കുവൈത്തിലെ രണ്ട് പ്രധാന വൈദ്യുതി സബ്‌സ്റ്റേഷനുകളിൽ ഉണ്ടായ സാങ്കേതിക തകരാറിനെ തുടർന്ന് ഹവല്ലി (ബ്ലോക്ക് G), അൽ-സിദ്ദീഖ് (ബ്ലോക്ക് D) എന്നീ പ്രദേശങ്ങളിൽ താൽക്കാലികമായി വൈദ്യുതി വിതരണം തടസ്സപ്പെട്ടതായി വൈദ്യുതി, ജല, പുനരുപയോഗ ഊർജ മന്ത്രാലയം അറിയിച്ചു. സബ്‌സ്റ്റേഷനുകളിലെ സബ് ഫീഡറുകൾ പ്രവർത്തനരഹിതമായതോടെയാണ് വൈദ്യുതി മുടക്കം ഉണ്ടായത്. വിവരം ലഭിച്ച ഉടൻ തന്നെ എമർജൻസി സാങ്കേതിക സംഘം സ്ഥലത്തെത്തി അറ്റകുറ്റപ്പണികൾ പൂർത്തിയാക്കി വൈദ്യുതി വിതരണം പുനഃസ്ഥാപിച്ചതായും മന്ത്രാലയം വ്യക്തമാക്കി.

രാജ്യത്ത് ഉയർന്ന താപനിലയും വൈദ്യുതി ഉപയോഗവും തുടരുന്ന സാഹചര്യത്തിൽ, വൈദ്യുതിയും വെള്ളവും മിതമായി ഉപയോഗിക്കണമെന്ന് മന്ത്രാലയം ‘സാഹെൽ’ ആപ്ലിക്കേഷൻ വഴി പൊതുജനങ്ങളോട് വീണ്ടും അഭ്യർഥിച്ചു. ഉപഭോഗം നിയന്ത്രിക്കുന്നത് വൈദ്യുതി ശൃംഖലയുടെ സ്ഥിരത ഉറപ്പാക്കാനും തടസ്സരഹിത സേവനം നിലനിർത്താനും സഹായിക്കുമെന്ന് അധികൃതർ അറിയിച്ചു.

മന്ത്രാലയത്തിന്റെ പ്രധാന നിർദേശങ്ങൾ:
-ഉപയോഗത്തിലില്ലാത്ത മുറികളിലെ എയർ കണ്ടീഷണറുകൾ 24°C അല്ലെങ്കിൽ അതിന് മുകളിലുള്ള താപനിലയിൽ ക്രമീകരിക്കുക.
-ആവശ്യമില്ലാത്ത ലൈറ്റുകളും വൈദ്യുതി ഉപകരണങ്ങളും ഓഫ് ചെയ്യുക.
-രാവിലെ 11 മുതൽ വൈകിട്ട് 5 വരെ നീളുന്ന പീക്ക് സമയങ്ങളിൽ ഉയർന്ന വൈദ്യുതി ഉപയോഗമുള്ള ഉപകരണങ്ങളുടെ ഉപയോഗം പരമാവധി കുറയ്ക്കുക.

അതേസമയം, വൈദ്യുതി സംവിധാനങ്ങളുടെ വിശ്വാസ്യത വർധിപ്പിക്കുന്നതിനായി പുതിയ പദ്ധതിക്കും മന്ത്രാലയം തുടക്കമിട്ടിട്ടുണ്ട്. 1.994 ദശലക്ഷം കുവൈറ്റ് ദിനാർ ചെലവിൽ ബാറ്ററികളും ചാർജറുകളും സർക്യൂട്ട് ബ്രേക്കറുകളും പരിശോധിക്കുന്നതിനായുള്ള അത്യാധുനിക ടെസ്റ്റിംഗ് ലബോറട്ടറിയും വർക്ക്‌ഷോപ്പും സ്ഥാപിക്കുന്നതിന് സ്റ്റേറ്റ് ഓഡിറ്റ് ബ്യൂറോയുടെ അനുമതി ലഭിച്ചതായി മന്ത്രാലയം അറിയിച്ചു.
പുതിയ ലബോറട്ടറി വഴി ഉപകരണങ്ങളുടെ മുൻകരുതൽ പരിശോധനയും അറ്റകുറ്റപ്പണികളും കൂടുതൽ കാര്യക്ഷമമാക്കാനും, അപ്രതീക്ഷിത തകരാറുകൾ മൂലമുള്ള വൈദ്യുതി തടസ്സങ്ങൾ കുറയ്ക്കാനുമാണ് ലക്ഷ്യമിടുന്നത്.കുവൈത്തിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാകൂ https://chat.whatsapp.com/J8DppBWsXPaAoNLAwKnfF8?mode=gi_t

