Wizz Air return to UAE; യുഎഇയിലേക്ക് സർവ്വീസുകൾ പുനരാരംഭിക്കാൻ ഒരുങ്ങി ബജറ്റ് എയർലൈനായ വിസ് എയർ (Wizz Air). ഒക്ടോബർ അവസാനം മുതൽ ദുബായിൽ നിന്നും അബുദാബിയിൽ നിന്നും സർവ്വീസുകൾ ആരംഭിക്കുമെന്നാണ് പ്രഖ്യാപനം. ഒരു വർഷം മുമ്പ് പ്രവർത്തനം അവസാനിപ്പിച്ച വിസ് എയർ അബുദാബിയുടെ പ്രവർത്തനരീതികളിൽ നിന്ന് തികച്ചും വ്യത്യസ്തമായിട്ടായിരിക്കും ഈ തിരിച്ചുവരവ്. ജിദ്ദ, അമ്മാൻ എന്നിവയ്‌ക്കൊപ്പം ദുബായിലേക്കും അബുദാബിയിലേക്കും സർവീസുകൾ തിരിച്ചെത്തുന്നുവെന്ന് ഹംഗേറിയൻ അൾട്രാ-ലോ-കോസ്റ്റ് എയർലൈൻ സമൂഹമാധ്യമങ്ങളിലൂടെ അറിയിച്ചു. ആകെ 12 റൂട്ടുകളിലായി ആഴ്ചയിൽ 49 പ്രതിവാര സർവീസുകളായിരിക്കും ഉണ്ടാവുക. ഏതൊക്കെ നഗരങ്ങളിലേക്കാണ് സർവീസുകൾ എന്നതിന്റെ കൃത്യമായ വിവരങ്ങളോ റൂട്ടുകളോ എയർലൈൻ ഔദ്യോഗികമായി പുറത്തുവിട്ടിട്ടില്ല. യൂറോപ്യൻ എയർലൈനുകൾ വഴിയാണോ അതോ പുതിയ ലോക്കൽ സംവിധാനം വഴിയാണോ സർവ്വീസ് നടത്തുക എന്ന കാര്യത്തിലും വ്യക്തത വന്നിട്ടില്ല. എങ്കിലും, വിസ് എയറിന്റെ വെബ്‌സൈറ്റിലെ ബുക്കിംഗ് വിവരങ്ങൾ പ്രകാരം ദുബായിൽ നിന്നുള്ള സർവ്വീസുകൾ ഒക്ടോബർ 25 മുതലും അബുദാബിയിൽ നിന്നുള്ളവ ഒക്ടോബർ 27 മുതലും ആരംഭിക്കുമെന്നാണ് സൂചന. യുഎഇ യാത്രികർക്കായി ഒക്ടോബർ 25 മുതൽ ദുബായിൽ നിന്ന് യൂറോപ്യൻ ലക്ഷ്യസ്ഥാനങ്ങളിലേക്കുള്ള വിമാനങ്ങൾ ബുക്ക് ചെയ്യാൻ സാധിക്കും. അബുദാബിയിൽ നിന്നുള്ള ബുക്കിംഗുകൾ ഒക്ടോബർ 27 മുതൽ ലഭ്യമാകും.

വെബ്‌സൈറ്റിലെ ബുക്കിംഗ് ഡാറ്റ പ്രകാരമുള്ള വിവരങ്ങൾ:

ദുബായിൽ നിന്ന്

• ബുഡാപെസ്റ്റ്: ആഴ്ചയിൽ അഞ്ച് സർവീസുകൾ. (വിസ് എയറിന്റെ ആസ്ഥാനമാണിത്).
• ബുക്കാറെസ്റ്റ് ബേനേസ: ദിവസേനയുള്ള സർവീസുകൾ.
• ബുക്കാറെസ്റ്റ് ഒട്ടോപെനി: ദിവസേനയുള്ള സർവീസുകൾ.
• സോഫിയ, ലാർണാക, കട്ടോവിസ്, ക്രാക്കോവ് തുടങ്ങിയ ഇടങ്ങളിലേക്കുള്ള കണക്ഷനുകളും ലഭ്യമാണ്.

