അബുദാബി ബിഗ് ടിക്കറ്റിന്റെ ഏറ്റവും പുതിയ നറുക്കെടുപ്പിൽ 20 മില്യൻ ദിർഹം (20 കോടി ദിർഹം) വരുന്ന ബംപർ ഒന്നാം സമ്മാനം ഫിലിപ്പീൻസ് സ്വദേശിനിയായ ബെർണാഡെറ്റ അസൂസീന സ്വന്തമാക്കി. തത്സമയ നറുക്കെടുപ്പിലാണ് വിജയിയെ പ്രഖ്യാപിച്ചത്. 42കാരിയായ ബെർണാഡെറ്റ മുൻപ് യുഎഇയിൽ സെക്രട്ടറിയായി ജോലി ചെയ്തിരുന്നു. കൈയ്ക്ക് ശസ്ത്രക്രിയ ആവശ്യമായതിനെ തുടർന്ന് കഴിഞ്ഞ വർഷം ഫിലിപ്പീൻസിലേക്ക് മടങ്ങിയെങ്കിലും ഭർത്താവ് ഇപ്പോഴും യുഎഇയിൽ ജോലി തുടരുകയാണ്. 22 സുഹൃത്തുക്കൾ അടങ്ങുന്ന സംഘത്തോടൊപ്പമാണ് 2017 മുതൽ ബെർണാഡെറ്റ ബിഗ് ടിക്കറ്റ് എടുക്കുന്നത്. ഓരോ നറുക്കെടുപ്പിലും സംഘത്തിലെ ഓരോരുത്തരുടെ പേരിൽ മാറിമാറിയാണ് ടിക്കറ്റ് രജിസ്റ്റർ ചെയ്യുന്നത്. ഇത്തവണ ബെർണാഡെറ്റയുടെ പേരിൽ എടുത്ത ടിക്കറ്റിനാണ് കോടികളുടെ ഭാഗ്യം ലഭിച്ചത്.

ഫിലിപ്പീൻസ് സമയം പുലർച്ചെ ഒന്നരയോടെ സംഘാടകരുടെ ഫോൺ സന്ദേശം എത്തിയപ്പോൾ ബെർണാഡെറ്റ ഉറക്കത്തിലായിരുന്നു. സന്ദേശം ശ്രദ്ധിക്കാതെ പോയ അവർക്ക് പിന്നീട് ഭർത്താവിന്റെ വീഡിയോ കോൾ വഴിയാണ് 20 കോടി ദിർഹത്തിന്റെ ജാക്ക്പോട്ട് ലഭിച്ച വിവരം അറിയുന്നത്. ആദ്യം സംഭവിച്ചത് വിശ്വസിക്കാനായില്ലെന്നും സ്വപ്നം കാണുകയാണെന്നാണ് കരുതിയതെന്നും ബെർണാഡെറ്റ പ്രതികരിച്ചു. ലഭിച്ച 20 കോടി ദിർഹത്തിന്റെ സമ്മാനത്തുക 22 അംഗ സംഘത്തിനിടയിൽ പങ്കിടും. ഫിലിപ്പീൻസിലെ വീടിന്റെ വായ്പ അടച്ചുതീർക്കാനാണ് തന്റെ സമ്മാനത്തുക ഉപയോഗിക്കുകയെന്നും ബെർണാഡെറ്റ അറിയിച്ചു. അതേസമയം, ബിഗ് ടിക്കറ്റിന്റെ ഡ്രീം കാർ നറുക്കെടുപ്പിൽ 032021 എന്ന ടിക്കറ്റ് നമ്പറിലൂടെ യുഎഇയിൽ താമസിക്കുന്ന വസീം ഖാന് പുതിയ നിസാൻ പട്രോൾ സമ്മാനമായി ലഭിച്ചു.യുഎഇയിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാവുക https://chat.whatsapp.com/Dbf59JLetgBECJpr5UZOuZ?mode=gi_t

‘സ്ഫോടന ശബ്ദ’മുണ്ടാക്കുന്ന വാഹനങ്ങൾക്കെതിരെ യുഎഇയിൽ കർശന നടപടി; പിഴയും 12 ബ്ലാക്ക് പോയിന്റും

