Bungee jumping in Abu Dhabi; അബുദാബിയിലെ യാസ് ഐലൻഡിൽ വിനോദസഞ്ചാരികളെ ആവേശം കൊള്ളിച്ചുകൊണ്ട് പുതിയ ബൻജി ജമ്പിംഗ് സൗകര്യം ഒരുങ്ങുന്നു. നവംബർ ഒന്നിന് യാസ് ബേ വാട്ടർഫ്രണ്ടിലാണ് 50 മീറ്റർ ഉയരമുള്ള ഈ സാഹസിക വിനോദ കേന്ദ്രം പ്രവർത്തനമാരംഭിക്കുന്നത്. വാരിയർ ഗ്രൂപ്പിന്റെ നേതൃത്വത്തിൽ അന്താരാഷ്ട്ര സുരക്ഷാ മാനദണ്ഡങ്ങൾ പാലിച്ചാണ് ഈ കേന്ദ്രം സജ്ജീകരിച്ചിരിക്കുന്നത്. യാസ് ബേ വാട്ടർഫ്രണ്ടിന്റെ മനോഹരമായ കാഴ്ചകൾ ആസ്വദിച്ചുകൊണ്ട് ഒരു നിയന്ത്രിത ‘ഫ്രീ-ഫോൾ’ അനുഭവം ഇതിലൂടെ ലഭിക്കും. 299 ദിർഹം മുതലാണ് ടിക്കറ്റ് നിരക്ക് ആരംഭിക്കുന്നത്. യാസ് ഐലൻഡിനെ ഒരു ആഗോള വിനോദസഞ്ചാര കേന്ദ്രമായി നിലനിർത്തുന്നതിൽ ഇത്തരം സംരംഭങ്ങൾ വലിയ പങ്കുവഹിക്കുമെന്ന് മിറാൽ ചീഫ് പോർട്ട്‌ഫോളിയോ ഓഫീസർ ജോനാഥൻ ബ്രൗൺ പറഞ്ഞു. വാട്ടർഫ്രണ്ട് ലൊക്കേഷൻ ഈ വിനോദത്തിന് കൂടുതൽ മാറ്റ് കൂട്ടുന്നുവെന്ന് വാരിയർ ഗ്രൂപ്പ് സിഇഒ ട്രോയ് ഗില്ലാം കൂട്ടിച്ചേർത്തു.
ടിക്കറ്റ് നിരക്കുകൾ
- സോളോ ലീപ് (ഒരാൾക്ക്): പ്രവൃത്തിദിനങ്ങളിൽ 299 ദിർഹം, വാരാന്ത്യങ്ങളിൽ 350 ദിർഹം.
- ഡബിൾ ലീപ് (രണ്ടുപേർക്ക്): പ്രവൃത്തിദിനങ്ങളിൽ 540 ദിർഹം, വാരാന്ത്യങ്ങളിൽ 630 ദിർഹം.
- സ്ക്വാഡ് ലീപ് (നാലുപേർക്ക്): പ്രവൃത്തിദിനങ്ങളിൽ 1,020 ദിർഹം, വാരാന്ത്യങ്ങളിൽ 1,190 ദിർഹം.
- യാസ് ആനുവൽ പാസ് ഉടമകൾക്ക് സോളോ ലീപ് ടിക്കറ്റുകളിൽ 20 ശതമാനം ഇളവ് ലഭിക്കും.
ചൊവ്വ മുതൽ ഞായർ വരെ ഉച്ചയ്ക്ക് 1 മണി മുതൽ രാത്രി 10 മണി വരെയാണ് പ്രവർത്തന സമയം. ഓരോ 15 മിനിറ്റിലും ജമ്പിംഗ് സെഷനുകൾ ഉണ്ടായിരിക്കും. 16 വയസ്സിന് മുകളിലുള്ളവർക്ക് മാത്രമേ പ്രവേശനമുള്ളൂ. 18 വയസ്സിൽ താഴെയുള്ളവർക്ക് രക്ഷിതാക്കളുടെ അനുമതി നിർബന്ധമാണ്. 40 കിലോ മുതൽ 105 കിലോ വരെ ഭാരമുള്ളവർക്കാണ് അനുമതി. ഓരോ ചാട്ടത്തിന് മുമ്പും പ്രൊഫഷണൽ സംഘം സുരക്ഷാ പരിശോധനകളും നിർദ്ദേശങ്ങളും നൽകും. നവംബർ 1 മുതൽ ഡിസംബർ 3 വരെയാണ് ഈ സീസൺ. പിന്നീട് 2027 ജനുവരി 10 മുതൽ ഫെബ്രുവരി 28 വരെ രണ്ടാം സീസണും ആരംഭിക്കും. ബുക്കിംഗുകൾക്ക് abu-dhabi.platinumlist.net സന്ദർശിക്കാവുന്നതാണ്. ജമ്പിംഗിനൊപ്പം യാസ് ബേയിലെ റസ്റ്റോറന്റുകളും മറ്റ് വിനോദങ്ങളും ആസ്വദിക്കാനുള്ള അവസരവും ഇവിടെയുണ്ട്. യുഎഇയിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാവുക https://chat.whatsapp.com/Dbf59JLetgBECJpr5UZOuZ?mode=gi_t
‘സ്ഫോടന ശബ്ദ’മുണ്ടാക്കുന്ന വാഹനങ്ങൾക്കെതിരെ യുഎഇയിൽ കർശന നടപടി; പിഴയും 12 ബ്ലാക്ക് പോയിന്റും