അബുദാബിയിൽ നിന്ന്

ലാർണാക: നേരിട്ടുള്ള മൂന്ന് സർവീസുകൾ.
സോഫിയ: നേരിട്ടുള്ള മൂന്ന് സർവീസുകൾ.
ബുഡാപെസ്റ്റ്: ആഴ്ചയിൽ നാല് സർവീസുകൾ.
കട്ടോവിസ്: ആഴ്ചയിൽ അഞ്ച് സർവീസുകൾ.
ക്രാക്കോവ്: ആഴ്ചയിൽ മൂന്ന് സർവീസുകൾ.

നിലവിലെ വിവരങ്ങൾ അനുസരിച്ച് അബുദാബിയിൽ നിന്ന് ആഴ്ചയിൽ 18 സർവീസുകളും ദുബായിൽ നിന്ന് ബുഡാപെസ്റ്റ്, ബുക്കാറെസ്റ്റ് റൂട്ടുകളിലായി 19 സർവീസുകളുമാണ് ഉള്ളത്. എയർലൈനിൽ നിന്നുള്ള ഔദ്യോഗിക സ്ഥിരീകരണത്തിനായി കാത്തിരിക്കുകയാണ്.

യുഎഇയിലെ യാത്രികർക്ക് കുറഞ്ഞ ചെലവിൽ യൂറോപ്പിലേക്ക് യാത്ര ചെയ്യാൻ ഇത് കൂടുതൽ അവസരമൊരുക്കും. ബുഡാപെസ്റ്റ്, ബുക്കാറെസ്റ്റ്, സോഫിയ, ലാർണാക, പോളിഷ് നഗരങ്ങൾ തുടങ്ങിയ റൂട്ടുകളിൽ കുറഞ്ഞ നിരക്കിൽ യാത്ര ചെയ്യാൻ ആഗ്രഹിക്കുന്ന വിനോദസഞ്ചാരികൾക്ക് ഇത് വലിയ ആശ്വാസമാകും. ശീതകാല യാത്രാ സീസണിൽ യൂറോപ്യൻ യാത്രകൾക്ക് ഇത് ഏറെ സഹായകരമാകും. യുഎഇയിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാവുക https://chat.whatsapp.com/Dbf59JLetgBECJpr5UZOuZ?mode=gi_t

‘സ്ഫോടന ശബ്ദ’മുണ്ടാക്കുന്ന വാഹനങ്ങൾക്കെതിരെ യുഎഇയിൽ കർശന നടപടി; പിഴയും 12 ബ്ലാക്ക് പോയിന്റും

ജനവാസ മേഖലകളിൽ അർദ്ധരാത്രിയിൽ സ്ഫോടനത്തിന് സമാനമായ ശബ്ദമുണ്ടാക്കി ജനങ്ങളിൽ പരിഭ്രാന്തി സൃഷ്ടിക്കുന്ന വിധത്തിൽ നിയമവിരുദ്ധമായി രൂപമാറ്റം വരുത്തിയ കാറുകളുടെയും മോട്ടോർ സൈക്കിളുകളുടെയും യുഎഇ പോലീസ് കർശന നടപടികൾ ആരംഭിച്ചു. മേഖലയിലെ സംഘർഷാവസ്ഥ വാർത്തകളിൽ നിറഞ്ഞുനിൽക്കുന്ന സാഹചര്യത്തിൽ ഇത്തരം വാഹനങ്ങളിൽ നിന്നുണ്ടാകുന്ന ‘ബാക്ക് ഫയർ’ ശബ്ദങ്ങൾ പലരും മിസൈൽ ആക്രമണമോ സ്ഫോടനമോ ആണെന്ന് തെറ്റിദ്ധരിച്ച് ഭീതിയിലായിരുന്നുവെന്ന് അധികൃതർ വ്യക്തമാക്കി. എഞ്ചിനുകളിൽ മാറ്റം വരുത്തി ഉദ്ദേശപൂർവ്വം ശക്തമായ ശബ്ദമുണ്ടാക്കുന്നത് പ്രധാനമായും കൗമാരക്കാരും യുവാക്കളുമാണെന്ന് അന്വേഷണത്തിൽ കണ്ടെത്തിയതായി പോലീസ് അറിയിച്ചു. റിപ്പോർട്ട് ചെയ്യപ്പെട്ട ശബ്ദങ്ങൾ വാഹനങ്ങളിൽ നിന്നുള്ളതാണെന്നും രാജ്യത്തിന്റെ സുരക്ഷയെ ബാധിക്കുന്ന യാതൊരു ഭീഷണിയും നിലവിലില്ലെന്നും അധികൃതർ ജനങ്ങളെ ആശ്വസിപ്പിച്ചു. യുഎഇ പൂർണ്ണമായും സുരക്ഷിതമാണെന്നും പോലീസ് വ്യക്തമാക്കി.

