UAE Corridor highway; യുഎഇയിൽ ഷാർജ, ദുബായ്, അബുദാബി എന്നീ എമിറേറ്റുകളെ തമ്മിൽ ബന്ധിപ്പിച്ച് പുതിയ 80 കിലോമീറ്റർ ഹൈവേ പ്രഖ്യാപിച്ചതോടെ, പ്രോപ്പർട്ടി ഡെവലപ്പർമാർ പുതിയ നിക്ഷേപ സാധ്യതകൾ തേടുന്നു. രാജ്യത്തേക്ക് പുതിയ താമസക്കാരുടെ ഒഴുക്കും ജനസംഖ്യാ വർദ്ധനവും തുടരുന്ന പശ്ചാത്തലത്തിലാണ് ഈ പുതിയ നീക്കം. ഷെയ്ഖ് സായിദ് റോഡ്, ഷെയ്ഖ് മുഹമ്മദ് ബിൻ സായിദ് റോഡ്, എമിറേറ്റ്സ് റോഡ് എന്നിവയ്ക്ക് ശേഷം യുഎഇയിലെ എമിറേറ്റുകളെ ബന്ധിപ്പിക്കുന്ന നാലാമത്തെ പ്രധാന പാതയാണ് സെപ്റ്റംബറിൽ പ്രഖ്യാപിച്ച ‘ഫോർത്ത് കോറിഡോർ. ഈ പുതിയ പാത യാഥാർത്ഥ്യമാകുന്നതോടെ യാത്രക്കാർക്ക് യാത്രാ സമയം ഗണ്യമായി കുറയ്ക്കാൻ സാധിക്കും. മുമ്പ് 35 മിനിറ്റ് എടുത്തിരുന്ന ചില റൂട്ടുകളിലെ യാത്ര വെറും 14 മിനിറ്റായി കുറയാൻ ഇത് സഹായിക്കും. ഈ ഹൈവേയുടെ വരവോടെ ഇതുവരെ യാത്രാസൗകര്യങ്ങൾ കുറവായതിനാൽ അവഗണിക്കപ്പെട്ട സ്ഥലങ്ങൾ പുതിയ റസിഡൻഷ്യൽ-കൊമ്മേഷ്യൽ ഹബ്ബുകളായി മാറുമെന്നാണ് ഡെവലപ്പർമാരുടെ വിലയിരുത്തൽ. രണ്ട് ഘട്ടങ്ങളായാണ് 80 കിലോമീറ്റർ വരുന്ന ഈ പാത നിർമ്മിക്കുന്നത്. പദ്ധതി പൂർത്തിയാകുമ്പോൾ ആദ്യ ഘട്ടത്തിൽ 600,000 ആളുകൾക്കും രണ്ടാം ഘട്ടത്തിൽ 3.1 ദശലക്ഷം ആളുകൾക്കും ഇതിന്റെ പ്രയോജനം ലഭിക്കും. അൽ മക്തൂം രാജ്യാന്തര വിമാനത്താവളം, ഇത്തിഹാദ് റെയിൽ തുടങ്ങിയ പ്രധാന മേഖലകളിലേക്കും ഈ കോറിഡോർ എളുപ്പത്തിൽ എത്തിച്ചേരാൻ സഹായിക്കും.
