നിയമലംഘനം; കുവൈത്തിൽ 11 പബ്ലിക് അസോസിയേഷനുകൾ പിരിച്ചുവിട്ടു
കുവൈത്ത് സാമ്പത്തികകാര്യ മന്ത്രാലയം 11 പബ്ലിക് അസോസിയേഷനുകളെ പിരിച്ചുവിട്ടു. നിയമലംഘനങ്ങൾ ആവർത്തിച്ചതിനെ തുടർന്നാണ് ഈ നടപടി. ഈ അസോസിയേഷനുകൾക്ക് നേരത്തെ മൂന്ന് തവണ മുന്നറിയിപ്പുകൾ നൽകിയിരുന്നെങ്കിലും അവ പാലിക്കുന്നതിൽ പരാജയപ്പെട്ടതിനെ തുടർന്നാണ് മന്ത്രാലയം കർശന നടപടി സ്വീകരിച്ചത്.
നടപടി സുതാര്യത ഉറപ്പാക്കാൻ
ലാഭേച്ഛയില്ലാതെ പ്രവർത്തിക്കുന്ന സംഘടനകളുടെ പ്രവർത്തനം നിയന്ത്രിക്കുന്നതിനും അവയെ നിയമങ്ങൾക്കും ചട്ടങ്ങൾക്കും വിധേയമാക്കുന്നതിന്റെയും ഭാഗമായാണ് ഈ നടപടിയെന്ന് സാമൂഹികകാര്യ മന്ത്രാലയം അറിയിച്ചു. സിവിൽ സൊസൈറ്റി സംഘടനകൾക്ക് മികച്ച പ്രവർത്തന സാഹചര്യവും സുതാര്യമായ നിയന്ത്രണവും ഉറപ്പാക്കാൻ സർക്കാർ പ്രതിജ്ഞാബദ്ധമാണെന്നും മന്ത്രാലയം വ്യക്തമാക്കി. നിയമങ്ങൾ പാലിക്കാത്ത സംഘടനകൾക്കെതിരായ നടപടികൾ തുടരുമെന്നും മന്ത്രാലയം കൂട്ടിച്ചേർത്തു.
എല്ലാ ലാഭേച്ഛയില്ലാത്ത സ്ഥാപനങ്ങളോടും നിയമപരമായി പ്രവർത്തിക്കാനും രാജ്യത്തിന്റെ വികസന ലക്ഷ്യങ്ങൾക്ക് പിന്തുണ നൽകാനും മന്ത്രാലയം ആഹ്വാനം ചെയ്തു.
കുവൈത്തിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാകൂ https://chat.whatsapp.com/ElaG9HX6VACJt6K2QWAEKx
Comments (0)