UAE autumn season;ഈ വർഷത്തെ ശരത്കാല സീസൺ സെപ്റ്റംബർ 23 ബുധനാഴ്ച ആരംഭിക്കുമെന്ന് ജ്യോതിശാസ്ത്ര കണക്കുകൂട്ടലുകൾ പ്രകാരം പ്രമുഖ ഔദ്യോഗിക വൃത്തങ്ങൾ അറിയിച്ചു. കടുത്ത വേനൽച്ചൂടിൽ നിന്ന് താമസക്കാർക്ക് ആശ്വാസമായി പുലർച്ചെ 4:05-നാണ് പുതിയ സീസൺ ആരംഭിക്കുന്നത്. ഈ സമയത്ത് മിഥുനം, ഇടവം, ചിങ്ങം തുടങ്ങിയ നക്ഷത്രസമൂഹങ്ങൾ ആകാശത്തിന്റെ കിഴക്കുഭാഗത്ത് ദൃശ്യമാകും. എമിറേറ്റ്സ് അസ്ട്രോണമിക്കൽ സൊസൈറ്റി ബോർഡ് ഓഫ് ഡയറക്ടേഴ്സ് ചെയർമാനും അറബ് യൂണിയൻ ഫോർ അസ്ട്രോണമിക്കൽ ആൻഡ് സ്പേസ് സയൻസസ് അംഗവുമായ ഇബ്രാഹിം അൽ ജർവാൻ നൽകിയ വിവരമനുസരിച്ച്, ഒക്ടോബർ പകുതിയോടെ ശീതകാല മേഘങ്ങൾ എത്തിച്ചേരുകയും ശരത്കാലത്തിന്റെ മധ്യത്തോടെ മഴയ്ക്കുള്ള സാധ്യത വർദ്ധിക്കുകയും ചെയ്യും. ശരത്കാലത്തിന്റെ തുടക്കത്തിൽ ശരാശരി ഉയർന്ന താപനില 39 ഡിഗ്രി സെൽഷ്യസും കുറഞ്ഞ താപനില 26 ഡിഗ്രി സെൽഷ്യസുമായിരിക്കും. നവംബർ ആദ്യം സീസണിന്റെ മധ്യത്തിൽ താപനില ഉയർന്നത് 31 ഡിഗ്രി സെൽഷ്യസ് വരെയും കുറഞ്ഞത് 18 ഡിഗ്രി സെൽഷ്യസ് വരെയും എത്തും. ഡിസംബർ 22-ലെ ശീതകാല അയനത്തോടനുബന്ധിച്ച് സീസണിന്റെ അവസാനത്തോടെ താപനില ഉയർന്നത് 25 ഡിഗ്രി സെൽഷ്യസിലേക്കും കുറഞ്ഞത് 13 ഡിഗ്രി സെൽഷ്യസിലേക്കും താഴുമെന്നാണ് പ്രവചനം. കൂടാതെ, ശരത്കാലത്തിന്റെ ആദ്യ പകുതിയിൽ ഈർപ്പം വർദ്ധിക്കാനും അതിരാവിലെ മൂടൽമഞ്ഞ് രൂപപ്പെടാനും സാധ്യതയുണ്ട്.

അറേബ്യൻ ഉപദ്വീപിലുടനീളം കൃഷിയിറക്കാൻ ഏറ്റവും അനുയോജ്യമായ സമയമാണ് ശരത്കാലത്തിന്റെ ആദ്യ പകുതിയെന്ന് ഇബ്രാഹിം അൽ ജർവാൻ വാമിനോട് പറഞ്ഞു. ഈ സമയത്താണ് തൈകൾ നടുന്നതും വിത്തുകൾ പാകുന്നതുമെല്ലാം. സൂര്യൻ ഭൂമധ്യരേഖയ്ക്ക് ലംബമായി വന്ന് തെക്കോട്ട് നീങ്ങുമ്പോഴാണ് ജ്യോതിശാസ്ത്രപരമായി ശരത്കാല വിഷുവം സംഭവിക്കുന്നത്. ഇതുമൂലം രാവും പകലും തുല്യസമയമായിരിക്കും.
വിഷുവം കഴിഞ്ഞ് ഒരു ആഴ്ചയ്ക്കുള്ളിൽ പകൽ സമയം കുറഞ്ഞ് രാത്രിയുടെ ദൈർഘ്യം വർദ്ധിക്കാൻ തുടങ്ങും. സീസണിന്റെ തുടക്കത്തിൽ യുഎഇയിലെ ഉച്ചസ്ഥായിയിലുള്ള നിഴലിന്റെ നീളം മാറുകയുകയും ചെയ്യും. യുഎഇയിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാവുക https://chat.whatsapp.com/Dbf59JLetgBECJpr5UZOuZ?mode=gi_t

‘സ്ഫോടന ശബ്ദ’മുണ്ടാക്കുന്ന വാഹനങ്ങൾക്കെതിരെ യുഎഇയിൽ കർശന നടപടി; പിഴയും 12 ബ്ലാക്ക് പോയിന്റും

