കുവൈറ്റ് സിറ്റി: കുവൈറ്റില്‍ 1,800 പ്രവാസി അധ്യാപകരുടെ സേവനം അവസാനിപ്പിക്കാന്‍ പദ്ധതിയൊരുങ്ങുന്നതായി റിപ്പോര്‍ട്ടുകൾ. ഇനി പകരം ആവശ്യത്തിന് സ്വദേശി അധ്യാപകർ ലഭ്യമായ മേഖലകളിലെ പ്രവാസി അധ്യാപകരെയായിരിക്കും ഇത് ബാധിക്കുക. പ്രത്യേകിച്ചും ഇസ്ലാമിക വിദ്യാഭ്യാസം, സാമൂഹിക പഠനം, കമ്പ്യൂട്ടറുകള്‍, ആര്‍ട്ട് എജ്യുക്കേഷന്‍, മ്യൂസിക് തുടങ്ങിയ വിഷയങ്ങളിലായിരിക്കും ഇതെന്നും റിപ്പോര്‍ട്ടില്‍ പറയുന്നു.
മന്ത്രാലയത്തിലെ പൊതുവിദ്യാഭ്യാസ മേഖല, ആവശ്യമായ നടപടികൾ സ്വീകരിക്കുന്നതിന് അധ്യാപകരുടെ പേരുകളുടെ ഒരു ലിസ്റ്റ് അഡ്മിനിസ്ട്രേറ്റീവ് സെക്ടറിന് നൽകിയിട്ടുണ്ടെന്നാണ് വിദ്യാഭ്യാസ വൃത്തങ്ങള്‍ പറയുന്നത്. വിദ്യാഭ്യാസ സ്റ്റാഫിലെ ഈ വലിയ അംഗങ്ങളുടെ സേവനം അവസാനിപ്പിക്കുന്നതിനുള്ള സംവിധാനം വികസിപ്പിക്കുന്നതിനും തീരുമാനങ്ങൾ അവരെ അറിയിക്കുന്നതിനും പിരിച്ചുവിടൽ കത്തിൽ ഒപ്പിടുന്നതിനുമുള്ള തീയതികൾ നിശ്ചയിക്കുന്നതിനുമായി ഒരു യോഗം ഉടൻ നടക്കുമെന്നും റിപ്പോര്‍ട്ട് വ്യക്തമാക്കുന്നു.
കുവൈത്തിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാകൂ https://chat.whatsapp.com/Kip2VKeybyv3OLUZ2htMB1
