ബുധനാഴ്ച രാജ്യത്തിന്റെ വിവിധ ഭാഗങ്ങളിൽ കനത്ത മഴയും ശക്തമായ കാറ്റും അനുഭവപ്പെട്ടതോടെ ചില പ്രദേശങ്ങളിൽ വെള്ളപ്പൊക്ക സമാനമായ സാഹചര്യം ഉണ്ടായി. തെരുവുകളിൽ വെള്ളം കെട്ടിനിന്നതിനാൽ ചില വാഹനങ്ങൾ ഭാഗികമായി വെള്ളത്തിൽ മുങ്ങുകയും നിരവധി നിവാസികൾ റോഡുകളിൽ കുടുങ്ങിക്കിടക്കുകയും ചെയ്തതായി റിപ്പോർട്ടുകളുണ്ട്. പാർക്കിംഗ് ഏരിയകളിൽ മരക്കൊമ്പുകൾ വീണതും നിരവധി വാഹനങ്ങൾക്ക് കേടുപാടുകൾ സംഭവിച്ചതുമാണ് റിപ്പോർട്ടുകൾ. അൽ നുഐമിയ, അൽ ഖോർ, അൽ റാഷിദിയ തുടങ്ങിയ താഴ്ന്ന പ്രദേശങ്ങളിൽ കൊടുങ്കാറ്റിന്റെ ആഘാതം വ്യക്തമായി അനുഭവപ്പെട്ടു. പല വീടുകളിലേക്കും വെള്ളം കയറിയതോടെ പാർക്കിംഗ് പ്രദേശങ്ങൾ ചെറിയ കുളങ്ങളായി മാറുകയും ശക്തമായ കാറ്റിൽ ചില വീടുകളുടെ ജനാലകൾക്കും ബാൽക്കണികൾക്കും കേടുപാടുകൾ സംഭവിക്കുകയും ചെയ്തു.

അൽ റാഷിദിയയിൽ ചെറിയ വില്ലകളിൽ താമസിക്കുന്നവരും ക്യാബ് ഡ്രൈവർമാർ, തയ്യൽക്കാരൻമാർ, ബേക്കറി തൊഴിലാളികൾ തുടങ്ങിയവരും ഉൾപ്പെടുന്ന നിരവധി നിവാസികൾക്ക് വീടുകളിലേക്ക് വെള്ളം കയറുന്നത് വലിയ ബുദ്ധിമുട്ടുണ്ടാക്കി. “കഴിഞ്ഞ ആഴ്ച മുതൽ കാലാവസ്ഥാ മുന്നറിയിപ്പുകൾ കണ്ടുകൊണ്ടിരുന്നു, അതിനാൽ മഴ വരുമെന്ന് അറിയാമായിരുന്നു. അതിനാൽ ഒരു ദിവസം മുമ്പ് തന്നെ മെത്തകൾ, തലയിണകൾ, ടിവി തുടങ്ങിയ പ്രധാന സാധനങ്ങൾ ഉയർന്ന ഷെൽഫുകളിലേക്ക് മാറ്റി,” പ്രദേശത്ത് താമസിക്കുന്ന ഡ്രൈവർ റഫീഖുൽ ഹുസൈൻ പറഞ്ഞു. “2024 ഏപ്രിലിലെ കനത്ത മഴയുടെ അനുഭവം ഞങ്ങൾ മറന്നിട്ടില്ല. അന്ന് വലിയ ബുദ്ധിമുട്ടുകൾ നേരിട്ടിരുന്നു. അതിനാൽ ഇത്തവണ മുൻകരുതൽ എടുത്തു,” അദ്ദേഹം കൂട്ടിച്ചേർത്തു. എന്നാൽ തയ്യാറെടുപ്പുകൾ നടത്തിയിട്ടും വീടുകളിലേക്ക് വെള്ളം കയറുന്നത് തടയാനായില്ല. “മിനിറ്റുകൾക്കുള്ളിൽ തന്നെ വെള്ളം വീടിനുള്ളിലേക്ക് കയറിത്തുടങ്ങി. ഒരുഘട്ടത്തിൽ ഹാൾ മുഴുവൻ വെള്ളം നിറയുന്നതുപോലെ തോന്നി. ഏകദേശം നാല് മുതൽ അഞ്ച് മണിക്കൂർ വരെ വെള്ളം അകത്ത് തന്നെ നിന്നു,” ഹുസൈൻ പറഞ്ഞു. മഴ കുറയാൻ തുടങ്ങിയതോടെ പ്രദേശവാസികൾ ഒരുമിച്ച് വെള്ളം ഒഴുക്കാനും വീടുകൾ വൃത്തിയാക്കാനും രംഗത്തെത്തി. “അയൽവാസികളും കടയുടമകളും കുട്ടികളും പോലും സഹായിക്കാൻ എത്തിയിരുന്നു. വെള്ളം കയറിയ വീടുകളിലെ താമസക്കാരെ എല്ലാവരും ചേർന്ന് സഹായിച്ചു. സമയം എടുത്തെങ്കിലും പതുക്കെ സ്ഥിതി നിയന്ത്രണത്തിലാക്കി,” അദ്ദേഹം പറഞ്ഞു. കഴിഞ്ഞ രണ്ട് ദിവസമായി മഴ അനുഭവപ്പെട്ടുവെങ്കിലും ബുധനാഴ്ചയിലേതാണ് കുറച്ച് കൂടുതൽ ആഘാതം ഉണ്ടാക്കിയതെന്ന് പ്രദേശവാസികൾ അറിയിച്ചു.യുഎഇയിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാവുക https://chat.whatsapp.com/DfsJVtpVohVHb4aFdLbW46?mode=wwt

