കുട്ടികളെ വളർത്തുന്നതിന്റെ ഭാഗമായി ശാരീരികമായി ശിക്ഷിക്കുന്ന രീതിക്കെതിരെ മാതാപിതാക്കൾക്ക് കർശന മുന്നറിയിപ്പുമായി ദുബായ് പോലീസ്. കുട്ടികളെ തല്ലുന്നത് അവരുടെ മാനസിക നിലയെ ഗുരുതരമായി ബാധിക്കുമെന്നും ദീർഘകാല പ്രത്യാഘാതങ്ങൾ ഉണ്ടാക്കുമെന്നും ശിശു-വനിതാ സംരക്ഷണ വകുപ്പ് ഡയറക്ടർ മുഹമ്മദ് അൽ മട്രോഷി വ്യക്തമാക്കി.

പ്രധാന മുന്നറിയിപ്പുകൾ

അടി വിജയത്തിലേക്കുള്ള വഴി അല്ല:
കുട്ടിക്കാലത്ത് അടി കിട്ടിയതിനാലാണ് ഒരാൾ ജീവിതത്തിൽ വിജയിക്കുന്നത് എന്ന വിശ്വാസം തെറ്റാണെന്ന് പൊലീസ് വ്യക്തമാക്കി. ശാരീരിക ശിക്ഷ കുട്ടികളുടെ ആത്മവിശ്വാസവും വ്യക്തിത്വവും തകർക്കാൻ ഇടയാക്കും.

മാനസിക ആഘാതം:
കുട്ടികളിൽ ഉത്കണ്ഠ, ഭയം, ആക്രമണോത്സുക സ്വഭാവം തുടങ്ങിയ പ്രശ്നങ്ങൾ ഉണ്ടാകാൻ ശാരീരിക പീഡനം കാരണമാകാം. ഇത് ചിലപ്പോൾ കുട്ടികളെ വീടിന് പുറത്തുള്ള തെറ്റായ സ്വാധീനങ്ങളിലേക്ക് നയിക്കാനും സാധ്യതയുണ്ട്.

നിയമം കർശനം, റിപ്പോർട്ടിംഗ് നിർബന്ധം

യുഎഇയുടെ ‘വദീമ’ നിയമപ്രകാരം കുട്ടികൾക്കെതിരായ അതിക്രമങ്ങൾ റിപ്പോർട്ട് ചെയ്യുന്നത് സമൂഹത്തിന്റെ ഉത്തരവാദിത്തമാണ്. കുട്ടികളിൽ പരുക്കുകളോ പെരുമാറ്റത്തിലെ അസാധാരണ മാറ്റങ്ങളോ ശ്രദ്ധയിൽപ്പെട്ടാൽ അത് അറിയിക്കേണ്ടത് അധ്യാപകരുടെയും ബന്ധപ്പെട്ടവരുടെയും ബാധ്യതയാണ്. അതിക്രമങ്ങൾ റിപ്പോർട്ട് ചെയ്യുന്നവരുടെ വിവരങ്ങൾ കർശനമായി രഹസ്യമായി സൂക്ഷിക്കുമെന്നും അധികൃതർ വ്യക്തമാക്കി. കുട്ടികൾക്ക് അവരുടെ അവകാശങ്ങൾ മനസ്സിലാക്കാനും പരാതികൾ നൽകാനും ഡിജിറ്റൽ ഗെയിമുകളും വെർച്വൽ അസിസ്റ്റന്റ് സൗകര്യങ്ങളും പൊലീസ് ഒരുക്കിയിട്ടുണ്ട്.

പൊലിസിന്റെ സമീപനം

എല്ലാ കേസുകളെയും ക്രിമിനൽ കുറ്റമായി കാണുന്നതിനേക്കാൾ കുടുംബങ്ങളുടെ തകർച്ച ഒഴിവാക്കി കുട്ടികളുടെ സുരക്ഷയും പുനരധിവാസവും ഉറപ്പാക്കുക എന്നതാണ് പൊലിസിന്റെ മുൻഗണന. ഗുരുതരമല്ലാത്ത കേസുകളിൽ കൗൺസിലിംഗും സാമൂഹിക സേവനങ്ങളും ലഭ്യമാക്കും. പൊലിസ് സ്റ്റേഷനിൽ എത്താൻ മടിയുള്ളവർക്ക് സിവിലിയൻ വേഷത്തിലുള്ള ഉദ്യോഗസ്ഥരെ പൊതുസ്ഥലങ്ങളിൽ വെച്ച് കണ്ടു പരാതി അറിയിക്കാനുള്ള സൗകര്യവും ഒരുക്കിയിട്ടുണ്ട്.

അതേസമയം, ഗാർഹിക പീഡനവുമായി ബന്ധപ്പെട്ടയുഎഇ ഫെഡറൽ ലോ നമ്പർ.13 of 2024 ഇരകൾക്ക് കൂടുതൽ സംരക്ഷണവും സഹായവും ഉറപ്പാക്കുന്നുണ്ട്. സുരക്ഷിതമായ ഒരു സമൂഹം കെട്ടിപ്പടുക്കുന്നത് വീടുകളിൽ നിന്നുള്ള ബോധവത്കരണത്തിലൂടെയാണെന്ന് ബ്രിഗേഡിയർ മട്രോഷി ഓർമ്മിപ്പിച്ചു.യുഎഇയിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാവുക https://chat.whatsapp.com/Dbf59JLetgBECJpr5UZOuZ?mode=gi_t

