
രണ്ടു വർഷത്തോളം വിവിധ സ്ഥലങ്ങളിൽ എത്തിച്ച് പീഡിപ്പിച്ചു; റാപ്പർ വേടനെതിരെ യുവഡോക്ടറുടെ പരാതി
റാപ്പർ വേടനെതിരെ യുവഡോക്ടറുടെ പരാതിയിൽ ബലാത്സംഗ കേസ് രജിസ്റ്റർ ചെയ്തു. വിവാഹ വാഗ്ദാനം നൽകി 2021 ഓഗസ്റ്റ് മുതൽ 2023 മാർച്ച് വരെ വിവിധ സ്ഥലങ്ങളിൽ വെച്ച് പീഡിപ്പിച്ചു എന്നാണ് പരാതിയിൽ പറയുന്നത്. തൃക്കാക്കര പോലീസാണ് കേസെടുത്തിരിക്കുന്നത്.
തൃക്കാക്കര എസിപി ഷിജു പി.എസ്. പറഞ്ഞതനുസരിച്ച്, ഇന്നലെയാണ് യുവതിയുടെ പരാതി ലഭിച്ചത്. കേസ് രജിസ്റ്റർ ചെയ്ത് അന്വേഷണം നടന്നുവരികയാണ്. സമൂഹമാധ്യമങ്ങളിലൂടെയാണ് ഇരുവരും പരിചയപ്പെട്ടത്. കോഴിക്കോടുള്ള ഫ്ലാറ്റിൽ വെച്ചാണ് ആദ്യമായി പീഡിപ്പിച്ചതെന്നും പിന്നീട് പല സ്ഥലങ്ങളിലും കൊണ്ടുപോയി പീഡിപ്പിച്ചെന്നും പരാതിയിൽ പറയുന്നു. ബന്ധത്തിൽ നിന്ന് പിന്മാറിയപ്പോഴാണ് യുവതി പരാതി നൽകിയത്.
പോലീസ് യുവതിയുടെ മൊഴി പരിശോധിച്ചുവരികയാണ്. അതിനുശേഷം തുടർനടപടികൾ സ്വീകരിക്കുമെന്ന് പോലീസ് അറിയിച്ചു. ഭാരതീയ ന്യായ് സംഹിത വരുന്നതിന് മുൻപുള്ള സംഭവമായതുകൊണ്ട്, ഐപിസി 376 (2) വകുപ്പ് പ്രകാരമാണ് കേസെടുത്തിരിക്കുന്നത്. തൃക്കാക്കര സ്റ്റേഷൻ പരിധിയിൽവെച്ച് ബലാത്സംഗം നടന്നതിനാലാണ് കൊച്ചിയിൽ കേസ് രജിസ്റ്റർ ചെയ്തത്. പ്രണയം നടിച്ച് ബലാത്സംഗം ചെയ്ത ശേഷം ഒഴിവാക്കിയെന്ന് യുവതിയുടെ മൊഴിയിൽ പറയുന്നു. യുവതിയുടെ വിശദമായ മൊഴി രേഖപ്പെടുത്തിയ ശേഷമാണ് പോലീസ് പുലർച്ചെ എഫ്ഐആർ രജിസ്റ്റർ ചെയ്തത്.
കുവൈത്തിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാകൂ https://chat.whatsapp.com/LXkAQWFENhKJ0MX7QxTdN5?mode=ac_t
Comments (0)