കോവിഡ് 19 യാത്രാ നിയന്ത്രണങ്ങളും പൊതുവായ ആരോഗ്യ മാർഗ്ഗനിർദ്ദേശങ്ങളും സംബന്ധിച്ച ശുപാർശകൾ ദേശീയ അസംബ്ലി അംഗീകരിച്ചു. പ്രതിരോധ കുത്തിവയ്പ് എടുക്കാത്ത ആളുകളുടെ യാത്രാ നിയന്ത്രണങ്ങൾ ഉടനടി എടുത്തുകളയുന്നതും, വാക്‌സിനേഷൻ എടുക്കാത്ത രാജ്യങ്ങളിലേക്ക് യാത്ര ചെയ്യാൻ അനുവദിക്കുന്നതും ആദ്യ ശുപാർശയിൽ ഉൾപ്പെടുന്നു. രണ്ടാമത്തെ ശുപാർശയിൽ, രണ്ട് ഡോസ് വാക്‌സിൻ സ്വീകരിച്ചവരെ പൂർണ്ണമായി വാക്സിനേഷൻ എടുത്തവരായി അംഗീകരിക്കാനാണ് തീരുമാനം. മൂന്നാമത്തേ ശുപാർശയിൽ വാക്സിനേഷൻ എടുക്കാത്ത കുട്ടികളെയും വാക്സിനേഷൻ എടുത്ത കുട്ടികളെയും തുല്യമായി പരിഗണിക്കണമെന്ന് ആവശ്യപ്പെടുന്നു. നാലാമത്തെ ശുപാർശ പ്രകാരം, തിരികെയെത്തുന്ന കുവൈറ്റ് പൗരന്മാർ നാട്ടിലേക്ക് മടങ്ങുന്നതിന് മുൻപുള്ള പരിശോധനകളിൽ നിന്ന് ഒഴിവാക്കി, എത്തിച്ചേരുമ്പോൾ ഒരൊറ്റ പിസിആർ ടെസ്റ്റ് മാത്രമേ നടത്താവൂ എന്നും പറയുന്നു. കൂടാതെ, കോവിഡ്-19 വാക്‌സിനുകൾ സംബന്ധിച്ച പരാതികൾ പരിശോധിക്കുന്നതിനായി നിഷ്പക്ഷ സാമൂഹിക, നിയമ, വിദ്യാഭ്യാസ, സാമ്പത്തിക നിരീക്ഷണ സമിതി രൂപീകരിക്കും. കുവൈത്തിലെ വാർത്തകൾ അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാകൂ https://chat.whatsapp.com/DeucgGb3r0Z8YuXraSRSSo