കുവൈത്തിൽ എനർജി ഡ്രിങ്കുകൾക്കും പുകയില ഉൽപ്പന്നങ്ങൾക്കും വില കുത്തനെ ഉയരാൻ വഴിയൊരുങ്ങുന്നു. ഇവയ്ക്ക് 100 ശതമാനം എക്സൈസ് നികുതിയും കാർബണേറ്റഡ് ശീതളപാനീയങ്ങൾക്ക് 50 ശതമാനം നികുതിയും ഏർപ്പെടുത്തുന്ന നിർദേശത്തിനാണ് മന്ത്രിസഭ അംഗീകാരം നൽകിയത്. പഞ്ചസാരയുടെ അളവനുസരിച്ച് മധുരപാനീയങ്ങൾക്കും വ്യത്യസ്ത നികുതി നിരക്കുകൾ ബാധകമാകും. ആരോഗ്യത്തിന് ഹാനികരമായ ഉൽപ്പന്നങ്ങളുടെ ഉപയോഗം കുറയ്ക്കുക, രാജ്യത്തിന്റെ എണ്ണയിതര വരുമാനം വർധിപ്പിക്കുക എന്നീ ലക്ഷ്യങ്ങളോടെയാണ് ഗൾഫ് സഹകരണ കൗൺസിലിന്റെ (ജിസിസി) ഏകീകൃത എക്സൈസ് തീരുവ കരാറും ഭേദഗതിയും സംബന്ധിച്ച നിയമത്തിന്റെ കരടിന് കുവൈത്ത് മന്ത്രിസഭ അംഗീകാരം നൽകിയത്. പുതിയ നികുതി സംവിധാനം നടപ്പിലാകുന്നതോടെ ഈ ഉൽപ്പന്നങ്ങളുടെ വില ഉയരുമെന്നാണ് പ്രതീക്ഷിക്കുന്നത്.

നികുതി പരിഷ്കരണത്തിലൂടെ പ്രതിവർഷം ഏകദേശം 20 കോടി കുവൈത്ത് ദിനാറിന്റെ അധിക വരുമാനം ലഭിക്കുമെന്നാണ് കണക്കുകൂട്ടൽ. ആരോഗ്യത്തിനും പരിസ്ഥിതിക്കും ഹാനികരമായ ഉൽപ്പന്നങ്ങൾക്കും ആഡംബര ഉൽപ്പന്നങ്ങൾക്കും നിശ്ചിത നിരക്കുകളിൽ നികുതി ചുമത്തുന്ന ഏകീകൃത സംവിധാനം ഗൾഫ് രാജ്യങ്ങളിൽ നടപ്പാക്കുകയാണ് കരാറിന്റെ പ്രധാന ലക്ഷ്യം. ജിസിസി രാജ്യങ്ങളിൽ നികുതിക്ക് വിധേയമായ ഉൽപ്പന്നങ്ങളുടെ പട്ടിക തയ്യാറാക്കുക, നികുതി നിരക്കുകൾ നിശ്ചയിക്കുക, ആവശ്യാനുസരണം അവയിൽ മാറ്റം വരുത്തുക തുടങ്ങിയ ചുമതലകൾ ഗൾഫ് രാജ്യങ്ങളിലെ സാമ്പത്തിക-ധനകാര്യ സഹകരണ സമിതിക്കാണ്. നികുതി ചുമത്തുന്നതിലും പിരിച്ചെടുക്കുന്നതിലും ഉൽപ്പന്നങ്ങളുടെ വിപണനം നിയന്ത്രിക്കുന്നതിലും അംഗരാജ്യങ്ങൾക്കിടയിൽ ഏകീകൃത ചട്ടക്കൂട് ഒരുക്കാനും പുതിയ സംവിധാനം ലക്ഷ്യമിടുന്നു.കുവൈത്തിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാകൂ https://chat.whatsapp.com/ENPscRffOwo5x6O0PjsEUa?s=cl&p=a&ilr=1