ദുബായ്, ഷാർജ തുടങ്ങിയ എമിറേറ്റുകളിലെ ജനവാസ പ്രദേശങ്ങളിൽ രാത്രികാല പോലീസ് പട്രോളിംഗ് ശക്തമാക്കിയിട്ടുണ്ട്. യുഎഇ ട്രാഫിക് നിയമപ്രകാരം അമിത ശബ്ദമുണ്ടാക്കുന്ന വാഹനങ്ങൾ ഓടിക്കുന്നവർക്ക് 2000 ദിർഹം പിഴയും 12 ബ്ലാക്ക് പോയിന്റുകളും ലഭിക്കും. കൂടാതെ വാഹനം പോലീസ് പിടിച്ചെടുക്കുകയും ചെയ്യും. അനധികൃതമായി രൂപമാറ്റം വരുത്തിയ വാഹനങ്ങൾ തിരികെ ലഭിക്കാൻ 10,000 ദിർഹം വരെ ഫീസ് നൽകേണ്ടിവരുമെന്നും അധികൃതർ അറിയിച്ചു. ഈ നടപടി കർശനമായി നടപ്പാക്കുന്നതിന് ദുബായ് പോലീസ് ഓപ്പറേഷൻസ് അസിസ്റ്റന്റ് കമാൻഡർ-ഇൻ-ചീഫ് മേജർ ജനറൽ സെയ്ഫ് മുഹൈർ അൽ മസ്‌റൂയിയും ഷാർജ പോലീസ് സെൻട്രൽ റീജിയൻ ഡയറക്ടർ ബ്രിഗേഡിയർ ഖലീഫ അൽ ഖസൂനിയും നേതൃത്വമൊരുക്കുന്നുണ്ട്. കുട്ടികൾ വാഹനങ്ങളിൽ അനധികൃത മാറ്റങ്ങൾ വരുത്തുന്നില്ലെന്ന് മാതാപിതാക്കൾ ശ്രദ്ധിക്കണമെന്നും അധികൃതർ അഭ്യർത്ഥിച്ചു. ഇത്തരം ശബ്ദശല്യം ഉണ്ടാക്കുന്ന വാഹനങ്ങളെക്കുറിച്ച് ഔദ്യോഗിക ചാനലുകൾ വഴി പോലീസിനെ അറിയിക്കണമെന്നും പൊതുജനങ്ങളോട് നിർദേശിച്ചിട്ടുണ്ട്. മേഖലയിലെ നിലവിലെ സാഹചര്യം പരിഗണിച്ച് ജനങ്ങളുടെ സമാധാനവും സുരക്ഷയും ഉറപ്പാക്കുക എന്ന ലക്ഷ്യത്തോടെയാണ് ഈ നടപടികൾ ശക്തമാക്കിയതെന്നും പോലീസ് അറിയിച്ചു. പോലീസിന്റെ ഈ ഇടപെടലിനെ പ്രവാസികളും സ്വദേശികളും സ്വാഗതം ചെയ്തിട്ടുണ്ട്. യുഎഇയിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാവുhttps://chat.whatsapp.com/Dbf59JLetgBECJpr5UZOuZ?mode=gi_t