അത്ര കോമഡി വേണ്ട; കുവൈറ്റിൽ കോമഡി ഷോകൾക്ക് നിയന്ത്രണം
ലൈസൻസിംഗ് ചട്ടങ്ങളും പൊതുധാർമ്മികതയുമായി ബന്ധപ്പെട്ട നിയമങ്ങളും പാലിക്കാത്ത സ്റ്റാൻഡ്-അപ്പ് കോമഡി ഷോകളുടെ നിർമ്മാതാക്കളെതിരെ കർശന നടപടി സ്വീകരിക്കുമെന്ന് നാഷണൽ കൗൺസിൽ ഫോർ കൾച്ചർ, ആർട്‌സ് ആൻഡ് ലെറ്റേഴ്‌സിലെ ആർട്ട്‌സ് സെക്ടർ അസിസ്റ്റൻ്റ് സെക്രട്ടറി ജനറൽ മുസൈദ് അൽ സാമെൽ അറിയിച്ചു. നിയമങ്ങളും ചട്ടങ്ങളും നടപ്പിലാക്കുന്നതിൽ എൻ.സി.സി.എ.എൽ യാതൊരു വിട്ടുവീഴ്ചയും കാണിക്കില്ലെന്നും അദ്ദേഹം വ്യക്തമാക്കി. കൗൺസിലിന്റെ നിർദ്ദേശങ്ങൾ ലംഘിക്കുകയോ, പൊതു മൂല്യങ്ങൾക്കും ധാർമ്മികതയ്ക്കും വിരുദ്ധമായ ഉള്ളടക്കം അവതരിപ്പിക്കുകയോ ചെയ്യുന്ന സ്ഥാപനങ്ങൾക്ക് നിയമപ്രകാരം പിഴ ചുമത്തുമെന്ന് മുന്നറിയിപ്പും നൽകി.
പൊതുജനാഭിരുചിയെയും സാമൂഹിക മൂല്യങ്ങളെയും ബഹുമാനിക്കുന്നതോടൊപ്പം ഉത്തരവാദിത്തമുള്ള കുവൈത്തി കലയുടെ പ്രതിച്ഛായ നിലനിർത്തുകയാണ് ഈ നടപടികളുടെ പ്രധാന ലക്ഷ്യമെന്ന് മുസൈദ് അൽ സാമെൽ കൂട്ടിച്ചേർത്തു.
കുവൈത്തിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാകൂ https://chat.whatsapp.com/CGq7tvib7k5LBv9cAtG52B?mode=wwt
ഹൃദയ സംബന്ധമായ രോഗങ്ങളെ ഇനി അകറ്റി നിർത്താം; ഈ ഭക്ഷണങ്ങൾ ശീലമാക്കൂ
ഇന്നത്തെ ജീവിതശൈലിയിൽ വ്യായാമക്കുറവും തെറ്റായ ഭക്ഷണശീലങ്ങളുമാണ് ഹൃദയരോഗങ്ങൾ വർധിക്കുന്നതിന്റെ പ്രധാന കാരണങ്ങളായി മാറിയിരിക്കുന്നത്. ഹൃദയത്തിൽ ബ്ലോക്ക് രൂപപ്പെടുന്നതിന് പിന്നിലും ഇതേ ഘടകങ്ങളാണ്. എന്നാൽ, ശരിയായ ഭക്ഷണക്രമം പിന്തുടരുന്നത് ഹൃദയാരോഗ്യം നിലനിർത്താനും ബ്ലോക്ക് രൂപപ്പെടുന്നത് തടയാനും സഹായിക്കുന്നു. ലോകാരോഗ്യ സംഘടനയുടെ കണക്കുകൾ പ്രകാരം, ഇന്ത്യയിലെ എല്ലാ മരണങ്ങളുടെയും ഏകദേശം 27 ശതമാനവും ഹൃദയസംബന്ധമായ അസുഖങ്ങളാണ് കാരണം. ഹൃദയാരോഗ്യത്തിന് അനുകൂലമായ ചില ‘സൂപ്പർ ഫുഡുകൾ’ ദിവസേനയുടെ ഭക്ഷണത്തിൽ ഉൾപ്പെടുത്തുന്നത് അത്യാവശ്യമാണ്.
ബീറ്റ്‌റൂട്ടിൽ അടങ്ങിയിരിക്കുന്ന നൈട്രേറ്റുകൾ ശരീരത്തിൽ നൈട്രിക് ഓക്‌സൈഡായി മാറി രക്തചംക്രമണം മെച്ചപ്പെടുത്തുന്നു — അതിനാൽ ബീറ്റ്‌റൂട്ട് കഴിക്കുന്നത് ഹൃദയത്തിന് നല്ലതാണ്. വാൾനട്ടിൽ അടങ്ങിയിരിക്കുന്ന ആൽഫ ലിനോലെനിക് ആസിഡും ആന്റിഓക്‌സിഡന്റുകളും ഹൃദയനാളങ്ങളുടെ ആരോഗ്യം നിലനിർത്താൻ സഹായിക്കുന്നു; ദിവസം ഒന്നോ രണ്ടോ വാൾനട്ട് കഴിക്കുന്നത് ശീലമാക്കണം.
