GDRFA Dubai survey; വീസ, താമസാനുമതി, പ്രവേശനാനുമതി തുടങ്ങിയ സുപ്രധാന സേവനങ്ങൾ കൂടുതൽ വേഗത്തിലും സുഗമമായും പൊതുജനങ്ങളിലേക്ക് എത്തിക്കുന്നതിനായി ഉപയോക്താക്കളുടെ നിർദേശങ്ങളും അഭിപ്രായങ്ങളും തേടി ദുബായ് ജനറൽ ഡയറക്ടറേറ്റ് ഓഫ് റസിഡൻസി ആൻഡ് ഫോറിനേഴ്സ് അഫയേഴ്സ് (ജിഡിആർഎഫ്എ). വകുപ്പിന്റെ പ്രവർത്തനമികവും സേവനങ്ങളുടെ ഗുണനിലവാരവും വിലയിരുത്തുന്നതിനായി ‘ഇൻസ്റ്റിറ്റ്യൂഷനൽ റപ്യൂട്ടേഷൻ സർവേ’ എന്ന പേരിലാണ് നിലവിൽ പൊതുജനാഭിപ്രായം ശേഖരിക്കുന്നത്. ഉപയോക്താക്കളിൽ നിന്ന് നേരിട്ട് ലഭിക്കുന്ന നിർദേശങ്ങൾ ഭാവിയിലെ വികസന പ്രവർത്തനങ്ങളിലും നവീകരണങ്ങളിലും പ്രയോജനപ്പെടുത്തുകയാണ് ഇതിലൂടെ ലക്ഷ്യമിടുന്നത്. ദുബായിൽ താമസിക്കുന്ന പ്രവാസികൾക്കും സന്ദർശകർക്കും സർവേയിൽ പങ്കെടുക്കാൻ വെറും ഒരു മിനിറ്റ് സമയം മാത്രം മാറ്റിവെച്ചാൽ മതിയെന്ന് ജിഡിആർഎഫ്എ അറിയിച്ചു. അറബിക്, ഇംഗ്ലീഷ് ഭാഷകളിൽ ലഭ്യമാക്കിയിട്ടുള്ള സർവേയിലൂടെ തങ്ങൾക്ക് ലഭിച്ച സേവനാനുഭവങ്ങൾ, നടപടിക്രമങ്ങളിലെ എളുപ്പം, സേവനങ്ങളിൽ ഇനിയും വരുത്തേണ്ട മാറ്റങ്ങൾ, സ്ഥാപനത്തെക്കുറിച്ചുള്ള പൊതുവായ കാഴ്ചപ്പാടുകൾ എന്നിവ ജനങ്ങൾക്ക് തുറന്നു പങ്കുവെക്കാം. ജനങ്ങളുടെ ഭാഗത്തുനിന്നുള്ള കൃത്യമായ പ്രതികരണങ്ങൾ വിലയിരുത്തി സേവനങ്ങളുടെ നിലവാരം ഇനിയും ഉയർത്താൻ സാധിക്കുമെന്ന് അധികൃതർ വ്യക്തമാക്കി. സർവേയിൽ പങ്കാളികളാകുന്നവരുടെ വ്യക്തിഗത വിവരങ്ങൾ തികച്ചും രഹസ്യമായി സൂക്ഷിക്കുമെന്നും അധികൃതർ ഉറപ്പുനൽകുന്നുണ്ട്. വകുപ്പിന്റെ ഔദ്യോഗിക ബ്രോഷറുകളിലുള്ള ക്യുആർ കോഡ് സ്കാൻ ചെയ്തോ ഓൺലൈൻ ലിങ്ക് വഴിയോ പൊതുജനങ്ങൾക്ക് വളരെ എളുപ്പത്തിൽ ഈ സർവേയിൽ പങ്കാളികളാകാം. യുഎഇയിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാവുക https://chat.whatsapp.com/Dbf59JLetgBECJpr5UZOuZ?mode=gi_t

‘സ്ഫോടന ശബ്ദ’മുണ്ടാക്കുന്ന വാഹനങ്ങൾക്കെതിരെ യുഎഇയിൽ കർശന നടപടി; പിഴയും 12 ബ്ലാക്ക് പോയിന്റും

