കുവൈത്ത് അന്താരാഷ്ട്ര വിമാനത്താവളത്തിലെ ടെർമിനൽ 1 (T1) ന് നേരെയുണ്ടായ ആക്രമണത്തിന്റെ സിസിടിവി ദൃശ്യങ്ങൾ ജനറൽ ഡയറക്ടറേറ്റ് ഓഫ് സിവിൽ ഏവിയേഷൻ (DGCA) പുറത്തുവിട്ടു. ടെർമിനലിന്റെ മേൽക്കൂരയിൽ ഒരു ഡ്രോൺ പതിക്കുന്നതും തുടർന്ന് ശക്തമായ സ്ഫോടനം നടക്കുന്നതും ദൃശ്യങ്ങളിൽ വ്യക്തമായി കാണാം. അധികൃതരുടെ ഔദ്യോഗിക പ്ലാറ്റ്ഫോമുകളിലൂടെ പുറത്തുവിട്ട വീഡിയോയിൽ വിവിധ ക്യാമറകളിൽ നിന്നുള്ള ദൃശ്യങ്ങൾ ഉൾപ്പെടുത്തിയിട്ടുണ്ട്. ഡ്രോൺ ഇടിച്ചുതകർന്നതിനെ തുടർന്നുണ്ടായ സ്ഫോടനത്തിൽ തീപിടിത്തമുണ്ടാകുകയും കെട്ടിടത്തിന്റെ ഒരു ഭാഗത്തിന് ഗുരുതരമായ കേടുപാടുകൾ സംഭവിക്കുകയും ചെയ്തതായി ദൃശ്യങ്ങൾ വ്യക്തമാക്കുന്നു. സ്ഫോടനത്തിന് പിന്നാലെ കനത്ത പുക ഉയരുന്നതും കാണാം.
സംഭവത്തിൽ ഒരു ഇന്ത്യൻ യാത്രക്കാരൻ മരണപ്പെടുകയും 63 പേർക്ക് പരിക്കേൽക്കുകയും ചെയ്തിരുന്നു. പരിക്കേറ്റവരിൽ ചിലരുടെ ആരോഗ്യനില ഗുരുതരമാണെന്നാണ് റിപ്പോർട്ടുകൾ. ആക്രമണത്തിന് പിന്നാലെ, യുഎസ് നിർമ്മിത പേട്രിയറ്റ് വ്യോമപ്രതിരോധ സംവിധാനം മിസൈൽ തടയാൻ ശ്രമിക്കുന്നതിനിടെ ഉണ്ടായ സാങ്കേതിക തകരാറാണ് വിമാനത്താവളത്തിലെ നാശനഷ്ടങ്ങൾക്ക് കാരണമായതെന്നായിരുന്നു ഇറാന്റെ റവല്യൂഷണറി ഗാർഡിന്റെ വിശദീകരണം. എന്നാൽ ഈ വാദം അമേരിക്കൻ സെൻട്രൽ കമാൻഡ് തള്ളിക്കളഞ്ഞു.
ഡ്രോൺ ആക്രമണം നേരിട്ട് വിമാനത്താവളത്തെ ലക്ഷ്യമിട്ടാണ് നടന്നതെന്നും യാതൊരു പ്രകോപനവുമില്ലാതെയാണ് സിവിലിയൻ അടിസ്ഥാനസൗകര്യങ്ങൾക്ക് നേരെ ആക്രമണം നടത്തിയതെന്നും അമേരിക്ക ആരോപിച്ചു. ഇതിനിടെ, വീഡിയോ ദൃശ്യങ്ങൾ പുറത്തുവന്നതും അമേരിക്കയുടെ പ്രതികരണവും പിന്നാലെ, ആക്രമണവുമായി ബന്ധപ്പെട്ട നിലപാടിൽ ഇറാനിയൻ മാധ്യമങ്ങൾ മാറ്റം വരുത്തിയതായി റിപ്പോർട്ടുകളുണ്ട്. പുറത്തുവന്ന ദൃശ്യങ്ങൾ കൃത്രിമമായി സൃഷ്ടിച്ചതാണെന്നും, തങ്ങളെ കുറ്റപ്പെടുത്തുന്നതിനായി ആസൂത്രണം ചെയ്ത ഒരു “ഫോൾസ് ഫ്ലാഗ് ഓപ്പറേഷൻ” ആണിതെന്നും ചില ഇറാനിയൻ മാധ്യമങ്ങൾ ഇപ്പോൾ ആരോപിക്കുന്നു.കുവൈത്തിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാകൂ
