പ്രാദേശികമായി കുവൈറ്റിൽ ഉത്പാദിപ്പിക്കുന്ന പാചക വാതകം ഉയർന്ന വിലയിൽ വില്പന നടത്തുന്നത് തടയാൻ വാണിജ്യ മന്ത്രാലയം പുതിയ നിയന്ത്രണങ്ങൾ ഏർപ്പെടുത്തുന്നു. ഗാർഹിക മേഖലയ്ക്കായി സർക്കാർ സബ്‌സിഡി നൽകുന്ന പാചക വാതകം ഉയർന്ന വിലയ്ക്ക് വാണിജ്യ മേഖലയിലെ ഉപഭോക്താക്കൾക്ക് പുനർവിൽപ്പന നടത്തുന്നത് തടയുവാൻ കൂടി ലക്ഷ്യമാക്കിയാണ് നിയന്ത്രണങ്ങൾ ഏർപ്പെ ടുത്തുന്നത്. ഇതിന്റെ ഭാഗമായി, വാണിജ്യ വ്യവസായ മന്ത്രാലയം കുവൈത്ത് ഓയിൽ ടാങ്കർ കമ്പനിയുമായി വിപുലമായ ഏകോപനം ആരംഭിച്ചു. മന്ത്രാലയത്തിന്റെ പരിശോധനാ പരിധി ജം ഇയ്യ കളിലേക്കും സെൻട്രൽ മാർക്കറ്റുകളിലേക്കും വ്യാപിപ്പിച്ചതോടൊപ്പം തന്നെ കരിഞ്ചന്തകൾ തടയുന്നതിനുള്ള ശ്രമങ്ങളും ഇതിനകം ആരംഭിച്ചു കഴിഞ്ഞു. പാചക വാതക സിലിണ്ടറുകളുടെയും അനുബന്ധ ഉപകരണങ്ങളുടെയും ഇറക്കുമതി, വിതരണം എന്നിവ കുവൈത്ത് ഓയിൽ ടാങ്കർ കമ്പനി വഴി അല്ലാതെ നടത്തുന്നതിനു നിരോധനം ഏർപ്പെടുത്തുവാനും ആലോചിച്ചു വരികയാണ്. അതെ പോലെ റെസ്റ്റോറന്റുകൾ, സെൻട്രൽ കിച്ചണുകൾ, ഹോട്ടലുകൾ, മറ്റ് വാണിജ്യ ആവശ്യങ്ങൾ എന്നിവക്കായി ഉപയോഗിക്കുന്ന ദ്രവീകൃത ഗ്യാസ് സിലിണ്ടറുകളും വീടുകളിലെ ആവശ്യങ്ങൾക്കായി ഉപയോഗിക്കുന്ന സിലിണ്ടറുകളും തമ്മിൽ വേർതിരിക്കപ്പെടും. വാണിജ്യ ആവശ്യങ്ങൾക്കായി ഉപയോഗിക്കുന്ന പാചക വാതക സിലിണ്ടറുകളുടെ അളവ് 25 കിലോ ഗ്രാം മാത്രം വലിപ്പമുള്ളതായി നിജ പ്പെടുത്തുവാനും മന്ത്രാലയം ആലോചിക്കുന്നുണ്ട്.കുവൈത്തിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാകൂ https://chat.whatsapp.com/JwjTxtP7SMiEbr9IDkTJiK?mode=ems_copy_c
