ഇന്ന് നിരവധി ആളുകൾ വീട്ടിലിരുന്ന് ഓൺലൈൻ ബിസിനസുകളിലൂടെ വരുമാനം കണ്ടെത്തുന്നുണ്ട്. ഓൺലൈൻ ബിസിനസ് നിലവിലെ കാലഘട്ടത്തിൽ ലാഭകരവും ക്രിയാത്മകവുമായ ഒരു വിപണി തന്ത്രമായി മാറിയിട്ടുണ്ട്. കുറഞ്ഞ മുതൽമുടക്കിൽ തന്നെ വലിയ ലാഭം നേടാനാകുമെങ്കിലും, ബിസിനസ് ആരംഭിക്കുന്നതിന് മുൻപ് ചില കാര്യങ്ങളിൽ പ്രത്യേക ശ്രദ്ധ വേണമെന്ന് വിദഗ്ധർ മുന്നറിയിപ്പ് നൽകുന്നു.
ശരിയായ ബിസിനസ് ആശയം നിർണായകം
ആദ്യഘട്ടത്തിൽ തന്നെ ഓൺലൈനായി എന്താണ് വിൽക്കാനോ സേവനമായി നൽകാനോ ഉദ്ദേശിക്കുന്നതെന്ന് വ്യക്തമായി തീരുമാനിക്കണം. വസ്ത്രങ്ങൾ, ആഭരണങ്ങൾ, വീട് അലങ്കരിക്കാനുള്ള വസ്തുക്കൾ തുടങ്ങിയ ഉൽപ്പന്നങ്ങൾക്കൊപ്പം ഗ്രാഫിക് ഡിസൈനിംഗ്, കണ്ടന്റ് റൈറ്റിംഗ്, ഓൺലൈൻ ട്യൂഷൻ, ഡിജിറ്റൽ മാർക്കറ്റിംഗ് തുടങ്ങിയ സേവനങ്ങളും ഓൺലൈനായി വിജയകരമായി നടത്താം.
വിപണി ഗവേഷണം അനിവാര്യമാണ്
തിരഞ്ഞെടുത്ത ഉൽപ്പന്നത്തിനോ സേവനത്തിനോ വിപണിയിൽ ആവശ്യക്കാരുണ്ടോ എന്നത് മനസിലാക്കുന്നത് അത്യന്താപേക്ഷിതമാണ്. എതിരാളികൾ ആരൊക്കെയാണെന്ന് കണ്ടെത്തുകയും ഉപഭോക്താക്കളുടെ താൽപര്യങ്ങൾ വിലയിരുത്തുകയും വേണം. ഗൂഗിൾ ട്രെൻഡ്സ്, സോഷ്യൽ മീഡിയ പ്ലാറ്റ്ഫോമുകൾ എന്നിവ ഇതിന് സഹായകരമാകും.
ബ്രാൻഡ് നാമവും രജിസ്ട്രേഷനും
ബിസിനസിന് ആകർഷകവും ഓർമ്മിക്കാൻ എളുപ്പമുള്ളതുമായ ഒരു ബ്രാൻഡ് പേര് തിരഞ്ഞെടുക്കണം. വാർഷിക വിറ്റുവരവ് നിശ്ചിത പരിധി കവിയുകയോ അന്തർ സംസ്ഥാന വ്യാപാരം നടത്തുകയോ ചെയ്യുന്ന സാഹചര്യത്തിൽ ജിഎസ്ടി രജിസ്ട്രേഷൻ നിർബന്ധമാണ്. ഇത് സമയബന്ധിതമായി പൂർത്തിയാക്കുന്നത് ഭാവിയിലെ നിയമസങ്കീർണ്ണതകൾ ഒഴിവാക്കാൻ സഹായിക്കും.
വിൽപ്പനയ്ക്കുള്ള പ്ലാറ്റ്ഫോമുകൾ
ആമസോൺ, ഫ്ലിപ്കാർട്ട്, മീഷോ തുടങ്ങിയ ഇ-കൊമേഴ്സ് പ്ലാറ്റ്ഫോമുകൾ വഴി ഉൽപ്പന്നങ്ങൾ വിപണിയിലെത്തിക്കാം. സ്വന്തമായി വെബ്സൈറ്റ് ആരംഭിക്കുന്നതും ഇൻസ്റ്റഗ്രാം, ഫേസ്ബുക്ക്, വാട്സ്ആപ്പ് പോലുള്ള സോഷ്യൽ മീഡിയ വഴിയുള്ള വിൽപ്പനയും പ്രചാരത്തിലുണ്ട്. പണമിടപാടുകൾക്ക് റേസർപേ പോലുള്ള സംവിധാനങ്ങളും ഡെലിവറിക്ക് ഷിപ്പ്റോക്കറ്റ്, ഡെലിവറി തുടങ്ങിയ സേവനങ്ങളും ഉപയോഗിക്കാം.