കുവൈത്തിലെ പുതിയ ജോലി അവസരങ്ങൾ അറിയുവാൻ ഇവിടെ ക്ലിക്ക് ചെയ്യുക
കുവൈറ്റ് ആകാശത്ത് മിസൈൽ ആക്രമണം; 24 മണിക്കൂറിനിടെ 5 ബാലിസ്റ്റിക് മിസൈലുകളും 7 ഡ്രോണുകളും വെടിവെച്ചിട്ട് വ്യോമപ്രതിരോധ സേന
കുവൈറ്റിന്റെ ആകാശപരിധി ലക്ഷ്യമിട്ടെത്തിയ വൻ വ്യോമാക്രമണ ശ്രമങ്ങളെ രാജ്യം വിജയകരമായി പ്രതിരോധിച്ചു. കഴിഞ്ഞ 24 മണിക്കൂറിനിടെ അഞ്ച് ബാലിസ്റ്റിക് മിസൈലുകളെയും ഏഴ് ഡ്രോണുകളെയുമാണ് കുവൈറ്റ് വ്യോമപ്രതിരോധ സേന ആകാശത്തുവെച്ച് തന്നെ തകർത്തത്. ശത്രുരാജ്യങ്ങളുടെ ഭാഗത്തുനിന്നുണ്ടായ പ്രകോപനങ്ങളെ അതിശക്തമായ രീതിയിൽ നേരിടാൻ രാജ്യത്തിന്റെ പ്രതിരോധ സംവിധാനങ്ങൾക്ക് സാധിച്ചു എന്നത് സൈന്യത്തിന്റെ കരുത്ത് തെളിയിക്കുന്ന ഒന്നായി മാറി.
രാജ്യത്തെ തന്ത്രപ്രധാനമായ കേന്ദ്രങ്ങളെയും ജനവാസ മേഖലകളെയും ലക്ഷ്യമാക്കിയാണ് ഈ ആക്രമണങ്ങൾ ആസൂത്രണം ചെയ്തിരുന്നത്. എന്നാൽ അത്യാധുനികമായ റഡാർ സംവിധാനങ്ങളും മിസൈൽ പ്രതിരോധ കവചങ്ങളും കൃത്യസമയത്ത് പ്രവർത്തിച്ചതോടെ വലിയൊരു ദുരന്തമാണ് ഒഴിവായത്. വെടിവെച്ചിട്ട മിസൈലുകളുടെയും ഡ്രോണുകളുടെയും അവശിഷ്ടങ്ങൾ വിജനമായ പ്രദേശങ്ങളിൽ വീണതായാണ് റിപ്പോർട്ടുകൾ സൂചിപ്പിക്കുന്നത്. സംഭവത്തിൽ ആർക്കും പരിക്കേൽക്കുകയോ നാശനഷ്ടങ്ങൾ സംഭവിക്കുകയോ ചെയ്തിട്ടില്ലെന്ന് ഔദ്യോഗിക വൃത്തങ്ങൾ വ്യക്തമാക്കി.
മേഖലയിൽ നിലനിൽക്കുന്ന സംഘർഷാവസ്ഥയുടെ പശ്ചാത്തലത്തിൽ കുവൈറ്റ് സൈന്യം അതീവ ജാഗ്രതയിലാണ്. ഏത് തരത്തിലുള്ള അപ്രതീക്ഷിത ആക്രമണങ്ങളെയും നേരിടാൻ രാജ്യം സുസജ്ജമാണെന്ന് സൈനിക വക്താവ് അറിയിച്ചു. അതിർത്തികളിലും ആകാശപരിധിയിലും നിരീക്ഷണം ശക്തമാക്കിയിരിക്കുകയാണ്. ജനങ്ങൾ പരിഭ്രാന്തരാകേണ്ടതില്ലെന്നും ഔദ്യോഗിക അറിയിപ്പുകൾ മാത്രം ശ്രദ്ധിക്കണമെന്നും അധികൃതർ നിർദ്ദേശിച്ചു. വരും ദിവസങ്ങളിലും സുരക്ഷാ പരിശോധനകളും നിരീക്ഷണങ്ങളും കർശനമായി തുടരാനാണ് പ്രതിരോധ മന്ത്രാലയത്തിന്റെ തീരുമാനം.കുവൈത്തിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാകൂ https://chat.whatsapp.com/J8DppBWsXPaAoNLAwKnfF8?mode=gi_t