ശ്രദ്ധിക്കുക; യുഎഇയിൽ ജിപിഎസ് തകരാറുകൾ? നിങ്ങളുടെ ഗൂഗിൾ മാപ്സും വെയ്സും തെറ്റായ ലൊക്കേഷനുകൾ കാണിച്ചേക്കാം

യുഎഇയിലുടനീളമുള്ള നിരവധി ഡ്രൈവർമാരും താമസക്കാരും ഗൂഗിൾ മാപ്സ്, വേസ് തുടങ്ങിയ നാവിഗേഷൻ ആപ്പുകളിൽ സമീപകാലത്ത് കൃത്യതക്കുറവ് അനുഭവപ്പെടുന്നതായി റിപ്പോർട്ട് ചെയ്യുന്നു. ചില ഉപയോക്താക്കൾ അവരുടെ മൊബൈൽ ഫോണുകളിൽ കാണുന്ന ലൊക്കേഷൻ യഥാർത്ഥ സ്ഥാനത്തുനിന്ന് ഏറെ അകലെയാണെന്ന് ശ്രദ്ധയിൽപ്പെടുത്തിയിട്ടുണ്ട്. ഈ പ്രശ്‌നം സംബന്ധിച്ച് നിരവധി പേർ സോഷ്യൽ മീഡിയയിലും ഓൺലൈൻ ഫോറങ്ങളിലുമായി ചർച്ച ചെയ്യുകയും ചെയ്തു. വിദഗ്ധർ പറയുന്നത്, ഉപഗ്രഹ സിഗ്നലുകളെ ബാധിക്കുന്ന ചില സാങ്കേതിക കാരണങ്ങളാൽ ഇത്തരം തടസ്സങ്ങൾ ഇടയ്ക്കിടെ ഉണ്ടാകാമെന്നാണ്. പ്രത്യേകിച്ച് സംഘർഷാവസ്ഥകളിൽ സുരക്ഷാ മുൻകരുതലുകളുടെ ഭാഗമായി ജിപിഎസ് സിഗ്നലുകളിൽ താൽക്കാലിക ഇടപെടലുകൾ സംഭവിക്കാൻ സാധ്യതയുണ്ടെന്ന് മുഹമ്മദ് ബിൻ റാഷിദ് സ്പേസ് സെന്റർ ലാബിലെ ഡിജിറ്റൽ ട്രാൻസ്ഫോർമേഷൻ മേധാവി മുഹമ്മദ് ഹനീഫ് വിശദീകരിച്ചു. സെൻസിറ്റീവ് സ്ഥലങ്ങളുടെ സുരക്ഷ ഉറപ്പാക്കുന്നതിനായി അധികാരികൾ ചിലപ്പോൾ പ്രത്യേക സാങ്കേതിക നടപടികൾ സ്വീകരിക്കാറുണ്ടെന്നും ഇതിന്റെ ഭാഗമായി ജിപിഎസ് സിഗ്നലുകൾക്ക് താൽക്കാലിക തടസ്സങ്ങൾ ഉണ്ടാകാമെന്നും അദ്ദേഹം പറഞ്ഞു. ഇതിന്റെ ഫലമായി ഗൂഗിൾ മാപ്സ് പോലുള്ള നാവിഗേഷൻ ആപ്പുകളിൽ തെറ്റായ ലൊക്കേഷനുകളോ അസാധാരണമായ റൂട്ടുകളോ കാണാൻ സാധ്യതയുണ്ട്.

സുരക്ഷാ ഏജൻസികൾ ഉപയോഗിക്കുന്ന ജിപിഎസ് ജാമിംഗ്, ജിപിഎസ് സ്പൂഫിംഗ് പോലുള്ള സാങ്കേതിക വിദ്യകളും ഇതിന് കാരണമാകാം. ജിപിഎസ് ജാമിംഗ് സിഗ്നലുകൾ തടയുന്നതും, ജിപിഎസ് സ്പൂഫിംഗ് ഉപകരണങ്ങളിലേക്ക് തെറ്റായ സിഗ്നലുകൾ അയയ്ക്കുന്നതുമാണ്. സിവിലിയൻ നാവിഗേഷൻ ആപ്പുകൾ ഒരേ ഉപഗ്രഹ സിഗ്നലുകളെ ആശ്രയിക്കുന്നതിനാൽ ഇത്തരം നടപടികൾ അവയുടെ കൃത്യതയെ ബാധിച്ചേക്കാമെന്ന് വിദഗ്ധർ പറയുന്നു. എങ്കിലും മിക്ക സാഹചര്യങ്ങളിലും ഉപഗ്രഹ സിഗ്നലുകൾ വീണ്ടും സ്ഥിരത കൈവരിക്കുന്നതോടെ നാവിഗേഷൻ സംവിധാനങ്ങൾ സ്വാഭാവികമായി ശരിയായ നിലയിലേക്ക് മടങ്ങുമെന്നും വിദഗ്ധർ വ്യക്തമാക്കി.യുഎഇയിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാവുക https://chat.whatsapp.com/DfsJVtpVohVHb4aFdLbW46?mode=wwt