കുവൈത്തിലെ പുതിയ ജോലി അവസരങ്ങൾ അറിയുവാൻ ഇവിടെ ക്ലിക്ക് ചെയ്യുക

കുവൈറ്റ് ആകാശത്ത് മിസൈൽ ആക്രമണം; 24 മണിക്കൂറിനിടെ 5 ബാലിസ്റ്റിക് മിസൈലുകളും 7 ഡ്രോണുകളും വെടിവെച്ചിട്ട് വ്യോമപ്രതിരോധ സേന

കുവൈറ്റിന്റെ ആകാശപരിധി ലക്ഷ്യമിട്ടെത്തിയ വൻ വ്യോമാക്രമണ ശ്രമങ്ങളെ രാജ്യം വിജയകരമായി പ്രതിരോധിച്ചു. കഴിഞ്ഞ 24 മണിക്കൂറിനിടെ അഞ്ച് ബാലിസ്റ്റിക് മിസൈലുകളെയും ഏഴ് ഡ്രോണുകളെയുമാണ് കുവൈറ്റ് വ്യോമപ്രതിരോധ സേന ആകാശത്തുവെച്ച് തന്നെ തകർത്തത്. ശത്രുരാജ്യങ്ങളുടെ ഭാഗത്തുനിന്നുണ്ടായ പ്രകോപനങ്ങളെ അതിശക്തമായ രീതിയിൽ നേരിടാൻ രാജ്യത്തിന്റെ പ്രതിരോധ സംവിധാനങ്ങൾക്ക് സാധിച്ചു എന്നത് സൈന്യത്തിന്റെ കരുത്ത് തെളിയിക്കുന്ന ഒന്നായി മാറി.

രാജ്യത്തെ തന്ത്രപ്രധാനമായ കേന്ദ്രങ്ങളെയും ജനവാസ മേഖലകളെയും ലക്ഷ്യമാക്കിയാണ് ഈ ആക്രമണങ്ങൾ ആസൂത്രണം ചെയ്തിരുന്നത്. എന്നാൽ അത്യാധുനികമായ റഡാർ സംവിധാനങ്ങളും മിസൈൽ പ്രതിരോധ കവചങ്ങളും കൃത്യസമയത്ത് പ്രവർത്തിച്ചതോടെ വലിയൊരു ദുരന്തമാണ് ഒഴിവായത്. വെടിവെച്ചിട്ട മിസൈലുകളുടെയും ഡ്രോണുകളുടെയും അവശിഷ്ടങ്ങൾ വിജനമായ പ്രദേശങ്ങളിൽ വീണതായാണ് റിപ്പോർട്ടുകൾ സൂചിപ്പിക്കുന്നത്. സംഭവത്തിൽ ആർക്കും പരിക്കേൽക്കുകയോ നാശനഷ്ടങ്ങൾ സംഭവിക്കുകയോ ചെയ്തിട്ടില്ലെന്ന് ഔദ്യോഗിക വൃത്തങ്ങൾ വ്യക്തമാക്കി.

മേഖലയിൽ നിലനിൽക്കുന്ന സംഘർഷാവസ്ഥയുടെ പശ്ചാത്തലത്തിൽ കുവൈറ്റ് സൈന്യം അതീവ ജാഗ്രതയിലാണ്. ഏത് തരത്തിലുള്ള അപ്രതീക്ഷിത ആക്രമണങ്ങളെയും നേരിടാൻ രാജ്യം സുസജ്ജമാണെന്ന് സൈനിക വക്താവ് അറിയിച്ചു. അതിർത്തികളിലും ആകാശപരിധിയിലും നിരീക്ഷണം ശക്തമാക്കിയിരിക്കുകയാണ്. ജനങ്ങൾ പരിഭ്രാന്തരാകേണ്ടതില്ലെന്നും ഔദ്യോഗിക അറിയിപ്പുകൾ മാത്രം ശ്രദ്ധിക്കണമെന്നും അധികൃതർ നിർദ്ദേശിച്ചു. വരും ദിവസങ്ങളിലും സുരക്ഷാ പരിശോധനകളും നിരീക്ഷണങ്ങളും കർശനമായി തുടരാനാണ് പ്രതിരോധ മന്ത്രാലയത്തിന്റെ തീരുമാനം.കുവൈത്തിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാകൂ https://chat.whatsapp.com/J8DppBWsXPaAoNLAwKnfF8?mode=gi_t