ഈ പാതയുടെ സമീപത്തുള്ള അബുദാബിയിൽ ഏകദേശം 750,000 ചതുരശ്ര മീറ്റർ വരുന്ന സ്ഥലം സ്വന്തമാക്കിയിട്ടുണ്ടെന്ന് റിപ്പോർട്ടേജ് ഗ്രൂപ്പ് ഗ്രൂപ്പ് മാനേജിംഗ് ഡയറക്ടർ ആൻഡ്രിയ നുസേറ വ്യക്തമാക്കി. 3,800-ഓളം യൂണിറ്റുകളുടെ ഡിസൈനിംഗ് ജോലികൾ പുരോഗമിക്കുകയാണെന്നും 2027-ലോ 2028-ലോ പദ്ധതി വിപണിയിലെത്തുമെന്നും അദ്ദേഹം പറഞ്ഞു. കഴിഞ്ഞ 18 മാസത്തിനിടയിൽ യുഎഇയുടെ പ്രോപ്പർട്ടി വിപണിയിൽ വലിയ മാറ്റങ്ങളുണ്ടായിട്ടുണ്ടെന്നും വിപണി ഇപ്പോൾ കൂടുതൽ സ്വാഭാവികമായ അവസ്ഥയിലേക്ക് എത്തിയെന്നും അദ്ദേഹം കൂട്ടിച്ചേർത്തു. അടിസ്ഥാന സൗകര്യ വികസനമാണ് റിയൽ എസ്റ്റേറ്റ് മേഖലയുടെ വളർച്ചയ്ക്ക് ആധാരമെന്ന് പാന്തിയോൻ ചെയർമാൻ കൽപ്പേഷ് കിനാരിവാല അഭിപ്രായപ്പെട്ടു. ജനങ്ങൾ എവിടെ താമസിക്കണം, ജോലി ചെയ്യണം, നിക്ഷേപിക്കണം എന്നത് ഇത്തരം കണക്റ്റിവിറ്റികളെ ആശ്രയിച്ചാണിരിക്കുന്നത്. ദുബായ് കിഴക്കോടും തെക്കോട്ടുമായി വികസിക്കുമ്പോൾ, ഇത്തരം പുതിയ കണക്റ്റിവിറ്റികൾ പ്രയോജനപ്പെടുത്തി സുസ്ഥിരമായ റെസിഡൻഷ്യൽ-മിക്സഡ് യൂസ് പദ്ധതികൾ നടപ്പിലാക്കാനുള്ള അവസരങ്ങളാണ് ഡെവലപ്പർമാർ നോക്കേണ്ടതെന്നും അദ്ദേഹം വ്യക്തമാക്കി. മികച്ച കണക്റ്റിവിറ്റി ഒപ്പം മികച്ച സൗകര്യങ്ങളും ഉയർന്ന ഗുണനിലവാരവുമുള്ള പദ്ധതികളും വരുമ്പോൾ അത് പ്രദേശത്തിന്റെ വാടക നിരക്കിലും ഡിമാൻഡിലും വലിയ വളർച്ചയ്ക്ക് കാരണമാകും. യുഎഇയിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാവുക https://chat.whatsapp.com/Dbf59JLetgBECJpr5UZOuZ?mode=gi_t

‘സ്ഫോടന ശബ്ദ’മുണ്ടാക്കുന്ന വാഹനങ്ങൾക്കെതിരെ യുഎഇയിൽ കർശന നടപടി; പിഴയും 12 ബ്ലാക്ക് പോയിന്റും

ജനവാസ മേഖലകളിൽ അർദ്ധരാത്രിയിൽ സ്ഫോടനത്തിന് സമാനമായ ശബ്ദമുണ്ടാക്കി ജനങ്ങളിൽ പരിഭ്രാന്തി സൃഷ്ടിക്കുന്ന വിധത്തിൽ നിയമവിരുദ്ധമായി രൂപമാറ്റം വരുത്തിയ കാറുകളുടെയും മോട്ടോർ സൈക്കിളുകളുടെയും യുഎഇ പോലീസ് കർശന നടപടികൾ ആരംഭിച്ചു. മേഖലയിലെ സംഘർഷാവസ്ഥ വാർത്തകളിൽ നിറഞ്ഞുനിൽക്കുന്ന സാഹചര്യത്തിൽ ഇത്തരം വാഹനങ്ങളിൽ നിന്നുണ്ടാകുന്ന ‘ബാക്ക് ഫയർ’ ശബ്ദങ്ങൾ പലരും