കുവൈറ്റിൽ ആർട്ടിക്കിൾ 18 (സ്വകാര്യ മേഖലയിലെ ജോലി) വിസയിലുള്ളവർക്ക് തങ്ങളുടെ വിസ ഫാമിലി വിസയിലേക്ക് (ആർട്ടിക്കിൾ 22) മാറ്റുന്നതിനുള്ള വ്യക്തമായ മാർഗ്ഗനിർദ്ദേശങ്ങൾ ആഭ്യന്തര മന്ത്രാലയം പുറപ്പെടുവിച്ചു. ഭാര്യയുടെ വിസ ഫാമിലി വിസയിലേക്ക് മാറ്റാൻ ആഗ്രഹിക്കുന്നവർക്കായി താഴെ പറയുന്ന നടപടിക്രമങ്ങൾ പാലിക്കേണ്ടതുണ്ട്.

ആവശ്യമായ രേഖകൾ:

ഭാര്യയുടെ രേഖകൾ:

ഒറിജിനൽ പാസ്‌പോർട്ടും കോപ്പിയും.
നിലവിലുള്ള ആർട്ടിക്കിൾ 18 വിസയുടെയും സിവിൽ ഐഡിയുടെയും പകർപ്പ്.
സ്വന്തം നാട്ടിൽ നിന്നും അറ്റസ്റ്റ് ചെയ്ത വിവാഹ സർട്ടിഫിക്കറ്റ് (കുവൈറ്റ് വിദേശകാര്യ മന്ത്രാലയവും എംബസിയും സാക്ഷ്യപ്പെടുത്തിയത്).
പാസ്‌പോർട്ട് സൈസ് ഫോട്ടോകൾ.

ഭർത്താവിന്റെ രേഖകൾ (സ്പോൺസർ എന്ന നിലയിൽ):

ഒറിജിനൽ സിവിൽ ഐഡിയും കോപ്പിയും.
പാസ്‌പോർട്ട് കോപ്പി.
തൊഴിലുടമയിൽ നിന്നുള്ള സാലറി സർട്ടിഫിക്കറ്റ് (അറബിയിൽ ഉള്ളത്).
വർക്ക് പെർമിറ്റ് കോപ്പി.
താമസം തെളിയിക്കുന്ന വാടക കരാർ (Tenancy contract).

നിലവിലെ കമ്പനിയിൽ നിന്ന്:

വിസ മാറ്റത്തിനുള്ള എൻ.ഒ.സി (NOC).
റദ്ദാക്കിയ വർക്ക് റെസിഡൻസിയുടെ രേഖകൾ.
കമ്പനി മാൻഡേറ്റ് ലെറ്റർ.
കമ്പനി പ്രതിനിധിയുടെ (മന്ദൂബ്) സാന്നിധ്യം നിർബന്ധമാണ്.

നടപടിക്രമങ്ങൾ ഇങ്ങനെ:

ടൈപ്പിംഗ് സെന്റർ: ആദ്യം അംഗീകൃത ടൈപ്പിംഗ് സെന്റർ വഴി അപേക്ഷാ ഫോമുകൾ തയ്യാറാക്കുക. തുടർന്ന് നിങ്ങളുടെ താമസപരിധിയിലുള്ള ജവാസാത്തിലേക്ക് (ഇമിഗ്രേഷൻ വിഭാഗം) പോകുക.
ഇമിഗ്രേഷൻ ഓഫീസ്: രേഖകൾ പരിശോധിച്ച ശേഷം ഇമിഗ്രേഷൻ ഓഫീസർ അനുമതി നൽകും. ഈ സമയം കമ്പനി മന്ദൂബ് കൂടെയുണ്ടെന്ന് ഉറപ്പുവരുത്തുക.
പി.എ.സി.ഐ (PACI) ക്ലിയറൻസ്: നിലവിലെ സ്പോൺസർഷിപ്പിന് കീഴിലുള്ള ബാധ്യതകൾ ഒന്നുമില്ലെന്ന് ഉറപ്പാക്കാൻ മന്ദൂബ് മുഖേന സിവിൽ ഇൻഫർമേഷൻ അതോറിറ്റിയിൽ നിന്നും ക്ലിയറൻസ് വാങ്ങണം.
ഇൻഷുറൻസ്: മെഡിക്കൽ ഇൻഷുറൻസ് തുക അടയ്ക്കുകയും നിലവിൽ എന്തെങ്കിലും പിഴകൾ (Fines) ഉണ്ടെങ്കിൽ അത് തീർപ്പാക്കുകയും വേണം.
വിസ മാറ്റം: എല്ലാ രേഖകളും സമർപ്പിച്ചാൽ 20 ദിനാർ ഫീസ് ഒടുക്കി വിസ മാറ്റം പൂർത്തിയാക്കാം. മിനിറ്റുകൾക്കുള്ളിൽ തന്നെ നടപടിക്രമങ്ങൾ കഴിയും.
സിവിൽ ഐഡി: വിസ ലഭിച്ചാലുടൻ PACI വെബ്സൈറ്റ് വഴി പുതിയ സിവിൽ ഐഡിക്ക് അപേക്ഷിക്കാം. അരമണിക്കൂറിനുള്ളിൽ മൊബൈൽ ഐഡിയിൽ മാറ്റങ്ങൾ പ്രതിഫലിക്കും.

