ഗൾഫിൽ വീണ്ടും യുദ്ധഭീതി; കുവൈറ്റിലെ അമേരിക്കൻ പൗരന്മാർക്ക് ജാഗ്രതാ നിർദേശവുമായി യുഎസ് എംബസി!

മധ്യപൂർവേഷ്യയിലെ സുരക്ഷാ സാഹചര്യം വീണ്ടും ആശങ്കാജനകമാകുന്നതിനിടെ മേഖലയിലുള്ള അമേരിക്കൻ പൗരന്മാർക്ക് ജാഗ്രതാ നിർദേശം നൽകി കുവൈത്തിലെ യുഎസ് എംബസി. ഇറാന്റെ പിന്തുണയുള്ള ഹൂതി വിഭാഗങ്ങളിൽനിന്ന് സായുധ ആക്രമണ ഭീഷണി വർധിക്കുന്നതും മേഖലയിലെ യുഎസ് ഉദ്യോഗസ്ഥരെയും സ്ഥാപനങ്ങളെയും ഇറാൻ ലക്ഷ്യമിടാൻ സാധ്യതയുള്ളതുമാണ് മുന്നറിയിപ്പിന് പിന്നിൽ. മേഖലയിലെ സംഘർഷം ഏത് നിമിഷവും കൂടുതൽ രൂക്ഷമാകാമെന്ന് എംബസി മുന്നറിയിപ്പ് നൽകി. ഇതിന്റെ ഭാഗമായി വിമാന സർവീസുകൾ റദ്ദാക്കുക, വ്യോമപാതകൾ അടയ്ക്കുക, യാത്രാ നിയന്ത്രണങ്ങൾ ഏർപ്പെടുത്തുക തുടങ്ങിയ സാഹചര്യങ്ങളുണ്ടാകാമെന്നും അധികൃതർ അറിയിച്ചു. മധ്യപൂർവേഷ്യയിലേക്ക് യാത്ര ചെയ്യാനോ മേഖലയിൽനിന്ന് മടങ്ങാനോ ഉദ്ദേശിക്കുന്ന അമേരിക്കക്കാർ വിമാനത്താവളങ്ങളിലെയും വിമാനക്കമ്പനികളിലെയും പുതിയ അറിയിപ്പുകൾ നിരന്തരം പരിശോധിക്കണം. യാത്രയിൽ അപ്രതീക്ഷിത മാറ്റങ്ങളുണ്ടായാൽ നേരിടാൻ ബദൽ പദ്ധതികൾ തയ്യാറാക്കണമെന്നും നിർദേശമുണ്ട്.

സുരക്ഷാ മുന്നറിയിപ്പുകൾ ശ്രദ്ധിക്കുക, പ്രാദേശിക മാധ്യമങ്ങളിലെ വിവരങ്ങൾ നിരീക്ഷിക്കുക, അധികൃതരുടെ നിർദേശങ്ങൾ പാലിക്കുക, തിരക്കേറിയ പൊതുപരിപാടികളിൽനിന്നും പ്രതിഷേധങ്ങളിൽനിന്നും വിട്ടുനിൽക്കുക തുടങ്ങിയ മുൻകരുതലുകളും എംബസി നിർദേശിച്ചിട്ടുണ്ട്. ഗൾഫ് മേഖലയിലെ സൈനിക സംഘർഷങ്ങൾ വീണ്ടും സജീവമാകുന്ന സാഹചര്യത്തിലാണ് അമേരിക്കയുടെ പുതിയ സുരക്ഷാ മുന്നറിയിപ്പ്.കുവൈത്തിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാകൂ https://chat.whatsapp.com/ENPscRffOwo5x6O0PjsEUa?s=cl&p=a&ilr=1

കുവൈത്തിലെ പുതിയ ജോലി അവസരങ്ങൾ അറിയുവാൻ ഇവിടെ ക്ലിക്ക് ചെയ്യുക

കുവൈറ്റ് ആകാശത്ത് മിസൈൽ ആക്രമണം; 24 മണിക്കൂറിനിടെ 5 ബാലിസ്റ്റിക് മിസൈലുകളും 7 ഡ്രോണുകളും വെടിവെച്ചിട്ട് വ്യോമപ്രതിരോധ സേന

