Astronomical Events in Kuwait ഒക്ടോബർ മാസത്തിൽ കുവൈറ്റിന്റെ ആകാശത്ത് വാനനിരീക്ഷകരെയും പ്രപഞ്ചപ്രേമികളെയും ഒരുപോലെ ആവേശം കൊള്ളിക്കുന്ന പത്തോളം അപൂർവ്വ ആകാശക്കാഴ്ചകൾക്ക് വഴിയൊരുങ്ങുന്നു. ശനി ഗ്രഹത്തിന്റെ അതീവ തെളിഞ്ഞ കാഴ്ച, ഗ്രഹങ്ങളും ചന്ദ്രനും തമ്മിലുള്ള അപൂർവ്വ സമാഗമങ്ങൾ, ഇരട്ട ഉൽക്കാവർഷങ്ങൾ, പ്രശസ്തമായ ‘ഹണ്ടേഴ്‌സ് മൂൺ’ പൗർണമി എന്നിവ ഉൾപ്പെടെയുള്ള അത്ഭുതക്കാഴ്ചകൾക്ക് ഈ മാസം ആകാശം സാക്ഷിയാകുമെന്ന് അൽ-അജീരി സയന്റിഫിക് സെന്റർ വ്യക്തമാക്കി.

ഒക്ടോബറിലെ പ്രധാന ആകാശക്കാഴ്ചകളുടെ സമയക്രമം:

ഒക്ടോബർ 4 – ശനി ഗ്രഹത്തിന്റെ തെളിഞ്ഞ കാഴ്ച: ശനി ഗ്രഹം ഭൂമിക്ക് അഭിമുഖമായി ഏറ്റവും അടുത്തായി എത്തുന്നതിനാൽ സൂര്യാസ്തമയം മുതൽ സൂര്യോദയം വരെ ശനിയെ ആകാശത്ത് വളരെ വ്യക്തമായി കാണാം.

ഒക്ടോബർ 5 – ചന്ദ്രനും ചൊവ്വയും ഒന്നിച്ചു വരുന്നു: ചന്ദ്രൻ ചൊവ്വാ ഗ്രഹത്തിന് തൊട്ടടുത്തായി സഞ്ചരിക്കുന്നത് ആകാശത്ത് മനോഹരമായ കാഴ്ചയൊരുക്കും.

ഒക്ടോബർ 8, 9 – ഡ്രാക്കോണിഡ് ഉൽക്കാവർഷം (Draconid Meteor Shower): ഈ ദിവസങ്ങളിൽ രാത്രി ആകാശത്ത് ഡ്രാക്കോണിഡ് ഉൽക്കാവർഷം അതിന്റെ അوجത്തിലായിരിക്കും.

ഒക്ടോബർ 12 – ബുധന്റെ അപൂർവ്വ സ്ഥാനം: ബുധൻ ഗ്രഹം ഭൂമിയിൽ നിന്നുള്ള വീക്ഷണത്തിൽ ഏറ്റവും കിഴക്കൻ സ്ഥാനത്ത് (Greatest Eastern Elongation) എത്തും.

ഒക്ടോബർ 21, 22 – ഓറിയോണിഡ് ഉൽക്കാവർഷം (Orionid Meteor Shower): വർഷത്തിൽ നടക്കാറുള്ള ഏറ്റവും ജനപ്രിയമായ ഓറിയോണിഡ് ഉൽക്കാ മഴ ഈ ദിവസങ്ങളിൽ ആകാശത്ത് ദൃശ്യമാകും.

ഒക്ടോബർ 24 – ചന്ദ്രനും ശനിയും: ചന്ദ്രൻ ശനി ഗ്രഹത്തിന് വളരെ അടുത്തായി കാണപ്പെടും.

ഒക്ടോബർ 26 – ‘ഹണ്ടേഴ്‌‌സ് മൂൺ’ (Hunter’s Moon): ഒക്ടോബറിലെ പൂർണ്ണ ചന്ദ്രൻ അഥവാ പൗർണമി ആകാശത്ത് തെളിയും. പരമ്പരാഗതമായി ഇത് ‘ഹണ്ടേഴ്‌സ് മൂൺ’ എന്നാണ് അറിയപ്പെടുന്നത്.

ഒക്ടോബർ 28 – പ്ലിയേഡ്സ് നക്ഷത്രക്കൂട്ടം (Pleiades Star Cluster): ചന്ദ്രൻ പ്ലിയേഡ്സ് (കാർത്തിക) നക്ഷത്രക്കൂട്ടത്തോട് ചേർന്ന് കാണപ്പെടും.