കുവൈത്തിൽ ഇത്രയധികം മരുന്നുകളുടെ വിലയിൽ മാറ്റം; പുതിയ വിലനിലവാരം പ്രാബല്യത്തിൽ
കുവൈത്ത് സിറ്റി: കുവൈത്തിൽ 175 മരുന്നുകളുടെ വിലനിലവാരം മാറ്റിക്കൊണ്ടുള്ള സുപ്രധാനമായ ആരോഗ്യ മന്ത്രിയുടെ തീരുമാനം (നമ്പർ 252/2025) പ്രാബല്യത്തിൽ വന്നു. ഔദ്യോഗിക ഗസറ്റായ ‘കുവൈത്ത് അൽ-യൗമിൽ’ പ്രസിദ്ധീകരിച്ചതോടെയാണ് പുതിയ വിലനിലവാരം നിയമപരമായി നിലവിൽ വന്നത്.
പൊതുജനങ്ങൾക്ക് ആരോഗ്യ സേവനങ്ങൾ കൂടുതൽ താങ്ങാനാവുന്നതാക്കുക, ഫാർമസ്യൂട്ടിക്കൽ മേഖലയിൽ ഏകീകൃതമായ വിലനിർണ്ണയം ഉറപ്പാക്കുക എന്നിവ ലക്ഷ്യമിട്ടാണ് മരുന്നുകളുടെ വിലയിൽ മാറ്റം വരുത്താൻ സർക്കാർ തീരുമാനിച്ചത്.
ഈ തീരുമാനപ്രകാരം, 158 മരുന്നുകളുടെ വിലകൾക്ക് അംഗീകാരം നൽകുകയും 175 മരുന്നുകളുടെ നിലവിലുള്ള വിലകളിൽ മാറ്റം വരുത്തുകയും ചെയ്യും. ഇതിനുപുറമെ, പോഷകാഹാര സപ്ലിമെന്റുകളുടെ വിലനിലവാരം നിശ്ചയിക്കുന്നതിനുള്ള മറ്റൊരു സുപ്രധാന തീരുമാനം (നമ്പർ 251/2025) ആരോഗ്യ മന്ത്രി പുറത്തിറക്കിയിട്ടുണ്ട്. ഈ തീരുമാനം 24 പോഷകാഹാര സപ്ലിമെന്റുകളുടെ വിലകൾക്ക് അംഗീകാരം നൽകുന്നു.
കുവൈത്തിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാകൂ https://chat.whatsapp.com/CGq7tvib7k5LBv9cAtG52B?mode=wwt
ഇന്ത്യയുടെ പ്രതീക്ഷയായി കുവൈത്തിലെ മലയാളി വിദ്യാർത്ഥി: ഏഷ്യൻ യൂത്ത് ഗെയിംസിൽ മത്സരിക്കും
കുവൈത്ത് സിറ്റി: ബഹ്‌റൈനിൽ നടക്കുന്ന മൂന്നാമത് ഏഷ്യൻ യൂത്ത് ഗെയിംസിൽ ഇന്ത്യയെ പ്രതിനിധീകരിച്ച് കുവൈത്തിലെ മലയാളി വിദ്യാർത്ഥി പങ്കെടുക്കും. ഒക്ടോബർ 22 മുതൽ 31 വരെ നടക്കുന്ന ഈ കായിക മാമാങ്കത്തിലേക്ക് കുവൈത്തിലെ പ്ലസ് ടു വിദ്യാർത്ഥിയായ യുവ അത്‌ലറ്റ് നിഹാൽ കമാൽ തിരഞ്ഞെടുക്കപ്പെട്ടു.
100 മീറ്റർ ഓട്ടത്തിലും 1000 മീറ്റർ മെഡ്‌ലി റിലേയിലും നിഹാൽ ഇന്ത്യക്കായി ട്രാക്കിലിറങ്ങും. 45 ഏഷ്യൻ രാജ്യങ്ങളിൽ നിന്നുള്ള ഏകദേശം 8,000 യുവ അത്‌ലറ്റുകൾ ഈ ഒളിമ്പിക് ശൈലിയിലുള്ള കായികമേളയിൽ മത്സരിക്കും.
നിലവിൽ, ഒഡീഷയിലെ ഭുവനേശ്വറിൽ നടക്കുന്ന 40-ാമത് ദേശീയ ജൂനിയർ അത്‌ലറ്റിക്സ് ചാമ്പ്യൻഷിപ്പിൽ പങ്കെടുത്ത ശേഷം നിഹാൽ ഡൽഹിയിലെ ദേശീയ കോച്ചിംഗ് ക്യാമ്പിൽ പരിശീലനം നേടുകയാണ്. ഈ മാസം ആദ്യം സ്‌പോർട്‌സ് അതോറിറ്റി ഓഫ് ഇന്ത്യയുടെ ബാംഗ്ലൂർ കാമ്പസിലും അദ്ദേഹം പരിശീലനം നേടിയിരുന്നു.
