UAE Food Poisoning Outbreak; അമേരിക്കയുൾപ്പെടെ ലോകത്തിന്റെ വിവിധ ഭാഗങ്ങളിൽ പടരുന്ന ‘സൈക്ലോസ്പോറിയാസിസ്’ (Cyclosporiasis) എന്ന ഭക്ഷ്യവിഷബാധയ്ക്ക് കാരണമായ ലെറ്റ്യൂസ് (Lettuce) ഉത്പന്നങ്ങൾ യുഎഇ വിപണിയിൽ ഇല്ലെന്ന് കാലാവസ്ഥാ വ്യതിയാന പരിസ്ഥിതി മന്ത്രാലയം അറിയിച്ചു. യുഎഇയിലെ വിപണികൾ ഇത്തരം മലിനമായ ഉൽപ്പന്നങ്ങളിൽ നിന്ന് പൂർണ്ണമായും മുക്തമാണെന്ന് മന്ത്രാലയം സ്ഥിരീകരിച്ചു.
എന്താണ് സൈക്ലോസ്പോറിയാസിസ്?
ശുചിത്വമില്ലാത്ത വെള്ളത്തിലൂടെയും കൃത്യമായി കഴുകാത്ത പഴങ്ങൾ, പച്ചക്കറികൾ, ഇലക്കറികൾ എന്നിവയിലൂടെയും പകരുന്ന ഒരുതരം പരാദമാണ് (Parasite) ഈ രോഗത്തിന് കാരണമാകുന്നത്. പ്രധാനമായും സെൻട്രൽ മെക്സിക്കോയിൽ നിന്നുള്ള ലെറ്റ്യൂസ് ഉത്പന്നങ്ങളിലാണ് നിലവിൽ ഈ രോഗകാരിയെ കണ്ടെത്തിയിട്ടുള്ളത്. ഇതുമായി ബന്ധപ്പെട്ട അന്താരാഷ്ട്ര ഭക്ഷ്യസുരക്ഷാ മുന്നറിയിപ്പുകളും അന്വേഷണങ്ങളും യുഎഇ മന്ത്രാലയം സൂക്ഷ്മമായി നിരീക്ഷിച്ചുവരികയാണ്. രാജ്യത്തേക്ക് എത്തുന്ന ഓരോ ഭക്ഷ്യശേഖരവും കർശനമായ പരിശോധനകൾക്ക് ശേഷമാണ് കടത്തിവിടുന്നത്. നിലവിൽ വിപണിയിലുള്ള ഉൽപ്പന്നങ്ങളുടെ സുരക്ഷ ഉറപ്പാക്കാൻ മറ്റ് പ്രാദേശിക അതോറിറ്റികളുമായി ചേർന്ന് മന്ത്രാലയം പ്രവർത്തിക്കുന്നുണ്ട്.
രോഗലക്ഷണങ്ങൾ:
ശക്തമായ വയറിളക്കമാണ് ഇതിന്റെ പ്രധാന ലക്ഷണം. മറ്റ് ലക്ഷണങ്ങൾ ഇവയാണ്:
- വിശപ്പില്ലായ്മ
- വയർ വീർക്കൽ, ഗ്യാസ് സംബന്ധമായ അസ്വസ്ഥതകൾ
- കടുത്ത ക്ഷീണം
- ചെറിയ പനി
- വയറുവേദന
- ഓക്കാനവും ഛർദ്ദിയും
ഭക്ഷ്യസുരക്ഷാ നിർദ്ദേശങ്ങൾ
പൊതുജനങ്ങൾ ഭക്ഷ്യവസ്തുക്കൾ കൈകാര്യം ചെയ്യുമ്പോൾ താഴെ പറയുന്ന മുൻകരുതലുകൾ എടുക്കണമെന്ന് മന്ത്രാലയം നിർദ്ദേശിച്ചു:
- പഴങ്ങളും പച്ചക്കറികളും ഉപയോഗിക്കുന്നതിന് മുമ്പ് നന്നായി കഴുകുക.
- അംഗീകൃത വ്യാപാര കേന്ദ്രങ്ങളിൽ നിന്ന് മാത്രം ഭക്ഷ്യവസ്തുക്കൾ വാങ്ങുക.
