മയക്കുമരുന്ന് കേസിൽ കുവൈത്തിൽ നാല് പ്രവാസികൾക്ക് വധശിക്ഷ
കുവൈത്തിൽ മയക്ക് മരുന്ന് കടത്ത് കേസിൽ നാല് ഇറാൻ പൗരന്മാർക്ക് വധ ശിക്ഷ. ക്രിമിനൽ കോടതി ജഡ്ജി നയീഫ് അൽ ദഹൂമിന്റെ നേതൃത്വത്തിലുള്ള ബഞ്ചാണ് വിധി പുറപ്പെടുവിച്ചത്. ഒരു ദശലക്ഷം ദിനാർ വിലമതിക്കുന്ന 350 കിലോഗ്രാം ഹാഷിഷ് കടൽ മാർഗം കുവൈത്തിലേക്ക് കടത്താൻ ശ്രമിച്ച കേസിലാണ് ശിക്ഷ. മയക്കുമരുന്ന് വിരുദ്ധ വിഭാഗം ഉദ്യോഗസ്ഥരും തീരസംരക്ഷണ സേനയും നടത്തിയ പരിശോധനയിലാണ് നേരത്തെ ഇവരെ അറസ്റ്റ് ചെയ്തത്.മയക്ക് മരുന്ന് അടങ്ങിയ 13 ബാഗുകളാണ് ഇവരിൽ നിന്ന് പിടിച്ചെടുത്തത്.
കുവൈത്തിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാകൂ https://chat.whatsapp.com/ElaG9HX6VACJt6K2QWAEKx
Comments (0)