കുവൈത്തിലെ ഡൽഹി പബ്ലിക് സ്‌കൂളിൽ 12-ാം ക്ലാസ് വിദ്യാർത്ഥിയായ നിഹാൽ, ഇന്ത്യയിലും കുവൈത്തിലും സ്‌കൂൾ, ദേശീയ തലങ്ങളിൽ തന്റെ കായിക പ്രതിഭ തെളിയിച്ചിട്ടുണ്ട്. ഏഷ്യൻ യൂത്ത് ഗെയിംസിൽ പങ്കെടുക്കുന്ന ഇന്ത്യൻ അത്‌ലറ്റിക്സ് ടീമിൽ കർണാടകയിൽ നിന്നും കേരളത്തിൽ നിന്നുമുള്ള ഏക അത്‌ലറ്റ് കൂടിയാണ് നിഹാൽ.
കാസർഗോഡ് മൊഗ്രാൽ പുത്തൂരിലെ ബള്ളൂർ സ്വദേശിയായ മുഹമ്മദ് കമാലിന്റെയും പൊയിനാച്ചിയിലെ മൈലാട്ടി സ്വദേശിനി റഹീന കമാലിന്റെയും മകനാണ് നിഹാൽ. നിലവിൽ ഇവർ മംഗലാപുരത്താണ് താമസിക്കുന്നത്.
കുവൈത്തിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാകൂ https://chat.whatsapp.com/CGq7tvib7k5LBv9cAtG52B?mode=wwt
ഗതാഗതക്കുരുക്ക് ഒഴിവാക്കാൻ വിപ്ലവകരമായ മാറ്റം: കുവൈത്തിൽ 591 തെരുവുകളുടെ പേര് മാറ്റും ഇനി നമ്പർ മാത്രം
കുവൈത്ത് സിറ്റി: രാജ്യത്തെ 591 തെരുവുകളുടെയും റോഡുകളുടെയും പേരുകൾ റദ്ദാക്കി അവയ്ക്ക് പകരം അക്കങ്ങൾ (നമ്പറുകൾ) നൽകാൻ മുനിസിപ്പൽ കൗൺസിൽ അംഗീകാരം നൽകി. പ്രധാനപ്പെട്ട 66 പ്രധാന തെരുവുകളുടെയും ഉപ-തെരുവുകളുടെയും പേരുകൾ നിലനിർത്താനും കൗൺസിൽ തീരുമാനിച്ചു. കൂടാതെ, മൂന്ന് തെരുവുകൾക്ക് അറബ് നഗരങ്ങളുടെയും തലസ്ഥാനങ്ങളുടെയും പേരുകൾ നൽകും.
ഞായറാഴ്ച നടന്ന അസാധാരണ കൗൺസിൽ യോഗത്തിലാണ് സുപ്രധാന തീരുമാനം ഉണ്ടായത്. പൊതുസ്ഥലങ്ങൾക്ക് പേര് നൽകുന്നതുമായി ബന്ധപ്പെട്ട് മന്ത്രിസഭാ തീരുമാനം (നമ്പർ 666/2025/19) പുറപ്പെടുവിച്ച പുതിയ മാർഗ്ഗനിർദ്ദേശങ്ങളോട് യോജിച്ച് പോകുന്നതാണ് പുതിയ പരിഷ്കാരം.
വ്യക്തികളുടെ പേര് നൽകുന്നതിന് നിയന്ത്രണം
പുതിയ നിയമമനുസരിച്ച്, കുവൈത്ത് അമീർ അല്ലെങ്കിൽ കിരീടാവകാശി ആയി സേവനമനുഷ്ഠിച്ച വ്യക്തികളുടെ പേരിലല്ലാതെ മറ്റാരുടെയും പേര് നഗരങ്ങൾക്കോ, പ്രാന്തപ്രദേശങ്ങൾക്കോ, പ്രദേശങ്ങൾക്കോ നൽകാൻ അനുവാദമില്ല.മുനിസിപ്പാലിറ്റി അംഗീകരിച്ച നിയമപരമായ ചട്ടക്കൂട് അനുസരിച്ച്, റോഡുകൾ, തെരുവുകൾ, സ്ക്വയറുകൾ എന്നിവയ്ക്ക് ഇനിപ്പറയുന്നവരുടെ പേരുകൾ മാത്രമേ നൽകാൻ പാടുള്ളൂ:
കുവൈത്ത് ഭരണാധികാരികൾ.
സൗഹൃദ രാഷ്ട്രങ്ങളിലെ രാജാക്കന്മാർ, സുൽത്താന്മാർ, പ്രസിഡന്റുമാർ.