അമേരിക്കയിലെ സാഹചര്യം
അമേരിക്കയിലെ 27-ഓളം സംസ്ഥാനങ്ങളിൽ നിലവിൽ സൈക്ലോസ്പോറിയാസിസ് പടരുന്നുണ്ട്. ഇതിനെത്തുടർന്ന് ‘ടെയ്ലർ ഫാംസ് ഡി മെക്സിക്കോ’ (Taylor Farms de Mexico) തങ്ങളുടെ ഐസ്ബെർഗ് ലെറ്റസ് ഉൽപ്പന്നങ്ങൾ വിപണിയിൽ നിന്ന് തിരിച്ചുവിളിച്ചു. വാൾമാർട്ട്, ടാക്കോ ബെൽ തുടങ്ങിയ പ്രമുഖ ഔട്ട്ലെറ്റുകൾ വഴി വിതരണം ചെയ്ത ലെറ്റസ് പാക്കറ്റുകളാണ് കമ്പനി പിൻവലിച്ചത്. ഇത്തരം ഉൽപ്പന്നങ്ങൾ കൈവശമുള്ളവർ അവ ഉപയോഗിക്കരുതെന്നും നശിപ്പിച്ചു കളയണമെന്നും യുഎസ് ഫുഡ് ആൻഡ് ഡ്രഗ് അതോറിറ്റി നിർദ്ദേശിച്ചിട്ടുണ്ട്. യുഎഇയിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാവുക https://chat.whatsapp.com/Dbf59JLetgBECJpr5UZOuZ?mode=gi_t
‘സ്ഫോടന ശബ്ദ’മുണ്ടാക്കുന്ന വാഹനങ്ങൾക്കെതിരെ യുഎഇയിൽ കർശന നടപടി; പിഴയും 12 ബ്ലാക്ക് പോയിന്റും
ജനവാസ മേഖലകളിൽ അർദ്ധരാത്രിയിൽ സ്ഫോടനത്തിന് സമാനമായ ശബ്ദമുണ്ടാക്കി ജനങ്ങളിൽ പരിഭ്രാന്തി സൃഷ്ടിക്കുന്ന വിധത്തിൽ നിയമവിരുദ്ധമായി രൂപമാറ്റം വരുത്തിയ കാറുകളുടെയും മോട്ടോർ സൈക്കിളുകളുടെയും യുഎഇ പോലീസ് കർശന നടപടികൾ ആരംഭിച്ചു. മേഖലയിലെ സംഘർഷാവസ്ഥ വാർത്തകളിൽ നിറഞ്ഞുനിൽക്കുന്ന സാഹചര്യത്തിൽ ഇത്തരം വാഹനങ്ങളിൽ നിന്നുണ്ടാകുന്ന ‘ബാക്ക് ഫയർ’ ശബ്ദങ്ങൾ പലരും മിസൈൽ ആക്രമണമോ സ്ഫോടനമോ ആണെന്ന് തെറ്റിദ്ധരിച്ച് ഭീതിയിലായിരുന്നുവെന്ന് അധികൃതർ വ്യക്തമാക്കി. എഞ്ചിനുകളിൽ മാറ്റം വരുത്തി ഉദ്ദേശപൂർവ്വം ശക്തമായ ശബ്ദമുണ്ടാക്കുന്നത് പ്രധാനമായും കൗമാരക്കാരും യുവാക്കളുമാണെന്ന് അന്വേഷണത്തിൽ കണ്ടെത്തിയതായി പോലീസ് അറിയിച്ചു. റിപ്പോർട്ട് ചെയ്യപ്പെട്ട ശബ്ദങ്ങൾ വാഹനങ്ങളിൽ നിന്നുള്ളതാണെന്നും രാജ്യത്തിന്റെ സുരക്ഷയെ ബാധിക്കുന്ന യാതൊരു ഭീഷണിയും നിലവിലില്ലെന്നും അധികൃതർ ജനങ്ങളെ ആശ്വസിപ്പിച്ചു. യുഎഇ പൂർണ്ണമായും സുരക്ഷിതമാണെന്നും പോലീസ് വ്യക്തമാക്കി.
ദുബായ്, ഷാർജ തുടങ്ങിയ എമിറേറ്റുകളിലെ ജനവാസ പ്രദേശങ്ങളിൽ രാത്രികാല പോലീസ് പട്രോളിംഗ് ശക്തമാക്കിയിട്ടുണ്ട്. യുഎഇ ട്രാഫിക് നിയമപ്രകാരം അമിത ശബ്ദമുണ്ടാക്കുന്ന വാഹനങ്ങൾ ഓടിക്കുന്നവർക്ക് 2000 ദിർഹം പിഴയും 12 ബ്ലാക്ക് പോയിന്റുകളും ലഭിക്കും. കൂടാതെ വാഹനം പോലീസ് പിടിച്ചെടുക്കുകയും ചെയ്യും. അനധികൃതമായി രൂപമാറ്റം വരുത്തിയ വാഹനങ്ങൾ തിരികെ ലഭിക്കാൻ 10,000 ദിർഹം വരെ ഫീസ് നൽകേണ്ടിവരുമെന്നും അധികൃതർ അറിയിച്ചു. ഈ നടപടി കർശനമായി നടപ്പാക്കുന്നതിന് ദുബായ് പോലീസ് ഓപ്പറേഷൻസ് അസിസ്റ്റന്റ് കമാൻഡർ-ഇൻ-ചീഫ് മേജർ ജനറൽ സെയ്ഫ് മുഹൈർ അൽ മസ്റൂയിയും ഷാർജ പോലീസ് സെൻട്രൽ റീജിയൻ ഡയറക്ടർ ബ്രിഗേഡിയർ ഖലീഫ അൽ ഖസൂനിയും നേതൃത്വമൊരുക്കുന്നുണ്ട്. കുട്ടികൾ വാഹനങ്ങളിൽ അനധികൃത മാറ്റങ്ങൾ വരുത്തുന്നില്ലെന്ന് മാതാപിതാക്കൾ ശ്രദ്ധിക്കണമെന്നും അധികൃതർ അഭ്യർത്ഥിച്ചു. ഇത്തരം ശബ്ദശല്യം ഉണ്ടാക്കുന്ന വാഹനങ്ങളെക്കുറിച്ച് ഔദ്യോഗിക ചാനലുകൾ വഴി പോലീസിനെ അറിയിക്കണമെന്നും പൊതുജനങ്ങളോട് നിർദേശിച്ചിട്ടുണ്ട്. മേഖലയിലെ നിലവിലെ സാഹചര്യം പരിഗണിച്ച് ജനങ്ങളുടെ സമാധാനവും സുരക്ഷയും ഉറപ്പാക്കുക എന്ന ലക്ഷ്യത്തോടെയാണ് ഈ നടപടികൾ ശക്തമാക്കിയതെന്നും പോലീസ് അറിയിച്ചു. പോലീസിന്റെ ഈ ഇടപെടലിനെ പ്രവാസികളും സ്വദേശികളും സ്വാഗതം ചെയ്തിട്ടുണ്ട്.യുഎഇയിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാവുhttps://chat.whatsapp.com/Dbf59JLetgBECJpr5UZOuZ?mode=gi_t
