Kuwait new media law; സമൂഹമാധ്യമങ്ങളിലെ ഇൻഫ്ലുവൻസർമാർ, പ്രൊമോട്ടർമാർ, പരസ്യദാതാക്കൾ എന്നിവർക്കായി കുവൈറ്റ് പുതിയതും സമഗ്രവുമായ മാധ്യമ നിയമം പ്രഖ്യാപിച്ചു. ഡിജിറ്റൽ പ്രൊമോഷനുകൾ, പരസ്യങ്ങൾ, ഉപഭോക്തൃ സംരക്ഷണം, കുട്ടികളുടെ സുരക്ഷ, ഉത്പന്ന അവലോകനങ്ങൾ, മത്സരങ്ങൾ, സമ്മാനങ്ങൾ, കൂടാതെ ഉള്ളടക്ക നിർമ്മാണത്തിൽ എഐ ഉപയോഗിക്കുന്നത് തുടങ്ങിയവയെല്ലാം പുതിയ നിയമത്തിന്റെ പരിധിയിൽ വരും. സമൂഹമാധ്യമങ്ങളിൽ വ്യക്തികളുടെ സ്വാധീനം വർധിച്ചുവരുന്ന പശ്ചാത്തലത്തിലാണ് ഈ നിയമനിർമ്മാണം. കുവൈറ്റിലെ പ്രേക്ഷകരെ ലക്ഷ്യമിട്ട് പ്രവർത്തിക്കുന്ന പൗരന്മാർക്കും പ്രവാസികൾക്കും സന്ദർശകർക്കും ഈ നിയമം ബാധകമാണ്. പണം വാങ്ങിയോ അല്ലാതെയോ പരസ്യങ്ങളോ പ്രൊമോഷനുകളോ ചെയ്യണമെങ്കിൽ ലൈസൻസ് ആവശ്യമായി വന്നേക്കാം. ലൈസൻസ് നേടേണ്ടതിന്റെ നിബന്ധനകൾ എക്സിക്യൂട്ടീവ് റെഗുലേഷനുകൾ വഴി വ്യക്തമാക്കും. രണ്ട് വർഷമാണ് ലൈസൻസിന്റെ കാലാവധി. ഇത് പിന്നീട് പുതുക്കാവുന്നതാണ്. പരസ്യ ഉള്ളടക്കങ്ങൾ മറ്റുള്ളവരുടെ സ്വകാര്യതയെ ബാധിക്കുന്നതാകരുത്. പരസ്യമാണോ അതോ വ്യക്തിപരമായ പോസ്റ്റാണോ എന്ന് പ്രേക്ഷകർക്ക് വ്യക്തമായി തിരിച്ചറിയാൻ കഴിയുന്ന തരത്തിൽ പരസ്യങ്ങൾ തിരിച്ചറിയ അടയാളപ്പെടുത്തണമെന്നും നിയമം വ്യവസ്ഥ ചെയ്യുന്നു. മത്സരങ്ങൾ, സമ്മാനങ്ങൾ നൽകൽ, എഐ സാങ്കേതികവിദ്യയുടെ ഉപയോഗം എന്നിവയുമായി ബന്ധപ്പെട്ട് വ്യക്തമായ പെരുമാറ്റച്ചട്ടങ്ങൾ രൂപീകരിക്കാൻ ബന്ധപ്പെട്ട മന്ത്രിക്ക് അധികാരം നൽകിയിട്ടുണ്ട്.

ഈ നിയമങ്ങൾ ഉള്ളടക്കം പ്രസിദ്ധീകരിച്ചതിന് ശേഷമുള്ള ഉത്തരവാദിത്ത പരിശോധനയുടെ ഭാഗമായാണ് നടപ്പിലാക്കുന്നത്. അതായത്, പോസ്റ്റുകൾ പ്രസിദ്ധീകരിക്കുന്നതിന് മുൻപ് പരിശോധിക്കുന്ന മുൻകൂർ സെൻസർഷോപ്പ് സമ്പ്രദായം ഇതിലില്ല. എന്നാൽ, ചട്ടങ്ങൾ ലംഘിക്കുന്ന പക്ഷം നിയമപരമായ നടപടികൾ നേരിടേണ്ടി വരും. നിയമലംഘനം നടത്തുന്നവർക്ക് മുന്നറിയിപ്പ് നൽകുകയോ അല്ലെങ്കിൽ ആറുമാസം വരെ ലൈസൻസ് റദ്ദാക്കുകയോ ചെയ്യാം. ഏതെങ്കിലും വ്യക്തികൾക്കോ, ഉൽപ്പന്നങ്ങൾക്കോ, സേവനങ്ങൾക്കോ, കടകൾക്കോ, കമ്പനികൾക്കോ വേണ്ടി ലൈസൻസില്ലാതെ പ്രൊമോഷണൽ വസ്തുക്കൾ പ്രസിദ്ധീകരിക്കുന്നത് പുതിയ നിയമപ്രകാരം നിരോധിച്ചിരിക്കുന്നു. മത്സരങ്ങൾ സംഘടിപ്പിക്കുന്നതിനും സമ്മാനങ്ങൾ നൽകുന്നതിനും ലൈസൻസ് നിർബന്ധമാണ്. ഇടനിലക്കാർ വഴി ചട്ടങ്ങൾ മറികടക്കാൻ ശ്രമിച്ചാൽ, പരസ്യത്തിന് പിന്നിൽ പ്രവർത്തിക്കുന്ന സാമ്പത്തിക സ്രോതസ്സുകൾക്കും ഉത്തരവാദിത്തം ഉണ്ടാകും. പരസ്യങ്ങളും പ്രൊമോഷനുകളും ഏതൊക്കെയാണെന്ന് ഉപഭോക്താക്കൾക്ക് എളുപ്പത്തിൽ തിരിച്ചറിയാൻ കഴിയണം എന്ന ലക്ഷ്യത്തോടെയാണ് പുതിയ നിയമം കർശനമാക്കിയിരിക്കുന്നത്. ഇൻഫ്ലുവൻസർമാർക്കും ഡിജിറ്റൽ രംഗത്ത് പ്രവർത്തിക്കുന്നവർക്കും വലിയ ഉത്തരവാദിത്തമാണ് പുതിയ നിയമത്തിലൂടെ കുവൈറ്റ് ഗവൺമെന്റ് നൽകിയിരിക്കുന്നത്. കുവൈത്തിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാകൂ https://chat.whatsapp.com/ENPscRffOwo5x6O0PjsEUa?s=cl&p=a&ilr=1