കുവൈറ്റിന്റെ ആകാശപരിധി ലക്ഷ്യമിട്ടെത്തിയ വൻ വ്യോമാക്രമണ ശ്രമങ്ങളെ രാജ്യം വിജയകരമായി പ്രതിരോധിച്ചു. കഴിഞ്ഞ 24 മണിക്കൂറിനിടെ അഞ്ച് ബാലിസ്റ്റിക് മിസൈലുകളെയും ഏഴ് ഡ്രോണുകളെയുമാണ് കുവൈറ്റ് വ്യോമപ്രതിരോധ സേന ആകാശത്തുവെച്ച് തന്നെ തകർത്തത്. ശത്രുരാജ്യങ്ങളുടെ ഭാഗത്തുനിന്നുണ്ടായ പ്രകോപനങ്ങളെ അതിശക്തമായ രീതിയിൽ നേരിടാൻ രാജ്യത്തിന്റെ പ്രതിരോധ സംവിധാനങ്ങൾക്ക് സാധിച്ചു എന്നത് സൈന്യത്തിന്റെ കരുത്ത് തെളിയിക്കുന്ന ഒന്നായി മാറി. രാജ്യത്തെ തന്ത്രപ്രധാനമായ കേന്ദ്രങ്ങളെയും ജനവാസ മേഖലകളെയും ലക്ഷ്യമാക്കിയാണ് ഈ ആക്രമണങ്ങൾ ആസൂത്രണം ചെയ്തിരുന്നത്. എന്നാൽ അത്യാധുനികമായ റഡാർ സംവിധാനങ്ങളും മിസൈൽ പ്രതിരോധ കവചങ്ങളും കൃത്യസമയത്ത് പ്രവർത്തിച്ചതോടെ വലിയൊരു ദുരന്തമാണ് ഒഴിവായത്. വെടിവെച്ചിട്ട മിസൈലുകളുടെയും ഡ്രോണുകളുടെയും അവശിഷ്ടങ്ങൾ വിജനമായ പ്രദേശങ്ങളിൽ വീണതായാണ് റിപ്പോർട്ടുകൾ സൂചിപ്പിക്കുന്നത്. സംഭവത്തിൽ ആർക്കും പരിക്കേൽക്കുകയോ നാശനഷ്ടങ്ങൾ സംഭവിക്കുകയോ ചെയ്തിട്ടില്ലെന്ന് ഔദ്യോഗിക വൃത്തങ്ങൾ വ്യക്തമാക്കി. മേഖലയിൽ നിലനിൽക്കുന്ന സംഘർഷാവസ്ഥയുടെ പശ്ചാത്തലത്തിൽ കുവൈറ്റ് സൈന്യം അതീവ ജാഗ്രതയിലാണ്. ഏത് തരത്തിലുള്ള അപ്രതീക്ഷിത ആക്രമണങ്ങളെയും നേരിടാൻ രാജ്യം സുസജ്ജമാണെന്ന് സൈനിക വക്താവ് അറിയിച്ചു. അതിർത്തികളിലും ആകാശപരിധിയിലും നിരീക്ഷണം ശക്തമാക്കിയിരിക്കുകയാണ്. ജനങ്ങൾ പരിഭ്രാന്തരാകേണ്ടതില്ലെന്നും ഔദ്യോഗിക അറിയിപ്പുകൾ മാത്രം ശ്രദ്ധിക്കണമെന്നും അധികൃതർ നിർദ്ദേശിച്ചു. വരും ദിവസങ്ങളിലും സുരക്ഷാ പരിശോധനകളും നിരീക്ഷണങ്ങളും കർശനമായി തുടരാനാണ് പ്രതിരോധ മന്ത്രാലയത്തിന്റെ തീരുമാനം. കുവൈത്തിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാകൂ https://chat.whatsapp.com/ENPscRffOwo5x6O0PjsEUa?s=cl&p=a&ilr=1

Related Posts

Leave a Reply

Your email address will not be published. Required fields are marked *