നിയമം തെറ്റിച്ചാൽ പിടിവീഴും; കുവൈത്തിൽ നിർമാണ സൈറ്റിൽ മിന്നൽ പരിശോധന; 44 നിയമവിരുദ്ധ തൊഴിലാളികൾ പിടിയിൽ
നിർമ്മാണ സൈറ്റിൽ നടത്തിയ മിന്നൽ പരിശോധനയിൽ 44 നിയമവിരുദ്ധ തൊഴിലാളികൾ പിടിയിലായി. ഒന്നാം ഉപപ്രധാനമന്ത്രിയും ആഭ്യന്തര മന്ത്രിയുമായ ശൈഖ് ഫഹദ് യൂസഫ് സഊദ് അസ്സബാഹിന്റെ നിർദ്ദേശപ്രകാരം, സംയുക്ത ത്രികക്ഷി സമിതിയുമായി ഏകോപിപ്പിച്ച് പബ്ലിക് അതോറിറ്റി ഫോർ മാൻപവർ (PAM) ആണ് ഈ പരിശോധന നടത്തിയത്.
പരിശോധനയിൽ വിവിധ തൊഴിൽ നിയമ ലംഘനങ്ങൾ കണ്ടെത്തി:
മറ്റെ സ്പോൺസർമാർക്ക് കീഴിൽ ജോലി ചെയ്യുന്ന തൊഴിലാളികൾ.
പെർമിറ്റിൽ രേഖപ്പെടുത്തിയിട്ടില്ലാത്ത ജോലികൾ ചെയ്യുന്ന തൊഴിലാളികൾ.
നിയമവിരുദ്ധമായി രാജ്യത്ത് താമസിക്കുന്നവർ.
പിടിയിലായവരിൽ 12 പേർ വീട്ടുജോലിക്കാർക്കുള്ള വിസയുള്ളവരാണ്. ഒരാൾ ഇടയൻ വിഭാഗത്തിൽപ്പെട്ട തൊഴിലാളിയും, മൂന്നുപേർ താമസ നിയമം ലംഘിച്ചവരുമാണ്. കൂടാതെ, സൈറ്റിൽ പ്രവർത്തിക്കാൻ ലൈസൻസില്ലാത്ത കമ്പനികളായ അറബ് കോൺട്രാക്ടേഴ്സ്, ഫസ്റ്റ് ഗ്രൂപ്പ് എന്നിവ 28 തൊഴിലാളികളെ ജോലിക്കെടുത്തിരുന്നു. ആവശ്യമായ പെർമിറ്റുകളില്ലാതെയാണ് ഇവർ ജോലി ചെയ്തിരുന്നത്.
തൊഴിൽ നിയമങ്ങൾ നടപ്പിലാക്കുന്നതിനും സുരക്ഷിതവും ചിട്ടയായതുമായ തൊഴിൽ അന്തരീക്ഷം സൃഷ്ടിക്കുന്നതിനുള്ള നയത്തിന്റെ ഭാഗമായാണ് ഈ പരിശോധനയെന്ന് പബ്ലിക് അതോറിറ്റി ഫോർ മാൻപവർ വ്യക്തമാക്കി. ഇത്തരം പരിശോധനകൾ തുടരുമെന്നും നിയമലംഘകർ കർശനമായ നടപടികൾ നേരിടേണ്ടി വരുമെന്നും PAM മുന്നറിയിപ്പ് നൽകി.
കുവൈത്തിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാകൂ https://chat.whatsapp.com/LXkAQWFENhKJ0MX7QxTdN5?mode=ac_t
Comments (0)