ജനവാസ മേഖലകളിൽ അർദ്ധരാത്രിയിൽ സ്ഫോടനത്തിന് സമാനമായ ശബ്ദമുണ്ടാക്കി ജനങ്ങളിൽ പരിഭ്രാന്തി സൃഷ്ടിക്കുന്ന വിധത്തിൽ നിയമവിരുദ്ധമായി രൂപമാറ്റം വരുത്തിയ കാറുകളുടെയും മോട്ടോർ സൈക്കിളുകളുടെയും യുഎഇ പോലീസ് കർശന നടപടികൾ ആരംഭിച്ചു. മേഖലയിലെ സംഘർഷാവസ്ഥ വാർത്തകളിൽ നിറഞ്ഞുനിൽക്കുന്ന സാഹചര്യത്തിൽ ഇത്തരം വാഹനങ്ങളിൽ നിന്നുണ്ടാകുന്ന ‘ബാക്ക് ഫയർ’ ശബ്ദങ്ങൾ പലരും മിസൈൽ ആക്രമണമോ സ്ഫോടനമോ ആണെന്ന് തെറ്റിദ്ധരിച്ച് ഭീതിയിലായിരുന്നുവെന്ന് അധികൃതർ വ്യക്തമാക്കി. എഞ്ചിനുകളിൽ മാറ്റം വരുത്തി ഉദ്ദേശപൂർവ്വം ശക്തമായ ശബ്ദമുണ്ടാക്കുന്നത് പ്രധാനമായും കൗമാരക്കാരും യുവാക്കളുമാണെന്ന് അന്വേഷണത്തിൽ കണ്ടെത്തിയതായി പോലീസ് അറിയിച്ചു. റിപ്പോർട്ട് ചെയ്യപ്പെട്ട ശബ്ദങ്ങൾ വാഹനങ്ങളിൽ നിന്നുള്ളതാണെന്നും രാജ്യത്തിന്റെ സുരക്ഷയെ ബാധിക്കുന്ന യാതൊരു ഭീഷണിയും നിലവിലില്ലെന്നും അധികൃതർ ജനങ്ങളെ ആശ്വസിപ്പിച്ചു. യുഎഇ പൂർണ്ണമായും സുരക്ഷിതമാണെന്നും പോലീസ് വ്യക്തമാക്കി. ദുബായ്, ഷാർജ തുടങ്ങിയ എമിറേറ്റുകളിലെ ജനവാസ പ്രദേശങ്ങളിൽ രാത്രികാല പോലീസ് പട്രോളിംഗ് ശക്തമാക്കിയിട്ടുണ്ട്. യുഎഇ ട്രാഫിക് നിയമപ്രകാരം അമിത ശബ്ദമുണ്ടാക്കുന്ന വാഹനങ്ങൾ ഓടിക്കുന്നവർക്ക് 2000 ദിർഹം പിഴയും 12 ബ്ലാക്ക് പോയിന്റുകളും ലഭിക്കും. കൂടാതെ വാഹനം പോലീസ് പിടിച്ചെടുക്കുകയും ചെയ്യും. അനധികൃതമായി രൂപമാറ്റം വരുത്തിയ വാഹനങ്ങൾ തിരികെ ലഭിക്കാൻ 10,000 ദിർഹം വരെ ഫീസ് നൽകേണ്ടിവരുമെന്നും അധികൃതർ അറിയിച്ചു. ഈ നടപടി കർശനമായി നടപ്പാക്കുന്നതിന് ദുബായ് പോലീസ് ഓപ്പറേഷൻസ് അസിസ്റ്റന്റ് കമാൻഡർ-ഇൻ-ചീഫ് മേജർ ജനറൽ സെയ്ഫ് മുഹൈർ അൽ മസ്‌റൂയിയും ഷാർജ പോലീസ് സെൻട്രൽ റീജിയൻ ഡയറക്ടർ ബ്രിഗേഡിയർ ഖലീഫ അൽ ഖസൂനിയും നേതൃത്വമൊരുക്കുന്നുണ്ട്. കുട്ടികൾ വാഹനങ്ങളിൽ അനധികൃത മാറ്റങ്ങൾ വരുത്തുന്നില്ലെന്ന് മാതാപിതാക്കൾ ശ്രദ്ധിക്കണമെന്നും അധികൃതർ അഭ്യർത്ഥിച്ചു. ഇത്തരം ശബ്ദശല്യം ഉണ്ടാക്കുന്ന വാഹനങ്ങളെക്കുറിച്ച് ഔദ്യോഗിക ചാനലുകൾ വഴി പോലീസിനെ അറിയിക്കണമെന്നും പൊതുജനങ്ങളോട് നിർദേശിച്ചിട്ടുണ്ട്. മേഖലയിലെ നിലവിലെ സാഹചര്യം പരിഗണിച്ച് ജനങ്ങളുടെ സമാധാനവും സുരക്ഷയും ഉറപ്പാക്കുക എന്ന ലക്ഷ്യത്തോടെയാണ് ഈ നടപടികൾ ശക്തമാക്കിയതെന്നും പോലീസ് അറിയിച്ചു. പോലീസിന്റെ ഈ ഇടപെടലിനെ പ്രവാസികളും സ്വദേശികളും സ്വാഗതം ചെയ്തിട്ടുണ്ട്.യുഎഇയിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാവുhttps://chat.whatsapp.com/Dbf59JLetgBECJpr5UZOuZ?mode=gi_t