കുവൈറ്റിൽ പ്രവാസി മലയാളി യുവാവ് ബാഡ്മിന്റൺ കോർട്ടിൽ കുഴഞ്ഞ് വീണ് മരിച്ചു
കുവൈറ്റിൽ മലയാളി യുവാവ് ബാഡ്മിന്റൺ കോർട്ടിൽ കുഴഞ്ഞ് വീണ് മരിച്ചു. എറണാകുളം പെരുമ്പടപ്പ് സ്വദേശിയായ ജേക്കബ് ചാക്കോ ആണ് (43 വയസ്) ആണ് മരണമടഞ്ഞത്. കുടുംബ സമേതം സാൽമിയയിൽ താമസിച്ച് വരികയായിരുന്നു. ഭാര്യ:പാർവതി. ഇന്ത്യൻ എക്സലൻസി സ്കൂൾ സാൽമിയയിലെ വിദ്യാർത്ഥികളായ നാഥാൻ, നയന എന്നിവർ മക്കളാണ്. ഒ.ഐ.സി.സി കുവൈത്ത് കെയർ ടീമിന്റെ നേതൃത്വത്തിൽ മൃതദേഹം നാട്ടിലേക്ക് കൊണ്ടുപോകുന്നതിനുള്ള നടപടിക്രമങ്ങൾ പുരോഗമിക്കുന്നു.
കുവൈത്തിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാകൂ https://chat.whatsapp.com/JwjTxtP7SMiEbr9IDkTJiK?mode=ems_copy_c
ബാച്ചിലർമാർക്ക് ഫ്ലാറ്റ് വാടകയ്ക്ക് നൽകിയ കേസ്: കുവൈത്തിൽ ബിസിനസുകാരിയെ കോടതി കുറ്റവിമുക്തയാക്കി
കുവൈത്ത് സിറ്റി: സബാഹ് അൽ-അഹ്മദ് കോസ്റ്റൽ ഏരിയയിലെ സ്വകാര്യ റെസിഡൻഷ്യൽ പ്ലോട്ടുകളിൽ ബാച്ചിലർമാർക്ക് റെസിഡൻഷ്യൽ യൂണിറ്റുകൾ വാടകയ്ക്ക് നൽകിയെന്ന കേസിൽ കുവൈത്ത് ബിസിനസുകാരിയെ മിസ്‌ഡിമെനർ കോടതി കുറ്റവിമുക്തയാക്കി.
കുടുംബങ്ങൾക്ക് മാത്രം താമസിക്കാൻ അനുമതിയുള്ള മേഖലകളിൽ ബാച്ചിലർമാരുടെ സാന്നിധ്യം സംബന്ധിച്ച് കുവൈത്ത് മുനിസിപ്പാലിറ്റിക്ക് പരാതി ലഭിച്ചതിനെ തുടർന്നാണ് കേസ് രജിസ്റ്റർ ചെയ്തത്. മുനിസിപ്പാലിറ്റി ഇൻസ്‌പെക്ടറുടെ റിപ്പോർട്ടിന്റെ അടിസ്ഥാനത്തിൽ നടത്തിയ അന്വേഷണത്തിൽ പ്രതിയുടെ ഉടമസ്ഥതയിലുള്ള സ്ഥലത്തും നിയമലംഘനം നടന്നതായി കണ്ടെത്തി. തുടർന്ന് ഇൻസ്‌പെക്ടർ വസ്തു ഉടമകൾക്ക് ഒഴിപ്പിക്കൽ നോട്ടീസ് നൽകിയെങ്കിലും മറുപടി ലഭിക്കാത്തതിനെത്തുടർന്ന് ബിസിനസുകാരിക്കെതിരെ റിപ്പോർട്ട് സമർപ്പിച്ചു.
ബിസിനസുകാരിക്ക് വേണ്ടി ഹാജരായ അഭിഭാഷകൻ ഇനാം ഹൈദർ, ഈ ആരോപണങ്ങൾ തെറ്റാണെന്നും അടിസ്ഥാനരഹിതമാണെന്നും വാദിച്ചു. തന്റെ കക്ഷിയാണ് ബാച്ചിലർമാർക്ക് വസ്തു വാടകയ്ക്ക് നൽകിയതെന്ന് തെളിയിക്കുന്ന രേഖകളൊന്നും കേസ് ഫയലിൽ ഇല്ലെന്നും അദ്ദേഹം ചൂണ്ടിക്കാട്ടി.
അഭിഭാഷകന്റെ വാദങ്ങൾ അംഗീകരിച്ച കോടതി, ആരോപണം ‘അടിസ്ഥാനരഹിതമാണെന്നും’ പ്രതിക്കെതിരെ മതിയായ തെളിവുകളില്ലെന്നും കണ്ടെത്തി. ഇതോടെ ബിസിനസുകാരിയെ എല്ലാ കുറ്റങ്ങളിൽ നിന്നും കോടതി കുറ്റവിമുക്തയാക്കി.
കുവൈത്തിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാകൂ https://chat.whatsapp.com/JwjTxtP7SMiEbr9IDkTJiK?mode=ems_copy_c
കുവൈത്തിൽ വൻ മയക്കുമരുന്ന് വേട്ട: ഇന്ത്യൻ യുവാവും ഫിലിപ്പിനോ യുവതിയും അറസ്റ്റിൽ
കുവൈത്ത് സിറ്റി: മയക്കുമരുന്ന് വിൽപനയുമായി ബന്ധപ്പെട്ട് കുവൈത്തിൽ വൻ അറസ്റ്റ്. സൽമിയ പ്രദേശത്ത് മയക്കുമരുന്ന് കൈവശം വെച്ചതിനും പ്രചരിപ്പിച്ചതിനും വിറ്റതിനും ഒരു ഇന്ത്യൻ യുവാവിനെയും ഒരു ഫിലിപ്പിനോ യുവതിയെയും സൽമിയ പോലീസ് സ്റ്റേഷൻ അറസ്റ്റ് ചെയ്തു. പ്രതികളെ ഉടൻതന്നെ കസ്റ്റഡിയിലെടുക്കുകയും കൂടുതൽ അന്വേഷണത്തിനായി ജനറൽ ഡിപ്പാർട്ട്‌മെൻ്റ് ഫോർ ഡ്രഗ് കൺട്രോളിന് കൈമാറുകയും ചെയ്തു. മയക്കുമരുന്ന് സംബന്ധമായ കുറ്റകൃത്യങ്ങൾ കുവൈത്ത് ഒരു കാരണവശാലും വെച്ചുപൊറുപ്പിക്കില്ലെന്നും കുറ്റക്കാരെ നിയമത്തിന് മുന്നിൽ കൊണ്ടുവരുമെന്നും അധികൃതർ വ്യക്തമാക്കി. ഈ അറസ്റ്റുകൾ കുറ്റവാളികൾക്ക് ശക്തമായ മുന്നറിയിപ്പ് നൽകുന്നതാണെന്നും അവർ കൂട്ടിച്ചേർത്തു.
കുവൈത്തിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാകൂ https://chat.whatsapp.com/JwjTxtP7SMiEbr9IDkTJiK?mode=ems_copy_c
Comments (0)