ജനവാസ മേഖലകളിൽ അർദ്ധരാത്രിയിൽ സ്ഫോടനത്തിന് സമാനമായ ശബ്ദമുണ്ടാക്കി ജനങ്ങളിൽ പരിഭ്രാന്തി സൃഷ്ടിക്കുന്ന വിധത്തിൽ നിയമവിരുദ്ധമായി രൂപമാറ്റം വരുത്തിയ കാറുകളുടെയും മോട്ടോർ സൈക്കിളുകളുടെയും യുഎഇ പോലീസ് കർശന നടപടികൾ ആരംഭിച്ചു. മേഖലയിലെ സംഘർഷാവസ്ഥ വാർത്തകളിൽ നിറഞ്ഞുനിൽക്കുന്ന സാഹചര്യത്തിൽ ഇത്തരം വാഹനങ്ങളിൽ നിന്നുണ്ടാകുന്ന ‘ബാക്ക് ഫയർ’ ശബ്ദങ്ങൾ പലരും മിസൈൽ ആക്രമണമോ സ്ഫോടനമോ ആണെന്ന് തെറ്റിദ്ധരിച്ച് ഭീതിയിലായിരുന്നുവെന്ന് അധികൃതർ വ്യക്തമാക്കി. എഞ്ചിനുകളിൽ മാറ്റം വരുത്തി ഉദ്ദേശപൂർവ്വം ശക്തമായ ശബ്ദമുണ്ടാക്കുന്നത് പ്രധാനമായും കൗമാരക്കാരും യുവാക്കളുമാണെന്ന് അന്വേഷണത്തിൽ കണ്ടെത്തിയതായി പോലീസ് അറിയിച്ചു. റിപ്പോർട്ട് ചെയ്യപ്പെട്ട ശബ്ദങ്ങൾ വാഹനങ്ങളിൽ നിന്നുള്ളതാണെന്നും രാജ്യത്തിന്റെ സുരക്ഷയെ ബാധിക്കുന്ന യാതൊരു ഭീഷണിയും നിലവിലില്ലെന്നും അധികൃതർ ജനങ്ങളെ ആശ്വസിപ്പിച്ചു. യുഎഇ പൂർണ്ണമായും സുരക്ഷിതമാണെന്നും പോലീസ് വ്യക്തമാക്കി. ദുബായ്, ഷാർജ തുടങ്ങിയ എമിറേറ്റുകളിലെ ജനവാസ പ്രദേശങ്ങളിൽ രാത്രികാല പോലീസ് പട്രോളിംഗ് ശക്തമാക്കിയിട്ടുണ്ട്. യുഎഇ ട്രാഫിക് നിയമപ്രകാരം അമിത ശബ്ദമുണ്ടാക്കുന്ന വാഹനങ്ങൾ ഓടിക്കുന്നവർക്ക് 2000 ദിർഹം പിഴയും 12 ബ്ലാക്ക് പോയിന്റുകളും ലഭിക്കും. കൂടാതെ വാഹനം പോലീസ് പിടിച്ചെടുക്കുകയും ചെയ്യും. അനധികൃതമായി രൂപമാറ്റം വരുത്തിയ വാഹനങ്ങൾ തിരികെ ലഭിക്കാൻ 10,000 ദിർഹം വരെ ഫീസ് നൽകേണ്ടിവരുമെന്നും അധികൃതർ അറിയിച്ചു. ഈ നടപടി കർശനമായി നടപ്പാക്കുന്നതിന് ദുബായ് പോലീസ് ഓപ്പറേഷൻസ് അസിസ്റ്റന്റ് കമാൻഡർ-ഇൻ-ചീഫ് മേജർ ജനറൽ സെയ്ഫ് മുഹൈർ അൽ മസ്‌റൂയിയും ഷാർജ പോലീസ് സെൻട്രൽ റീജിയൻ ഡയറക്ടർ ബ്രിഗേഡിയർ ഖലീഫ അൽ ഖസൂനിയും നേതൃത്വമൊരുക്കുന്നുണ്ട്. കുട്ടികൾ വാഹനങ്ങളിൽ അനധികൃത മാറ്റങ്ങൾ വരുത്തുന്നില്ലെന്ന് മാതാപിതാക്കൾ ശ്രദ്ധിക്കണമെന്നും അധികൃതർ അഭ്യർത്ഥിച്ചു. ഇത്തരം ശബ്ദശല്യം ഉണ്ടാക്കുന്ന വാഹനങ്ങളെക്കുറിച്ച് ഔദ്യോഗിക ചാനലുകൾ വഴി പോലീസിനെ അറിയിക്കണമെന്നും പൊതുജനങ്ങളോട് നിർദേശിച്ചിട്ടുണ്ട്. മേഖലയിലെ നിലവിലെ സാഹചര്യം പരിഗണിച്ച് ജനങ്ങളുടെ സമാധാനവും സുരക്ഷയും ഉറപ്പാക്കുക എന്ന ലക്ഷ്യത്തോടെയാണ് ഈ നടപടികൾ ശക്തമാക്കിയതെന്നും പോലീസ് അറിയിച്ചു. പോലീസിന്റെ ഈ ഇടപെടലിനെ പ്രവാസികളും സ്വദേശികളും സ്വാഗതം ചെയ്തിട്ടുണ്ട്.യുഎഇയിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാവുhttps://chat.whatsapp.com/Dbf59JLetgBECJpr5UZOuZ?mode=gi_t