സാൽമൺ പോലുള്ള ഒമേഗ–3 ഫാറ്റി ആസിഡുകൾ ധാരാളം അടങ്ങിയ മത്സ്യങ്ങൾ ട്രൈഗ്ലിസറൈഡ് നില കുറയ്ക്കുകയും രക്തനാളങ്ങളിലെ വീക്കം കുറയ്ക്കുകയും ചെയ്യുന്നു. ഡാർക്ക് ചോക്ലേറ്റിലെ ഫ്ലാവനോളുകൾ നൈട്രിക് ഓക്‌സൈഡ് ഉത്പാദനം വർധിപ്പിച്ച് ഹൃദയാരോഗ്യം മെച്ചപ്പെടുത്തുന്നു.
പൊട്ടാസ്യം, നാരുകൾ, വിറ്റാമിൻ സി, ഫ്ലേവനോയ്ഡുകൾ എന്നിവയാൽ സമ്പന്നമായ ഓറഞ്ച് ഹൃദയത്തെ കരുത്താർജ്ജിക്കാനും രക്തസമ്മർദ്ദം നിയന്ത്രിക്കാനും സഹായിക്കുന്നു. ആരോഗ്യമുള്ള ഹൃദയത്തിനായി ഈ ‘സൂപ്പർ ഫുഡുകൾ’ ദിവസേനയുടെ ഭക്ഷണത്തിൽ ഉൾപ്പെടുത്തണമെന്ന് വിദഗ്ധർ ശുപാർശ ചെയ്യുന്നു.
കുവൈത്തിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാകൂ https://chat.whatsapp.com/CGq7tvib7k5LBv9cAtG52B?mode=wwt
തുർക്കി പ്രസിഡന്റിന്റെ കുവൈറ്റ് സന്ദർശനം; കുവൈറ്റിൽ ഇന്ന് ഈ റോഡുകൾ അടച്ചിടും
തുർക്കി പ്രസിഡന്റ് റജബ് തയ്യിബ് എർദോഗന്റെ കുവൈത്ത് സന്ദർശനവുമായി ബന്ധപ്പെട്ട് ഇന്ന് (ചൊവ്വാഴ്ച) ഉച്ചയ്ക്ക് 12 മണി മുതൽ വിവിധ റോഡുകളിൽ ഗതാഗത നിയന്ത്രണം ഏർപ്പെടുത്തി. എർദോഗൻ എത്തുന്നത് വരെ ഈ നിയന്ത്രണം തുടരുമെന്ന് ആഭ്യന്തര മന്ത്രാലയം അറിയിച്ചു. അമീരി വിമാനത്താവളത്തിൽ നിന്ന് കിംഗ് ഫൈസൽ റോഡ് വരെ, അവിടെ നിന്ന് സിക്സ്ത് റിംഗ് റോഡുമായുള്ള ഇന്റർസെക്ഷൻ ഭാഗം വഴി കിംഗ് ഫഹദ് റോഡിലേക്കും ബയാൻ പാലസിന്റെ ഗേറ്റ് വരെയും നീളുന്ന പാതകളാണ് താൽക്കാലികമായി അടച്ചിടുക. ഈ സമയത്ത് യാത്രക്കാർ ഗതാഗത നിർദ്ദേശങ്ങൾ കൃത്യമായി പാലിക്കുകയും ബദൽ മാർഗങ്ങൾ സ്വീകരിക്കണമെന്നും മന്ത്രാലയം അഭ്യർത്ഥിച്ചു.
അതേസമയം, അറേബ്യൻ ഗൾഫ് റോഡിലെ രണ്ട് ലൈനുകൾ ഞായറാഴ്ച മുതൽ 20 ദിവസത്തേക്ക് അടച്ചിടുമെന്നും അധികൃതർ അറിയിച്ചു. കുവൈത്ത് എഞ്ചിനീയേഴ്‌സ് അസോസിയേഷൻ കെട്ടിട ഭാഗത്ത് നിന്ന് അമിരി ഹോസ്പിറ്റൽ ഭാഗത്തേക്കുള്ള ഇടത്, മധ്യ ലൈനുകളാണ് അടയ്ക്കുക. റോഡ് പുനർനിർമാണ പ്രവർത്തനങ്ങളാണ് ഇതിന് പിന്നിലെന്ന് അധികൃതർ വ്യക്തമാക്കി.
കുവൈത്തിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാകൂ https://chat.whatsapp.com/CGq7tvib7k5LBv9cAtG52B?mode=wwt
Comments (0)