ശ്രദ്ധേയരായ ചരിത്രപുരുഷന്മാർ.
ഭരണകുടുംബത്തിലെ ചില ശൈഖുമാർ.
പരസ്പര സഹകരണത്തിന്റെ തത്വമനുസരിച്ച് രാജ്യങ്ങളുടെയും നഗരങ്ങളുടെയും തലസ്ഥാനങ്ങളുടെയും പേരുകൾ.
പൊതുസ്ഥലങ്ങൾക്ക് പേര് നൽകുന്ന ദേശീയ നയവുമായി സ്ഥിരത ഉറപ്പാക്കാനും, പേര് നൽകുന്ന രീതിയിൽ സാംസ്കാരിക-നയതന്ത്ര സന്തുലിതാവസ്ഥ നിലനിർത്താനുമാണ് ഈ മാറ്റങ്ങളെന്ന് മുനിസിപ്പാലിറ്റി വ്യക്തമാക്കി.
കുവൈത്തിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാകൂ https://chat.whatsapp.com/CGq7tvib7k5LBv9cAtG52B?mode=wwt
ക്രെഡിറ്റ് കാർഡ് സൗജന്യം, പരാതികൾക്ക് 5 ദിവസത്തിനകം തീർപ്പ്: ബാങ്ക് ഉപഭോക്താക്കൾക്കായി കുവൈത്തിൽ പുതിയ നിയമങ്ങൾ
കുവൈത്ത് സിറ്റി: വ്യക്തിഗത ഉപഭോക്താക്കളുടെ അവകാശങ്ങൾ സംരക്ഷിക്കുന്നതിന്റെ ഭാഗമായി കുവൈത്ത് സെൻട്രൽ ബാങ്ക് ‘ബാങ്ക് കസ്റ്റമർ പ്രൊട്ടക്ഷൻ ഗൈഡ്’ എന്ന പേരിൽ പുതിയ മാർഗ്ഗനിർദ്ദേശങ്ങൾ പുറത്തിറക്കി. ഉപഭോക്തൃ അവകാശങ്ങൾ സംരക്ഷിക്കാനും ബാങ്കിംഗ് സേവനങ്ങളുടെ സുതാര്യത വർദ്ധിപ്പിക്കാനുമാണ് പുതിയ നടപടി.
പ്രധാന നിർദ്ദേശങ്ങൾ:
പരാതികൾ 5 ദിവസത്തിനകം: ഉപഭോക്തൃ പരാതികളിന്മേലുള്ള നടപടിക്രമങ്ങൾ 5 പ്രവൃത്തി ദിവസങ്ങൾക്കകം പൂർത്തിയാക്കണം. നിലവിൽ ഇതിനായി 15 പ്രവൃത്തി ദിവസമാണ് അനുവദിച്ചിരുന്നത്.
സൗജന്യ ക്രെഡിറ്റ് കാർഡ്: ഉപഭോക്താക്കൾക്ക് വിസ, മാസ്റ്റർ ക്രെഡിറ്റ് കാർഡുകൾ ആദ്യ വർഷം സൗജന്യമായി നൽകണം.
സമ്മതം നിർബന്ധം: സൗജന്യ കാലാവധി പൂർത്തിയായ ശേഷം ക്രെഡിറ്റ് കാർഡുകൾ പുതുക്കുന്നതിന് ഉപഭോക്താവിന്റെ രേഖാമൂലമുള്ള സമ്മതം നിർബന്ധമാണ്.
ഫീസുകൾ ഈടാക്കരുത്: മാസ്റ്റർകാർഡ്, വിസ ക്രെഡിറ്റ് കാർഡ് സേവനങ്ങൾക്ക് ഉപഭോക്താക്കളിൽ നിന്ന് യാതൊരുവിധ ഫീസുകളോ ചാർജുകളോ ഈടാക്കാൻ ബാങ്കുകൾക്ക് അർഹത ഉണ്ടായിരിക്കില്ല.
സമൂഹത്തിലെ എല്ലാ വിഭാഗങ്ങൾക്കും സാമ്പത്തിക, ബാങ്കിംഗ് സേവനങ്ങൾ ലഭ്യമാകുന്നുണ്ടെന്ന് ഉറപ്പാക്കാനും പുതിയ മാർഗ്ഗനിർദ്ദേശങ്ങൾ ലക്ഷ്യമിടുന്നു. 2026 ഏപ്രിൽ അവസാനത്തോടെ പുതിയ തീരുമാനം നടപ്പിലാക്കുമെന്നാണ് പ്രതീക്ഷിക്കുന്നത്.