കുവൈത്തിലെ പുതിയ ജോലി അവസരങ്ങൾ അറിയുവാൻ ഇവിടെ ക്ലിക്ക് ചെയ്യുക

കുവൈറ്റ് ആകാശത്ത് മിസൈൽ ആക്രമണം; 24 മണിക്കൂറിനിടെ 5 ബാലിസ്റ്റിക് മിസൈലുകളും 7 ഡ്രോണുകളും വെടിവെച്ചിട്ട് വ്യോമപ്രതിരോധ സേന

കുവൈറ്റിന്റെ ആകാശപരിധി ലക്ഷ്യമിട്ടെത്തിയ വൻ വ്യോമാക്രമണ ശ്രമങ്ങളെ രാജ്യം വിജയകരമായി പ്രതിരോധിച്ചു. കഴിഞ്ഞ 24 മണിക്കൂറിനിടെ അഞ്ച് ബാലിസ്റ്റിക് മിസൈലുകളെയും ഏഴ് ഡ്രോണുകളെയുമാണ് കുവൈറ്റ് വ്യോമപ്രതിരോധ സേന ആകാശത്തുവെച്ച് തന്നെ തകർത്തത്. ശത്രുരാജ്യങ്ങളുടെ ഭാഗത്തുനിന്നുണ്ടായ പ്രകോപനങ്ങളെ അതിശക്തമായ രീതിയിൽ നേരിടാൻ രാജ്യത്തിന്റെ പ്രതിരോധ സംവിധാനങ്ങൾക്ക് സാധിച്ചു എന്നത് സൈന്യത്തിന്റെ കരുത്ത് തെളിയിക്കുന്ന ഒന്നായി മാറി. രാജ്യത്തെ തന്ത്രപ്രധാനമായ കേന്ദ്രങ്ങളെയും ജനവാസ മേഖലകളെയും ലക്ഷ്യമാക്കിയാണ് ഈ ആക്രമണങ്ങൾ ആസൂത്രണം ചെയ്തിരുന്നത്. എന്നാൽ അത്യാധുനികമായ റഡാർ സംവിധാനങ്ങളും മിസൈൽ പ്രതിരോധ കവചങ്ങളും കൃത്യസമയത്ത് പ്രവർത്തിച്ചതോടെ വലിയൊരു ദുരന്തമാണ് ഒഴിവായത്. വെടിവെച്ചിട്ട മിസൈലുകളുടെയും ഡ്രോണുകളുടെയും അവശിഷ്ടങ്ങൾ വിജനമായ പ്രദേശങ്ങളിൽ വീണതായാണ് റിപ്പോർട്ടുകൾ സൂചിപ്പിക്കുന്നത്. സംഭവത്തിൽ ആർക്കും പരിക്കേൽക്കുകയോ നാശനഷ്ടങ്ങൾ സംഭവിക്കുകയോ ചെയ്തിട്ടില്ലെന്ന് ഔദ്യോഗിക വൃത്തങ്ങൾ വ്യക്തമാക്കി. മേഖലയിൽ നിലനിൽക്കുന്ന സംഘർഷാവസ്ഥയുടെ പശ്ചാത്തലത്തിൽ കുവൈറ്റ് സൈന്യം അതീവ ജാഗ്രതയിലാണ്. ഏത് തരത്തിലുള്ള അപ്രതീക്ഷിത ആക്രമണങ്ങളെയും നേരിടാൻ രാജ്യം സുസജ്ജമാണെന്ന് സൈനിക വക്താവ് അറിയിച്ചു. അതിർത്തികളിലും ആകാശപരിധിയിലും നിരീക്ഷണം ശക്തമാക്കിയിരിക്കുകയാണ്. ജനങ്ങൾ പരിഭ്രാന്തരാകേണ്ടതില്ലെന്നും ഔദ്യോഗിക അറിയിപ്പുകൾ മാത്രം ശ്രദ്ധിക്കണമെന്നും അധികൃതർ നിർദ്ദേശിച്ചു. വരും ദിവസങ്ങളിലും സുരക്ഷാ പരിശോധനകളും നിരീക്ഷണങ്ങളും കർശനമായി തുടരാനാണ് പ്രതിരോധ മന്ത്രാലയത്തിന്റെ തീരുമാനം. കുവൈത്തിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാകൂ https://chat.whatsapp.com/ENPscRffOwo5x6O0PjsEUa?s=cl&p=a&ilr=1