ഡിജിറ്റൽ മാർക്കറ്റിംഗിന്റെ പ്രാധാന്യം
ബിസിനസ് വിജയിക്കണമെങ്കിൽ പരസ്യം അനിവാര്യമാണ്. ഇൻസ്റ്റഗ്രാം റീൽസ്, ഫേസ്ബുക്ക്, വാട്സ്ആപ്പ് പരസ്യങ്ങൾ എന്നിവ ഉപയോഗിച്ച് ഉൽപ്പന്നങ്ങളും സേവനങ്ങളും ഉപഭോക്താക്കളിലെത്തിക്കാം. ഗൂഗിളിൽ തിരയുമ്പോൾ വെബ്സൈറ്റ് മുൻനിരയിൽ കാണുന്ന തരത്തിൽ സേർച്ച് എഞ്ചിൻ ഓപ്റ്റിമൈസേഷനും (SEO) പ്രാധാന്യമർഹിക്കുന്നു.
വിദഗ്ധർ നിർദേശിക്കുന്ന പ്രധാന ടിപ്പുകൾ
ബിസിനസിന്റെ തുടക്കത്തിൽ വലിയ നിക്ഷേപം ഒഴിവാക്കി ആദ്യം വിപണി ഡിമാൻഡ് പരിശോധിക്കണം. ഉപഭോക്താക്കളുടെ അഭിപ്രായങ്ങൾ ഗൗരവത്തോടെ സ്വീകരിച്ച് സേവനങ്ങൾ മെച്ചപ്പെടുത്തണം. ഗുണനിലവാരത്തിൽ വിട്ടുവീഴ്ച വരുത്തിയാൽ ഉൽപ്പന്നത്തിന്റെയും ബ്രാൻഡിന്റെയും വിശ്വാസ്യത നഷ്ടപ്പെടാൻ സാധ്യതയുണ്ടെന്നും വിദഗ്ധർ മുന്നറിയിപ്പ് നൽകുന്നു..കുവൈത്തിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാകൂ https://chat.whatsapp.com/Du8AGPEDfJfGa0vgu1h2fL
കുവൈത്തിലെ പുതിയ ജോലി അവസരങ്ങൾ അറിയുവാൻ ഇവിടെ ക്ലിക്ക് ചെയ്യുക
കുവൈറ്റിൽ ഉദ്യോഗസ്ഥർക്കിടയിലും ഇനി ലഹരി പരിശോധന; ആദ്യഘട്ടം ആരംഭിച്ചു
കുവൈത്ത് ആഭ്യന്തര മന്ത്രാലയത്തിന് കീഴിലുള്ള ഉദ്യോഗസ്ഥർക്കിടയിൽ മയക്കുമരുന്ന് ഉൾപ്പെടെയുള്ള ലഹരി വസ്തുക്കളുടെ ഉപയോഗം കണ്ടെത്തുന്നതിനായി റാൻഡം പരിശോധനകൾ ആരംഭിച്ചു. ക്രിമിനൽ എവിഡൻസ് ഡിപ്പാർട്ട്മെന്റിന്റെ നേതൃത്വത്തിലാണ് പരിശോധനകൾ നടക്കുന്നതെന്ന് മന്ത്രാലയം അറിയിച്ചു. ജോലിസ്ഥലങ്ങളിൽ അച്ചടക്കം ശക്തിപ്പെടുത്താനും സുരക്ഷാ സേനാംഗങ്ങൾ സമൂഹത്തിന് മാതൃകയാകുന്ന രീതിയിൽ പ്രവർത്തിക്കുന്നുണ്ടെന്ന് ഉറപ്പാക്കാനും ലക്ഷ്യമിട്ടാണ് ഈ നടപടി. ആഭ്യന്തര മന്ത്രാലയം പുറത്തിറക്കിയ വാർത്താക്കുറിപ്പിലാണ് പദ്ധതിയുടെ വിശദാംശങ്ങൾ വ്യക്തമാക്കിയത്. ആദ്യഘട്ടത്തിൽ പൊലീസ് സ്പോർട്സ് ഫെഡറേഷനിലെ അംഗങ്ങളെയാണ് പരിശോധനയ്ക്ക് വിധേയമാക്കിയത്. ഫെഡറേഷൻ ചെയർമാൻ ബ്രിഗേഡിയർ ജനറൽ ഷെയ്ഖ് മുബാറക് അലി യൂസഫ് അൽ സബാഹ്, ഡെപ്യൂട്ടി ചെയർമാൻ, ബോർഡ് അംഗങ്ങൾ എന്നിവരടക്കം വിവിധ ഉദ്യോഗസ്ഥർ പരിശോധനയിൽ പങ്കെടുത്തു.