കുവൈത്തിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാകൂ https://chat.whatsapp.com/CGq7tvib7k5LBv9cAtG52B?mode=wwt
“നല്ലനടപ്പിന്” ജാമ്യം: കുവൈത്തിൽ പിസ്സ ഹട്ടിന് തീയിട്ട പ്രവാസിക്ക് തടവ് ശിക്ഷയിൽ ഇളവ്
കുവൈത്ത് സിറ്റി: ജാബ്രിയയിലെ പിസ്സ ഹട്ട് ശാഖയ്ക്ക് തീയിട്ട കേസിൽ പ്രതിയായ ജോർദാൻ പൗരന് കാസേഷൻ കോടതി ജാമ്യം അനുവദിച്ചു. കീഴ്ക്കോടതികൾ വിധിച്ച രണ്ട് വർഷം തടവ് ശിക്ഷ റദ്ദാക്കിയ കോടതി, ഒരു വർഷത്തേക്ക് നല്ലനടപ്പ് ഉറപ്പാക്കണമെന്ന് പ്രതിയോട് ഉത്തരവിട്ടു. കൂടാതെ, 300 കുവൈത്ത് ദിനാർ ജാമ്യത്തുകയായി കെട്ടിവെക്കാനും കോടതി നിർദേശിച്ചിട്ടുണ്ട്.
റൂമൈത്തിയയിലെ ഒരു സ്റ്റാർബക്സ് ശാഖയ്ക്ക് തീയിട്ട കേസിലും പ്രതിക്ക് സമാനമായ രീതിയിൽ ശിക്ഷയിൽ ഇളവ് ലഭിച്ചിരുന്നു. ഇത് പരിഗണിച്ചാണ്, പിസ്സ ഹട്ട് കേസിൽ ഇത്തവണയും തടവ് ഒഴിവാക്കി നല്ലനടപ്പിന് ഉത്തരവിട്ടുകൊണ്ട് കാസേഷൻ കോടതി വിധി പ്രസ്താവിച്ചത്.
കുവൈത്തിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാകൂ https://chat.whatsapp.com/CGq7tvib7k5LBv9cAtG52B?mode=wwt
40 വർഷം നീണ്ട പ്രവാസ ജീവിതം, ചികിത്സയിലിരിക്കെ മരണം: പ്രവാസി മലയാളി കുവൈത്തിൽ അന്തരിച്ചു
കുവൈത്ത് സിറ്റി: കാസർകോട് കുമ്പള താഴെ ഉളുവാറിലെ കെ.വി. അബ്ദുറഹ്മാൻ (60) കുവൈത്തിൽ അന്തരിച്ചു. ഒരാഴ്ച മുൻപ് ഹൃദയാഘാതമുണ്ടായതിനെ തുടർന്ന് ആശുപത്രിയിൽ ചികിത്സയിലായിരുന്ന അദ്ദേഹത്തിന്റെ മരണം സ്ഥിരീകരിക്കുകയായിരുന്നു.
നാല് പതിറ്റാണ്ടിലേറെയായി കുവൈത്തിലെ പ്രവാസിയായിരുന്നു അബ്ദുറഹ്മാൻ. മൃതദേഹം നാട്ടിലെത്തിക്കുന്നതിനുള്ള നിയമപരമായ നടപടികൾ പൂർത്തിയാക്കി വരികയാണെന്ന് ബന്ധുക്കൾ അറിയിച്ചു.
ഭാര്യ: ആയിഷ. ഏക മകൾ: താഹിറ. മരുമകൻ: ഉസ്മാൻ. സഹോദരങ്ങൾ: മുഹമ്മദ്, ഇബ്രാഹിം, ഖദീജ, ആയിഷ, സൈനബ. പരേതരായ അന്തുഞ്ഞി, അബ്ബാസ് എന്നിവരാണ് സഹോദരങ്ങൾ.
കുവൈത്തിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാകൂ https://chat.whatsapp.com/CGq7tvib7k5LBv9cAtG52B?mode=wwt
നാട്ടിലേക്ക് പണം അയയ്ക്കാൻ ഇത് നല്ല സമയമാണോ?; ഇന്നത്തെ കുവൈത്ത് ദിനാർ – രൂപ വിനിമയ നിരക്ക് ഇപ്രകാരം
ഇന്നത്തെ കറൻസി ട്രേഡിംഗ് അനുസരിച്ച്, യുഎസ് ഡോളറിനെതിരെയുള്ള ഇന്ത്യൻ രൂപയുടെ വിനിമയ നിരക്ക് 88.010225 ആയി. അതേസമയം, ഇന്ന് ഒരു കുവൈത്ത് ദീനാറിന്റെ മൂല്യം 287.61 ആയി. അതായത് 3.47 ദിനാർ നൽകിയാൽ 1000 ഇന്ത്യൻ രൂപ ലഭിക്കും.
കുവൈത്തിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാകൂ https://chat.whatsapp.com/CGq7tvib7k5LBv9cAtG52B?mode=wwt
Comments (0)