കുടുംബത്തോടൊപ്പം കുവൈറ്റിൽ തുടരാൻ ആഗ്രഹിക്കുന്ന പ്രവാസികൾക്ക് വലിയ അനുഗ്രഹമാണ് ഈ നടപടിക്രമങ്ങളിലെ വ്യക്തത. കൂടുതൽ വിവരങ്ങൾക്ക് കുവൈറ്റ് ഇമിഗ്രേഷൻ വകുപ്പുമായി ബന്ധപ്പെടാവുന്നതാണ്.കുവൈത്തിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാകൂ https://chat.whatsapp.com/Du8AGPEDfJfGa0vgu1h2fL

കുവൈത്തിലെ പുതിയ ജോലി അവസരങ്ങൾ അറിയുവാൻ ഇവിടെ ക്ലിക്ക് ചെയ്യുക

കുവൈറ്റിൽ ഉദ്യോഗസ്ഥർക്കിടയിലും ഇനി ലഹരി പരിശോധന; ആദ്യഘട്ടം ആരംഭിച്ചു

കുവൈത്ത് ആഭ്യന്തര മന്ത്രാലയത്തിന് കീഴിലുള്ള ഉദ്യോഗസ്ഥർക്കിടയിൽ മയക്കുമരുന്ന് ഉൾപ്പെടെയുള്ള ലഹരി വസ്തുക്കളുടെ ഉപയോഗം കണ്ടെത്തുന്നതിനായി റാൻഡം പരിശോധനകൾ ആരംഭിച്ചു. ക്രിമിനൽ എവിഡൻസ് ഡിപ്പാർട്ട്‌മെന്റിന്റെ നേതൃത്വത്തിലാണ് പരിശോധനകൾ നടക്കുന്നതെന്ന് മന്ത്രാലയം അറിയിച്ചു. ജോലിസ്ഥലങ്ങളിൽ അച്ചടക്കം ശക്തിപ്പെടുത്താനും സുരക്ഷാ സേനാംഗങ്ങൾ സമൂഹത്തിന് മാതൃകയാകുന്ന രീതിയിൽ പ്രവർത്തിക്കുന്നുണ്ടെന്ന് ഉറപ്പാക്കാനും ലക്ഷ്യമിട്ടാണ് ഈ നടപടി. ആഭ്യന്തര മന്ത്രാലയം പുറത്തിറക്കിയ വാർത്താക്കുറിപ്പിലാണ് പദ്ധതിയുടെ വിശദാംശങ്ങൾ വ്യക്തമാക്കിയത്. ആദ്യഘട്ടത്തിൽ പൊലീസ് സ്പോർട്സ് ഫെഡറേഷനിലെ അംഗങ്ങളെയാണ് പരിശോധനയ്ക്ക് വിധേയമാക്കിയത്. ഫെഡറേഷൻ ചെയർമാൻ ബ്രിഗേഡിയർ ജനറൽ ഷെയ്ഖ് മുബാറക് അലി യൂസഫ് അൽ സബാഹ്, ഡെപ്യൂട്ടി ചെയർമാൻ, ബോർഡ് അംഗങ്ങൾ എന്നിവരടക്കം വിവിധ ഉദ്യോഗസ്ഥർ പരിശോധനയിൽ പങ്കെടുത്തു.