ജനവാസ മേഖലകളിൽ അർദ്ധരാത്രിയിൽ സ്ഫോടനത്തിന് സമാനമായ ശബ്ദമുണ്ടാക്കി ജനങ്ങളിൽ പരിഭ്രാന്തി സൃഷ്ടിക്കുന്ന വിധത്തിൽ നിയമവിരുദ്ധമായി രൂപമാറ്റം വരുത്തിയ കാറുകളുടെയും മോട്ടോർ സൈക്കിളുകളുടെയും യുഎഇ പോലീസ് കർശന നടപടികൾ ആരംഭിച്ചു. മേഖലയിലെ സംഘർഷാവസ്ഥ വാർത്തകളിൽ നിറഞ്ഞുനിൽക്കുന്ന സാഹചര്യത്തിൽ ഇത്തരം വാഹനങ്ങളിൽ നിന്നുണ്ടാകുന്ന ‘ബാക്ക് ഫയർ’ ശബ്ദങ്ങൾ പലരും മിസൈൽ ആക്രമണമോ സ്ഫോടനമോ ആണെന്ന് തെറ്റിദ്ധരിച്ച് ഭീതിയിലായിരുന്നുവെന്ന് അധികൃതർ വ്യക്തമാക്കി. എഞ്ചിനുകളിൽ മാറ്റം വരുത്തി ഉദ്ദേശപൂർവ്വം ശക്തമായ ശബ്ദമുണ്ടാക്കുന്നത് പ്രധാനമായും കൗമാരക്കാരും യുവാക്കളുമാണെന്ന് അന്വേഷണത്തിൽ കണ്ടെത്തിയതായി പോലീസ് അറിയിച്ചു. റിപ്പോർട്ട് ചെയ്യപ്പെട്ട ശബ്ദങ്ങൾ വാഹനങ്ങളിൽ നിന്നുള്ളതാണെന്നും രാജ്യത്തിന്റെ സുരക്ഷയെ ബാധിക്കുന്ന യാതൊരു ഭീഷണിയും നിലവിലില്ലെന്നും അധികൃതർ ജനങ്ങളെ ആശ്വസിപ്പിച്ചു. യുഎഇ പൂർണ്ണമായും സുരക്ഷിതമാണെന്നും പോലീസ് വ്യക്തമാക്കി. ദുബായ്, ഷാർജ തുടങ്ങിയ എമിറേറ്റുകളിലെ ജനവാസ പ്രദേശങ്ങളിൽ രാത്രികാല പോലീസ് പട്രോളിംഗ് ശക്തമാക്കിയിട്ടുണ്ട്. യുഎഇ ട്രാഫിക് നിയമപ്രകാരം അമിത ശബ്ദമുണ്ടാക്കുന്ന വാഹനങ്ങൾ ഓടിക്കുന്നവർക്ക് 2000 ദിർഹം പിഴയും 12 ബ്ലാക്ക് പോയിന്റുകളും ലഭിക്കും. കൂടാതെ വാഹനം പോലീസ് പിടിച്ചെടുക്കുകയും ചെയ്യും. അനധികൃതമായി രൂപമാറ്റം വരുത്തിയ വാഹനങ്ങൾ തിരികെ ലഭിക്കാൻ 10,000 ദിർഹം വരെ ഫീസ് നൽകേണ്ടിവരുമെന്നും അധികൃതർ അറിയിച്ചു. ഈ നടപടി കർശനമായി നടപ്പാക്കുന്നതിന് ദുബായ് പോലീസ് ഓപ്പറേഷൻസ് അസിസ്റ്റന്റ് കമാൻഡർ-ഇൻ-ചീഫ് മേജർ ജനറൽ സെയ്ഫ് മുഹൈർ അൽ മസ്‌റൂയിയും ഷാർജ പോലീസ് സെൻട്രൽ റീജിയൻ ഡയറക്ടർ ബ്രിഗേഡിയർ ഖലീഫ അൽ ഖസൂനിയും നേതൃത്വമൊരുക്കുന്നുണ്ട്. കുട്ടികൾ വാഹനങ്ങളിൽ അനധികൃത മാറ്റങ്ങൾ വരുത്തുന്നില്ലെന്ന് മാതാപിതാക്കൾ ശ്രദ്ധിക്കണമെന്നും അധികൃതർ അഭ്യർത്ഥിച്ചു. ഇത്തരം ശബ്ദശല്യം ഉണ്ടാക്കുന്ന വാഹനങ്ങളെക്കുറിച്ച് ഔദ്യോഗിക ചാനലുകൾ വഴി പോലീസിനെ അറിയിക്കണമെന്നും പൊതുജനങ്ങളോട് നിർദേശിച്ചിട്ടുണ്ട്. മേഖലയിലെ നിലവിലെ സാഹചര്യം പരിഗണിച്ച് ജനങ്ങളുടെ സമാധാനവും സുരക്ഷയും ഉറപ്പാക്കുക എന്ന ലക്ഷ്യത്തോടെയാണ് ഈ നടപടികൾ ശക്തമാക്കിയതെന്നും പോലീസ് അറിയിച്ചു. പോലീസിന്റെ ഈ ഇടപെടലിനെ പ്രവാസികളും സ്വദേശികളും സ്വാഗതം ചെയ്തിട്ടുണ്ട്.യുഎഇയിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാവുhttps://chat.whatsapp.com/Dbf59JLetgBECJpr5UZOuZ?mode=gi_t
