ശ്രദ്ധിക്കുക! കുവൈത്തിലെ ഈ 4 പ്രദേശങ്ങളിൽ നാളെ വൈദ്യുതി മുടങ്ങും

Kuwait power outage; അറ്റകുറ്റപ്പണികളുടെ ഭാഗമായി കുവൈത്തിലെ നാല് ജനവാസ മേഖലകളിൽ ബുധനാഴ്ച (നവംബർ 18) താത്കാലികമായി വൈദ്യുതി തടസ്സപ്പെടുമെന്ന് വൈദ്യുതി, ജല, പുനരുപയോഗ ഊർജ മന്ത്രാലയം അറിയിച്ചു. സെക്കൻഡറി ട്രാൻസ്ഫോർമർ സ്റ്റേഷനുകളിൽ മുൻകൂട്ടി നിശ്ചയിച്ച അറ്റകുറ്റപ്പണികൾ നടക്കുന്നതിനാലാണ് വൈദ്യുതി വിതരണം നിർത്തിവയ്ക്കുന്നത്. രാവിലെ 8 മണിക്ക് ആരംഭിക്കുന്ന അറ്റകുറ്റപ്പണികൾ നാല് മണിക്കൂർ വരെ നീണ്ടുനിൽക്കുമെന്ന് മന്ത്രാലയം പ്രസ്താവനയിൽ വ്യക്തമാക്കി.

വൈദ്യുതി തടസ്സപ്പെടുന്ന പ്രദേശങ്ങളും ബ്ലോക്കുകളും

  • നോർത്ത് വെസ്റ്റ് സുലൈബിഖാത്ത് (Northwest Sulaibikhat) – ബ്ലോക്ക് 2
  • ഫർവാനിയ (Farwaniya) – ബ്ലോക്ക് 2
  • അബ്ദുല്ല അൽ മുബാറക് (Abdullah Al-Mubarak) – ബ്ലോക്ക് 6
  • അലി സബാഹ് അൽ സാലെം (Ali Sabah Al-Salem) – ബ്ലോക്ക് 2

ജോലി സാഹചര്യങ്ങൾക്കനുസരിച്ച് അറ്റകുറ്റപ്പണിയുടെ സമയത്തിൽ മാറ്റം വരാൻ സാധ്യതയുണ്ടെന്ന് മന്ത്രാലയം അറിയിച്ചു.
വൈദ്യുതി സംബന്ധമായ തകരാറുകളോ തടസ്സങ്ങളോ നേരിടുന്ന താമസക്കാർക്ക് മന്ത്രാലയത്തിന്റെ 152 എന്ന ഹോട്ട്‌ലൈൻ നമ്പറിൽ ബന്ധപ്പെടാവുന്നതാണ്.

Related Posts

Leave a Reply

Your email address will not be published. Required fields are marked *

Exit mobile version