മയക്കുമരുന്ന് വിരുദ്ധ പ്രവർത്തനങ്ങൾ ശക്തമാക്കുന്നതിന്റെ ഭാഗമായി നിലവിൽ വന്ന 2025ലെ 159-ാം നമ്പർ നിയമത്തിന്റെ അടിസ്ഥാനത്തിലാണ് റാൻഡം പരിശോധനകൾ നടത്തുന്നതെന്ന് മന്ത്രാലയം വ്യക്തമാക്കി. ആഭ്യന്തര മന്ത്രാലയത്തിന്റെ എല്ലാ വിഭാഗങ്ങളിലേക്കും പരിശോധന വ്യാപിപ്പിക്കുമെന്നും ഇതിനായി പ്രത്യേക സമയക്രമം അംഗീകരിച്ചിട്ടുണ്ടെന്നും അധികൃതർ അറിയിച്ചു.കുവൈത്തിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാകൂ https://chat.whatsapp.com/Du8AGPEDfJfGa0vgu1h2fL
കുവൈത്ത് സെൻട്രൽ ജയിലിലെ തീപിടിത്തം: പരിക്കേറ്റ കേണൽ അന്തരിച്ചു
സുലൈബിയ സെൻട്രൽ ജയിലിലെ കെട്ടിടത്തിൽ ഉണ്ടായ തീപിടിത്തത്തിൽ ഗുരുതരമായി പരിക്കേറ്റ് ചികിത്സയിലായിരുന്ന ഉന്നത പോലീസ് ഉദ്യോഗസ്ഥൻ മരിച്ചു. ജനറൽ ഡയറക്ടറേറ്റ് ഓഫ് കറക്ഷണൽ ഇൻസ്റ്റിറ്റ്യൂഷൻസ് വിഭാഗത്തിലെ ഉദ്യോഗസ്ഥനായ കേണൽ സൗദ് അൽ-ഖംസാനാണ് അന്തരിച്ചത്.
കഴിഞ്ഞ ഞായറാഴ്ച ജയിലിന്റെ കെട്ടിടത്തിൽ തീപിടിത്തം ഉണ്ടായത്. കെട്ടിടത്തിന്റെ ഒന്നാം നിലയിലെ ഇടനാഴിയിൽ കാർപെറ്റുകളും ഫർണിച്ചറുകളും മാറ്റുന്നതുൾപ്പെടെയുള്ള അറ്റകുറ്റപ്പണികൾ പുരോഗമിക്കുകയായിരുന്ന സമയത്തായിരുന്നു അപകടം. അറ്റകുറ്റപ്പണികൾക്കിടെയുണ്ടായ വൈദ്യുത ഷോർട്ട് സർക്യൂട്ടിനെ തുടർന്ന് വലിയ സ്ഫോടനം സംഭവിച്ചിരിക്കാമെന്നാണ് പ്രാഥമിക നിഗമനം.
സംഭവത്തിൽ കേണൽ സൗദ് അൽ-ഖംസാൻ ഉൾപ്പെടെ ആറ് പേർക്ക് പരിക്കേറ്റിരുന്നു. പരിക്കേറ്റ ഉദ്യോഗസ്ഥരെയും തൊഴിലാളികളെയും ഉടൻ ആശുപത്രിയിൽ പ്രവേശിപ്പിച്ചെങ്കിലും കേണലിന്റെ ജീവൻ രക്ഷിക്കാൻ സാധിച്ചില്ല. കേണൽ സൗദ് അൽ-ഖംസാന്റെ നിര്യാണത്തിൽ കുവൈറ്റ് ആഭ്യന്തര മന്ത്രി ഷെയ്ഖ് ഫഹദ് അൽ യൂസുഫ് അൽ സബാഹ് അനുശോചനം രേഖപ്പെടുത്തി. ഔദ്യോഗിക കൃത്യനിർവഹണത്തിനിടെയാണ് അദ്ദേഹം ജീവൻ ബലിയർപ്പിച്ചതെന്നും, അദ്ദേഹത്തിന്റെ വേർപാട് പോലീസ് സേനയ്ക്ക് വലിയ നഷ്ടമാണെന്നും മന്ത്രി പറഞ്ഞു.കുവൈത്തിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാകൂ https://chat.whatsapp.com/Du8AGPEDfJfGa0vgu1h2fL