മിസൈൽ ആക്രമണമോ സ്ഫോടനമോ ആണെന്ന് തെറ്റിദ്ധരിച്ച് ഭീതിയിലായിരുന്നുവെന്ന് അധികൃതർ വ്യക്തമാക്കി. എഞ്ചിനുകളിൽ മാറ്റം വരുത്തി ഉദ്ദേശപൂർവ്വം ശക്തമായ ശബ്ദമുണ്ടാക്കുന്നത് പ്രധാനമായും കൗമാരക്കാരും യുവാക്കളുമാണെന്ന് അന്വേഷണത്തിൽ കണ്ടെത്തിയതായി പോലീസ് അറിയിച്ചു. റിപ്പോർട്ട് ചെയ്യപ്പെട്ട ശബ്ദങ്ങൾ വാഹനങ്ങളിൽ നിന്നുള്ളതാണെന്നും രാജ്യത്തിന്റെ സുരക്ഷയെ ബാധിക്കുന്ന യാതൊരു ഭീഷണിയും നിലവിലില്ലെന്നും അധികൃതർ ജനങ്ങളെ ആശ്വസിപ്പിച്ചു. യുഎഇ പൂർണ്ണമായും സുരക്ഷിതമാണെന്നും പോലീസ് വ്യക്തമാക്കി. ദുബായ്, ഷാർജ തുടങ്ങിയ എമിറേറ്റുകളിലെ ജനവാസ പ്രദേശങ്ങളിൽ രാത്രികാല പോലീസ് പട്രോളിംഗ് ശക്തമാക്കിയിട്ടുണ്ട്. യുഎഇ ട്രാഫിക് നിയമപ്രകാരം അമിത ശബ്ദമുണ്ടാക്കുന്ന വാഹനങ്ങൾ ഓടിക്കുന്നവർക്ക് 2000 ദിർഹം പിഴയും 12 ബ്ലാക്ക് പോയിന്റുകളും ലഭിക്കും. കൂടാതെ വാഹനം പോലീസ് പിടിച്ചെടുക്കുകയും ചെയ്യും. അനധികൃതമായി രൂപമാറ്റം വരുത്തിയ വാഹനങ്ങൾ തിരികെ ലഭിക്കാൻ 10,000 ദിർഹം വരെ ഫീസ് നൽകേണ്ടിവരുമെന്നും അധികൃതർ അറിയിച്ചു. ഈ നടപടി കർശനമായി നടപ്പാക്കുന്നതിന് ദുബായ് പോലീസ് ഓപ്പറേഷൻസ് അസിസ്റ്റന്റ് കമാൻഡർ-ഇൻ-ചീഫ് മേജർ ജനറൽ സെയ്ഫ് മുഹൈർ അൽ മസ്‌റൂയിയും ഷാർജ പോലീസ് സെൻട്രൽ റീജിയൻ ഡയറക്ടർ ബ്രിഗേഡിയർ ഖലീഫ അൽ ഖസൂനിയും നേതൃത്വമൊരുക്കുന്നുണ്ട്. കുട്ടികൾ വാഹനങ്ങളിൽ അനധികൃത മാറ്റങ്ങൾ വരുത്തുന്നില്ലെന്ന് മാതാപിതാക്കൾ ശ്രദ്ധിക്കണമെന്നും അധികൃതർ അഭ്യർത്ഥിച്ചു. ഇത്തരം ശബ്ദശല്യം ഉണ്ടാക്കുന്ന വാഹനങ്ങളെക്കുറിച്ച് ഔദ്യോഗിക ചാനലുകൾ വഴി പോലീസിനെ അറിയിക്കണമെന്നും പൊതുജനങ്ങളോട് നിർദേശിച്ചിട്ടുണ്ട്. മേഖലയിലെ നിലവിലെ സാഹചര്യം പരിഗണിച്ച് ജനങ്ങളുടെ സമാധാനവും സുരക്ഷയും ഉറപ്പാക്കുക എന്ന ലക്ഷ്യത്തോടെയാണ് ഈ നടപടികൾ ശക്തമാക്കിയതെന്നും പോലീസ് അറിയിച്ചു. പോലീസിന്റെ ഈ ഇടപെടലിനെ പ്രവാസികളും സ്വദേശികളും സ്വാഗതം ചെയ്തിട്ടുണ്ട്.യുഎഇയിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാവുhttps://chat.whatsapp.com/Dbf59JLetgBECJpr5UZOuZ?mode=gi_t