‘സ്ഫോടന ശബ്ദ’മുണ്ടാക്കുന്ന വാഹനങ്ങൾക്കെതിരെ യുഎഇയിൽ കർശന നടപടി; പിഴയും 12 ബ്ലാക്ക് പോയിന്റും

ജനവാസ മേഖലകളിൽ അർദ്ധരാത്രിയിൽ സ്ഫോടനത്തിന് സമാനമായ ശബ്ദമുണ്ടാക്കി ജനങ്ങളിൽ പരിഭ്രാന്തി സൃഷ്ടിക്കുന്ന വിധത്തിൽ നിയമവിരുദ്ധമായി രൂപമാറ്റം വരുത്തിയ കാറുകളുടെയും മോട്ടോർ സൈക്കിളുകളുടെയും യുഎഇ പോലീസ് കർശന നടപടികൾ ആരംഭിച്ചു. മേഖലയിലെ സംഘർഷാവസ്ഥ വാർത്തകളിൽ നിറഞ്ഞുനിൽക്കുന്ന സാഹചര്യത്തിൽ ഇത്തരം വാഹനങ്ങളിൽ നിന്നുണ്ടാകുന്ന ‘ബാക്ക് ഫയർ’ ശബ്ദങ്ങൾ പലരും മിസൈൽ ആക്രമണമോ സ്ഫോടനമോ ആണെന്ന് തെറ്റിദ്ധരിച്ച് ഭീതിയിലായിരുന്നുവെന്ന് അധികൃതർ വ്യക്തമാക്കി. എഞ്ചിനുകളിൽ മാറ്റം വരുത്തി ഉദ്ദേശപൂർവ്വം ശക്തമായ ശബ്ദമുണ്ടാക്കുന്നത് പ്രധാനമായും കൗമാരക്കാരും യുവാക്കളുമാണെന്ന് അന്വേഷണത്തിൽ കണ്ടെത്തിയതായി പോലീസ് അറിയിച്ചു. റിപ്പോർട്ട് ചെയ്യപ്പെട്ട ശബ്ദങ്ങൾ വാഹനങ്ങളിൽ നിന്നുള്ളതാണെന്നും രാജ്യത്തിന്റെ സുരക്ഷയെ ബാധിക്കുന്ന യാതൊരു ഭീഷണിയും നിലവിലില്ലെന്നും അധികൃതർ ജനങ്ങളെ ആശ്വസിപ്പിച്ചു. യുഎഇ പൂർണ്ണമായും സുരക്ഷിതമാണെന്നും പോലീസ് വ്യക്തമാക്കി.

ദുബായ്, ഷാർജ തുടങ്ങിയ എമിറേറ്റുകളിലെ ജനവാസ പ്രദേശങ്ങളിൽ രാത്രികാല പോലീസ് പട്രോളിംഗ് ശക്തമാക്കിയിട്ടുണ്ട്. യുഎഇ ട്രാഫിക് നിയമപ്രകാരം അമിത ശബ്ദമുണ്ടാക്കുന്ന വാഹനങ്ങൾ ഓടിക്കുന്നവർക്ക് 2000 ദിർഹം പിഴയും 12 ബ്ലാക്ക് പോയിന്റുകളും ലഭിക്കും. കൂടാതെ വാഹനം പോലീസ് പിടിച്ചെടുക്കുകയും ചെയ്യും. അനധികൃതമായി രൂപമാറ്റം വരുത്തിയ വാഹനങ്ങൾ തിരികെ ലഭിക്കാൻ 10,000 ദിർഹം വരെ ഫീസ് നൽകേണ്ടിവരുമെന്നും അധികൃതർ അറിയിച്ചു. ഈ നടപടി കർശനമായി നടപ്പാക്കുന്നതിന് ദുബായ് പോലീസ് ഓപ്പറേഷൻസ് അസിസ്റ്റന്റ് കമാൻഡർ-ഇൻ-ചീഫ് മേജർ ജനറൽ സെയ്ഫ് മുഹൈർ അൽ മസ്‌റൂയിയും ഷാർജ പോലീസ് സെൻട്രൽ റീജിയൻ ഡയറക്ടർ ബ്രിഗേഡിയർ ഖലീഫ അൽ ഖസൂനിയും നേതൃത്വമൊരുക്കുന്നുണ്ട്. കുട്ടികൾ വാഹനങ്ങളിൽ അനധികൃത മാറ്റങ്ങൾ വരുത്തുന്നില്ലെന്ന് മാതാപിതാക്കൾ ശ്രദ്ധിക്കണമെന്നും അധികൃതർ അഭ്യർത്ഥിച്ചു. ഇത്തരം ശബ്ദശല്യം ഉണ്ടാക്കുന്ന വാഹനങ്ങളെക്കുറിച്ച് ഔദ്യോഗിക ചാനലുകൾ വഴി പോലീസിനെ അറിയിക്കണമെന്നും പൊതുജനങ്ങളോട് നിർദേശിച്ചിട്ടുണ്ട്. മേഖലയിലെ നിലവിലെ സാഹചര്യം പരിഗണിച്ച് ജനങ്ങളുടെ സമാധാനവും സുരക്ഷയും ഉറപ്പാക്കുക എന്ന ലക്ഷ്യത്തോടെയാണ് ഈ നടപടികൾ ശക്തമാക്കിയതെന്നും പോലീസ് അറിയിച്ചു. പോലീസിന്റെ ഈ ഇടപെടലിനെ പ്രവാസികളും സ്വദേശികളും സ്വാഗതം ചെയ്തിട്ടുണ്ട്.യുഎഇയിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാവുhttps://chat.whatsapp.com/Dbf59JLetgBECJpr5UZOuZ?mode=gi_t