ജനവാസ മേഖലകളിൽ അർദ്ധരാത്രിയിൽ സ്ഫോടനത്തിന് സമാനമായ ശബ്ദമുണ്ടാക്കി ജനങ്ങളിൽ പരിഭ്രാന്തി സൃഷ്ടിക്കുന്ന വിധത്തിൽ നിയമവിരുദ്ധമായി രൂപമാറ്റം വരുത്തിയ കാറുകളുടെയും മോട്ടോർ സൈക്കിളുകളുടെയും യുഎഇ പോലീസ് കർശന നടപടികൾ ആരംഭിച്ചു. മേഖലയിലെ സംഘർഷാവസ്ഥ വാർത്തകളിൽ നിറഞ്ഞുനിൽക്കുന്ന സാഹചര്യത്തിൽ ഇത്തരം വാഹനങ്ങളിൽ നിന്നുണ്ടാകുന്ന ‘ബാക്ക് ഫയർ’ ശബ്ദങ്ങൾ പലരും മിസൈൽ ആക്രമണമോ സ്ഫോടനമോ ആണെന്ന് തെറ്റിദ്ധരിച്ച് ഭീതിയിലായിരുന്നുവെന്ന് അധികൃതർ വ്യക്തമാക്കി. എഞ്ചിനുകളിൽ മാറ്റം വരുത്തി ഉദ്ദേശപൂർവ്വം ശക്തമായ ശബ്ദമുണ്ടാക്കുന്നത് പ്രധാനമായും കൗമാരക്കാരും യുവാക്കളുമാണെന്ന് അന്വേഷണത്തിൽ കണ്ടെത്തിയതായി പോലീസ് അറിയിച്ചു. റിപ്പോർട്ട് ചെയ്യപ്പെട്ട ശബ്ദങ്ങൾ വാഹനങ്ങളിൽ നിന്നുള്ളതാണെന്നും രാജ്യത്തിന്റെ സുരക്ഷയെ ബാധിക്കുന്ന യാതൊരു ഭീഷണിയും നിലവിലില്ലെന്നും അധികൃതർ ജനങ്ങളെ ആശ്വസിപ്പിച്ചു. യുഎഇ പൂർണ്ണമായും സുരക്ഷിതമാണെന്നും പോലീസ് വ്യക്തമാക്കി.

ദുബായ്, ഷാർജ തുടങ്ങിയ എമിറേറ്റുകളിലെ ജനവാസ പ്രദേശങ്ങളിൽ രാത്രികാല പോലീസ് പട്രോളിംഗ് ശക്തമാക്കിയിട്ടുണ്ട്. യുഎഇ ട്രാഫിക് നിയമപ്രകാരം അമിത ശബ്ദമുണ്ടാക്കുന്ന വാഹനങ്ങൾ ഓടിക്കുന്നവർക്ക് 2000 ദിർഹം പിഴയും 12 ബ്ലാക്ക് പോയിന്റുകളും ലഭിക്കും. കൂടാതെ വാഹനം പോലീസ് പിടിച്ചെടുക്കുകയും ചെയ്യും. അനധികൃതമായി രൂപമാറ്റം വരുത്തിയ വാഹനങ്ങൾ തിരികെ ലഭിക്കാൻ 10,000 ദിർഹം വരെ ഫീസ് നൽകേണ്ടിവരുമെന്നും അധികൃതർ അറിയിച്ചു. ഈ നടപടി കർശനമായി നടപ്പാക്കുന്നതിന് ദുബായ് പോലീസ് ഓപ്പറേഷൻസ് അസിസ്റ്റന്റ് കമാൻഡർ-ഇൻ-ചീഫ് മേജർ ജനറൽ സെയ്ഫ് മുഹൈർ അൽ മസ്‌റൂയിയും ഷാർജ പോലീസ് സെൻട്രൽ റീജിയൻ ഡയറക്ടർ ബ്രിഗേഡിയർ ഖലീഫ അൽ ഖസൂനിയും നേതൃത്വമൊരുക്കുന്നുണ്ട്. കുട്ടികൾ വാഹനങ്ങളിൽ അനധികൃത മാറ്റങ്ങൾ വരുത്തുന്നില്ലെന്ന് മാതാപിതാക്കൾ ശ്രദ്ധിക്കണമെന്നും അധികൃതർ അഭ്യർത്ഥിച്ചു. ഇത്തരം ശബ്ദശല്യം ഉണ്ടാക്കുന്ന വാഹനങ്ങളെക്കുറിച്ച് ഔദ്യോഗിക ചാനലുകൾ വഴി പോലീസിനെ അറിയിക്കണമെന്നും പൊതുജനങ്ങളോട് നിർദേശിച്ചിട്ടുണ്ട്. മേഖലയിലെ നിലവിലെ സാഹചര്യം പരിഗണിച്ച് ജനങ്ങളുടെ സമാധാനവും സുരക്ഷയും ഉറപ്പാക്കുക എന്ന ലക്ഷ്യത്തോടെയാണ് ഈ നടപടികൾ ശക്തമാക്കിയതെന്നും പോലീസ് അറിയിച്ചു. പോലീസിന്റെ ഈ ഇടപെടലിനെ പ്രവാസികളും സ്വദേശികളും സ്വാഗതം ചെയ്തിട്ടുണ്ട്.യുഎഇയിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാവുhttps://chat.whatsapp.com/Dbf59JLetgBECJpr5UZOuZ?mode=gi_t