കുവൈത്തിലെ പുതിയ ജോലി അവസരങ്ങൾ അറിയുവാൻ ഇവിടെ ക്ലിക്ക് ചെയ്യുക

കുവൈറ്റ് ആകാശത്ത് മിസൈൽ ആക്രമണം; 24 മണിക്കൂറിനിടെ 5 ബാലിസ്റ്റിക് മിസൈലുകളും 7 ഡ്രോണുകളും വെടിവെച്ചിട്ട് വ്യോമപ്രതിരോധ സേന

കുവൈറ്റിന്റെ ആകാശപരിധി ലക്ഷ്യമിട്ടെത്തിയ വൻ വ്യോമാക്രമണ ശ്രമങ്ങളെ രാജ്യം വിജയകരമായി പ്രതിരോധിച്ചു. കഴിഞ്ഞ 24 മണിക്കൂറിനിടെ അഞ്ച് ബാലിസ്റ്റിക് മിസൈലുകളെയും ഏഴ് ഡ്രോണുകളെയുമാണ് കുവൈറ്റ് വ്യോമപ്രതിരോധ സേന ആകാശത്തുവെച്ച് തന്നെ തകർത്തത്. ശത്രുരാജ്യങ്ങളുടെ ഭാഗത്തുനിന്നുണ്ടായ പ്രകോപനങ്ങളെ അതിശക്തമായ രീതിയിൽ നേരിടാൻ രാജ്യത്തിന്റെ പ്രതിരോധ സംവിധാനങ്ങൾക്ക് സാധിച്ചു എന്നത് സൈന്യത്തിന്റെ കരുത്ത് തെളിയിക്കുന്ന ഒന്നായി മാറി. രാജ്യത്തെ തന്ത്രപ്രധാനമായ കേന്ദ്രങ്ങളെയും ജനവാസ മേഖലകളെയും ലക്ഷ്യമാക്കിയാണ് ഈ ആക്രമണങ്ങൾ ആസൂത്രണം ചെയ്തിരുന്നത്. എന്നാൽ അത്യാധുനികമായ റഡാർ സംവിധാനങ്ങളും മിസൈൽ പ്രതിരോധ കവചങ്ങളും കൃത്യസമയത്ത് പ്രവർത്തിച്ചതോടെ വലിയൊരു ദുരന്തമാണ് ഒഴിവായത്. വെടിവെച്ചിട്ട മിസൈലുകളുടെയും ഡ്രോണുകളുടെയും അവശിഷ്ടങ്ങൾ വിജനമായ പ്രദേശങ്ങളിൽ വീണതായാണ് റിപ്പോർട്ടുകൾ സൂചിപ്പിക്കുന്നത്. സംഭവത്തിൽ ആർക്കും പരിക്കേൽക്കുകയോ നാശനഷ്ടങ്ങൾ സംഭവിക്കുകയോ ചെയ്തിട്ടില്ലെന്ന് ഔദ്യോഗിക വൃത്തങ്ങൾ വ്യക്തമാക്കി. മേഖലയിൽ നിലനിൽക്കുന്ന സംഘർഷാവസ്ഥയുടെ പശ്ചാത്തലത്തിൽ കുവൈറ്റ് സൈന്യം അതീവ ജാഗ്രതയിലാണ്. ഏത് തരത്തിലുള്ള അപ്രതീക്ഷിത ആക്രമണങ്ങളെയും നേരിടാൻ രാജ്യം സുസജ്ജമാണെന്ന് സൈനിക വക്താവ് അറിയിച്ചു. അതിർത്തികളിലും ആകാശപരിധിയിലും നിരീക്ഷണം ശക്തമാക്കിയിരിക്കുകയാണ്. ജനങ്ങൾ പരിഭ്രാന്തരാകേണ്ടതില്ലെന്നും ഔദ്യോഗിക അറിയിപ്പുകൾ മാത്രം ശ്രദ്ധിക്കണമെന്നും അധികൃതർ നിർദ്ദേശിച്ചു. വരും ദിവസങ്ങളിലും സുരക്ഷാ പരിശോധനകളും നിരീക്ഷണങ്ങളും കർശനമായി തുടരാനാണ് പ്രതിരോധ മന്ത്രാലയത്തിന്റെ തീരുമാനം. കുവൈത്തിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാകൂ https://chat.whatsapp.com/ENPscRffOwo5x6O0PjsEUa?s=cl&p=a&ilr=1