലെ തീപിടിത്തം: പരിക്കേറ്റ കേണൽ അന്തരിച്ചു

സുലൈബിയ സെൻട്രൽ ജയിലിലെ കെട്ടിടത്തിൽ ഉണ്ടായ തീപിടിത്തത്തിൽ ഗുരുതരമായി പരിക്കേറ്റ് ചികിത്സയിലായിരുന്ന ഉന്നത പോലീസ് ഉദ്യോഗസ്ഥൻ മരിച്ചു. ജനറൽ ഡയറക്ടറേറ്റ് ഓഫ് കറക്ഷണൽ ഇൻസ്റ്റിറ്റ്യൂഷൻസ് വിഭാഗത്തിലെ ഉദ്യോഗസ്ഥനായ കേണൽ സൗദ് അൽ-ഖംസാനാണ് അന്തരിച്ചത്.
കഴിഞ്ഞ ഞായറാഴ്ച ജയിലിന്റെ കെട്ടിടത്തിൽ തീപിടിത്തം ഉണ്ടായത്. കെട്ടിടത്തിന്റെ ഒന്നാം നിലയിലെ ഇടനാഴിയിൽ കാർപെറ്റുകളും ഫർണിച്ചറുകളും മാറ്റുന്നതുൾപ്പെടെയുള്ള അറ്റകുറ്റപ്പണികൾ പുരോഗമിക്കുകയായിരുന്ന സമയത്തായിരുന്നു അപകടം. അറ്റകുറ്റപ്പണികൾക്കിടെയുണ്ടായ വൈദ്യുത ഷോർട്ട് സർക്യൂട്ടിനെ തുടർന്ന് വലിയ സ്ഫോടനം സംഭവിച്ചിരിക്കാമെന്നാണ് പ്രാഥമിക നിഗമനം.

സംഭവത്തിൽ കേണൽ സൗദ് അൽ-ഖംസാൻ ഉൾപ്പെടെ ആറ് പേർക്ക് പരിക്കേറ്റിരുന്നു. പരിക്കേറ്റ ഉദ്യോഗസ്ഥരെയും തൊഴിലാളികളെയും ഉടൻ ആശുപത്രിയിൽ പ്രവേശിപ്പിച്ചെങ്കിലും കേണലിന്റെ ജീവൻ രക്ഷിക്കാൻ സാധിച്ചില്ല. കേണൽ സൗദ് അൽ-ഖംസാന്റെ നിര്യാണത്തിൽ കുവൈറ്റ് ആഭ്യന്തര മന്ത്രി ഷെയ്ഖ് ഫഹദ് അൽ യൂസുഫ് അൽ സബാഹ് അനുശോചനം രേഖപ്പെടുത്തി. ഔദ്യോഗിക കൃത്യനിർവഹണത്തിനിടെയാണ് അദ്ദേഹം ജീവൻ ബലിയർപ്പിച്ചതെന്നും, അദ്ദേഹത്തിന്റെ വേർപാട് പോലീസ് സേനയ്ക്ക് വലിയ നഷ്ടമാണെന്നും മന്ത്രി പറഞ്ഞു.കുവൈത്തിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാകൂ  https://chat.whatsapp.com/Du8AGPEDfJfGa0vgu1h2fL