അടിമുടി അനധികൃത പ്രവർത്തനങ്ങൾ; കുവൈത്തിൽ 19 സ്ഥാപനങ്ങൾക്ക് പൂട്ടുവീണു
കുവൈത്തിൽ ലൈസൻസില്ലാതെയും നിയമവിരുദ്ധമായും പ്രവർത്തിച്ചിരുന്ന 19 വാണിജ്യ സ്ഥാപനങ്ങൾക്ക് പൂട്ടുവീണു. ജലീബ്-അൽ-ശുയൂഖ്, ഖൈത്താൻ എന്നിവിടങ്ങളിൽ ആഭ്യന്തര മന്ത്രാലയം നടത്തിയ പരിശോധനയിലാണ് ഈ സ്ഥാപനങ്ങൾ അടപ്പിച്ചത്.
ഒന്നാം ഉപപ്രധാനമന്ത്രിയും ആഭ്യന്തര മന്ത്രിയുമായ ശൈഖ് ഫഹദ് യൂസഫ് സൗദ് അൽ-സബാഹിന്റെ നിർദ്ദേശപ്രകാരമാണ് പരിശോധന നടന്നത്. പരിശോധനയിൽ 26 നിയമലംഘകരെ അറസ്റ്റ് ചെയ്തു. അനധികൃതമായി പ്രവർത്തിച്ചിരുന്ന മൊബൈൽ ഗ്രോസറി ഷോപ്പുകളും അധികൃതർ നീക്കം ചെയ്തു.
നിയമലംഘകർക്കെതിരെ കർശന നടപടി സ്വീകരിക്കാനും പരിശോധനകൾ ശക്തമാക്കാനും ആഭ്യന്തര മന്ത്രി ഉദ്യോഗസ്ഥർക്ക് നിർദേശം നൽകി. നിയമലംഘനങ്ങൾ തടയുക, പൊതുസുരക്ഷ ഉറപ്പാക്കുക എന്നിവയാണ് ഈ നടപടികളുടെ പ്രധാന ലക്ഷ്യം.
കുവൈത്തിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാകൂ https://chat.whatsapp.com/JwjTxtP7SMiEbr9IDkTJiK?mode=ems_copy_c
Comments (0)