മയക്കുമരുന്ന് വിരുദ്ധ പ്രവർത്തനങ്ങൾ ശക്തമാക്കുന്നതിന്റെ ഭാഗമായി നിലവിൽ വന്ന 2025ലെ 159-ാം നമ്പർ നിയമത്തിന്റെ അടിസ്ഥാനത്തിലാണ് റാൻഡം പരിശോധനകൾ നടത്തുന്നതെന്ന് മന്ത്രാലയം വ്യക്തമാക്കി. ആഭ്യന്തര മന്ത്രാലയത്തിന്റെ എല്ലാ വിഭാഗങ്ങളിലേക്കും പരിശോധന വ്യാപിപ്പിക്കുമെന്നും ഇതിനായി പ്രത്യേക സമയക്രമം അംഗീകരിച്ചിട്ടുണ്ടെന്നും അധികൃതർ അറിയിച്ചു.കുവൈത്തിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാകൂ https://chat.whatsapp.com/Du8AGPEDfJfGa0vgu1h2fL

ആഡംബര കാറുകളുമായി അഭ്യാസപ്രകടനം, വീഡിയോ വൈറൽ: പ്രവാസികളെ കയ്യോടെ പൊക്കി കുവൈത്ത് പോലീസ്

കുവൈത്ത് സിറ്റി: ജലീബ് അൽ ശുയൂഖിൽ ആഡംബര വാഹനങ്ങൾ ഉപയോഗിച്ച് റോഡിൽ അഭ്യാസപ്രകടനം നടത്തിയ ഏഷ്യൻ വംശജരായ യുവാക്കളെ കുവൈത്ത് ആഭ്യന്തര മന്ത്രാലയം (MoI) അറസ്റ്റ് ചെയ്തു. സോഷ്യൽ മീഡിയയിൽ ഇവരുടെ അഭ്യാസപ്രകടനങ്ങളുടെ വീഡിയോ വൈറലായതിനെ തുടർന്നാണ് അധികൃതർ നടപടി സ്വീകരിച്ചത്. കഴിഞ്ഞ ദിവസങ്ങളിൽ സോഷ്യൽ മീഡിയയിൽ പ്രചരിച്ച വീഡിയോയിൽ, ആഡംബര കാറുകൾ ഉപയോഗിച്ച് പൊതുനിരത്തിൽ അപകടകരമായ രീതിയിൽ വാഹനമോടിക്കുകയും മറ്റ് യാത്രക്കാർക്കും പൊതുജനങ്ങൾക്കും ഭീഷണിയാകുന്ന തരത്തിൽ സ്റ്റണ്ടുകൾ കാണിക്കുകയും ചെയ്യുന്നത് ദൃശ്യമായിരുന്നു. ജലീബ് അൽ ശുയൂഖ് മേഖലയിലാണ് ഈ നിയമലംഘനങ്ങൾ നടന്നതെന്ന് പോലീസ് കണ്ടെത്തി.

വീഡിയോ ശ്രദ്ധയിൽപ്പെട്ട ഉടൻ തന്നെ ജനറൽ ട്രാഫിക് ഡിപ്പാർട്ട്‌മെന്റിലെ സെക്യൂരിറ്റി കൺട്രോൾ വിഭാഗം അന്വേഷണം ആരംഭിച്ചു. വീഡിയോ ദൃശ്യങ്ങൾ പരിശോധിച്ച് വാഹനങ്ങളും ഡ്രൈവർമാരെയും തിരിച്ചറിഞ്ഞ പോലീസ്, ഇവരെ പിടികൂടുകയായിരുന്നു. പിടിയിലായവർ ഏഷ്യൻ വംശജരാണെന്ന് അധികൃതർ സ്ഥിരീകരിച്ചു. പിടികൂടിയ ഡ്രൈവർമാർക്കെതിരെ കടുത്ത നിയമനടപടികളാണ് മന്ത്രാലയം സ്വീകരിച്ചിരിക്കുന്നത്. ഇവരുടെ ആഡംബര വാഹനങ്ങൾ പോലീസ് പിടിച്ചെടുത്തു. ഗതാഗത നിയമങ്ങൾ ലംഘിക്കുന്നവർക്കും പൊതുജനങ്ങളുടെ ജീവന് ഭീഷണിയാകുന്ന രീതിയിൽ പെരുമാറുന്നവർക്കുമെതിരെ വിട്ടുവീഴ്ചയില്ലാത്ത നടപടികൾ തുടരുമെന്ന് ആഭ്യന്തര മന്ത്രാലയം മുന്നറിയിപ്പ് നൽകി. റോഡുകളിൽ സുരക്ഷിതമായി വാഹനമോടിക്കണമെന്നും നിയമലംഘനങ്ങൾ ശ്രദ്ധയിൽപ്പെട്ടാൽ അധികൃതരെ അറിയിക്കണമെന്നും മന്ത്രാലയം പൊതുജനങ്ങളോട് അഭ്യർത്ഥിച്ചു.കുവൈത്തിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാകൂ https://chat.whatsapp.com/Du8AGPEDfJfGa0vgu1h2fL